მთლიანად გამომცხვარი ქათამი – ძალიან მკვეთრი და ლამაზი კერძია. ჩემთვის იგი ყოველთვის დღესასწაულებთან ასოცირდება. ამასთან, ასეთი ქათამი საკმაოდ მარტივად მზადდება: უბრალოდ გჭირდებათ მოთმინება, პროდუქტები და საცხობი ცელოფანი.

როცა ფრინველის მთლიან ტუშს ამზადებთ, წვენი ხორცში რჩება. და, აი, დიეტური კვება აღარ იქნება რაღაც საშინელება და უგემური. გარდა ამისა, ქათამი დიდი რაოდენობით ცილას შეიცავს, ეს კი სწორედ ის ნივთიერებაა, რომელიც ჩვენ გვაძლიერებს და გვალამაზებს.

მთლიანი ქათმის გამოცხობა

ინგრედიენტები

• ქათმის ტუში
• 5 მანდარინი
• 6 კბილი ნიორი
• 1 ს.კ. პაპრიკა
• 1 ჩ.კ. მდოგვი
• 1 ს.კ. კეჩუპი
• 1 ჩ.კ. პირშუშხა
• 1 ს.კ. მაიონეზი
• მარილი გემოვნებით

1. გარეცხეთ ქათამი და მოათავსეთ საჭრელ დაფაზე.

2. შემდეგ მოამზადეთ მარინადი ქათმისთვის: შეურიეთ მდოგვი, პაპრიკა, მაიონეზი, ნიორი, მარილი, პირშუშხა და კეჩუპი. წაუსვით ეს მასა ქათმის ტუშს.

3. გარეცხეთ მანდარინი, გაფცქვენით და დაწურეთ წვენი ცალკე ჭურჭელში.

4. მოათავსეთ ქათამი საცხობ ცელოფანში. მოასხით წვენი გარედანაც და შიგნიდანაც. მანდარინის რბილობი და კანი მოათავსეთ ტუშში.

5. შეახვიეთ ქათმიანი ცელოფანი და შედგით მაცივარში 2 საათით მაინც.

6. გაახურეთ ღუმელი 220 გრადუსზე. მოათავსეთ მასში ქათამი ცელოფნით და მოამზადეთ 40 წუთით.

7. 40 წუთში გაჭერით ცელოფანი და აცალეთ ქათმის კანს დაბრაწვა. ქათამი მანდარინით მზადაა!

კარგმა დიასახლისმა იცის, როგორ მოამზადოს ქათმისგან მრავალფეროვანი კერძები. ყველაფერი იმიტომ, რომ ქათმის ხორცი ხელმისაწვდომი და მკვებავია, ასევე, ცნობილია თავისი სასარგებლო თვისებებით.

ამ რეცეპტის გამოყენებით, თქვენ მიიღებთ ქათამს მადისაღმძვრელი ხრაშუნა ქერქითა და ნაზი ხორცით, მანდარინის ნოტებით. ასეთი ფრინველი ნებისმიერ გარნირს მოუხდება და შესაფერისი იქნება ნებისმიერ კომპანიაში.