თუ მაცივარში კვერცხი და კარაქი ვერ იპოვეთ, თქვენ კი ნაზი, ჰაეროვანი ღვეზლის სასწრაფოდ გამოცხობა გსურთ, მაშინ მაიონეზის შეფუთვა და საფუარი თამამად გამოიღეთ და საქმეს შეუდექით!

მაიონეზზე მომზადებული ცომი

დღეს „ვივიენი“ ცომის განსაკუთრებულ რეცეპტს გასწავლით, რომელიც როგორც ტკბილი ნამცხვრების, ასევე ხორციანი ღვეზელების გამოსაცხობად გამოდგება. მაიონეზზე პიცის ცომი ყველაზე უკეთ გამოდის! ხრაშუნა კუთხეები გარანტირებული გაქვთ.

ინგრედიენტები:

• 160 გრ მაიონეზი
• 25 გრ საფუარი
• 250 მლ მდუღარე წყალი
• 3 ჩ/კ შაქარი
• 4 ჭიქა ფქვილი
• მარილი

მომზადება:

1. პირველ რიგში, მშრალ საფუარს წყალი დაასხით და 15 წუთით გასახსნელად დატოვეთ.

2. დროის გასვლის შემდეგ საფუარის წყალს მაიონეზი, შაქარი და ცოტა მარილი დაუმატეთ. მიქსერით კარგად ათქვიფეთ.

3. ფქვილი მოაყარეთ და ცომი მოზილეთ. ფქვილი ძალიან ნელა დაუმატეთ და მუდმივად აურიეთ. საბოლოოდ რბილი, ელასტიური ცომი უნდა გამოვიდეს.

4. ცომი თბილ ადგილას 2 საათით გააჩერეთ. ამის შემდეგ პიცის ან ღვეზლის  ფორმირებას თამამად შეუდექით.

თუ ამ ცომით ტკბილი ნამცხვრის გამოცხობისგან თავს იკავებთ, არ ღირს. მაიონეზი ცომში საერთოდ არ იგრძნობა! ამ ცომით ალუბლის ან ჯემის ღვეზლის გაკეთება აუცილებლად სცადეთ.

თუ რეცეპტი მოგეწონათ, მეგობრებს სოციალურ ქსელში აუცილებლად გაუზიარეთ.