მშობლები დიდ მსხვერპლს იღებენ საკუთარი შვილებისთვის, და ამ ახალგაზრდა ფილიპინელი ბიჭის დედაც არაა გამონაკლისი.
ტერესიტა ალკანზარე 20 წლის განმავლობაში მუშაობდა დიასახლისად ჰონგკონგში, რათა ფილიპინებზე მცხოვრები 7 შვილი ერჩინა.
10 ივნისს, როცა ტერესიტა სამსახურს მორჩა, მისმა ვაჟმა, ჰანს ალკანზარემ იგი აეროპორტიდან პირდაპირ სამხრეთ-აღმოსავლეთი აზიის ტურზე წაიყვანა.
ბავშვები ამბობენ, რომ მათ დედას აღარ მოუწევს მუშაობა, რადგან ისინი ფულს ინახავდნენ და საკმარისად მოაგროვეს იმისთვის, რომ ტერესიტას ყოველთვიური ხარჯებისთვის ეყოს, როცა ფილიპინებზე დაბრუნდება.
-“ჩვენ ძალიან გაგვიმართლა, რომ ასეთი დედა გვყავს”. – დაწერა ჰანსმა თავის Facebook-გვერდზე.
ოჯახის ცხოვრება ძალიან მძიმე აღმოჩნდა. მიუხედავად იმისა, რომ ჰონგკონგის სასტუმროს თანამშრომლები უფრო მეტ ფულს გამოიმუშავებენ, ვიდრე ფილიპინებში, მათ წელიწადში მხოლოდ ერთკვირიანი ანაზღაურებადი შვებულების უფლება აქვთ. ჰანსმა თავის Facebook-გვერდზე ისიც დაწერა, რომ 6 წლის იყო, როცა დედა წავიდა, 7 შვილიდან ის ყველაზე უმცროსი გახლდათ.
ჰონგკონგში ცხოვრებისას, ტერესიტა ბავშვებისთვის ფულს აგროვებდა, რათა მათ სკოლაში სწავლა შეძლებოდათ.
მას უკვე არ ახსოვს, ბოლოს როდის იყიდა თავისთვის რამე.
ჰანს ალკანზარე ახლა ინჟინერ-მშენებლად მუშაობს. კოლეჯში სწავლისა და სასურველი პროფესიის არჩევა მისმა ძმებმა და დებმაც შეძლეს.
-“ჩვენ ოჯახში გვყავს სერტიფიცირებული ბუღალტერი, მასწავლებელი, მედდა, ფარმაცევტი და მეანი, ინჟინერ-მშენებელი და სანტექნიკოსი, მალე კი ინფორმაციული ტექნოლოგიც შეგვემატება”. – ასე მისწერა ჰანსმა დედას.
-“ჩემთვის დედაჩემის ღიმილი ბედნიერების მომტანია.”
