ყველა ჩვენი გამოცდილება, განცდა, სასიხარულო და სამწუხარო მოვლენა სახეზე განვლილი ცხოვრების გასახსენებლად კვალს ტოვებს, სწორედ ამიტომ ნაოჭები თითოეული ზრდასრული ადამიანის გარდაუვალი ნაწილია. თუ მამაკაცს ეს პატარა ნიშნები არ აწუხებს, ქალებისთვის ნამდვილ ტრაგედიას წარმოადგენს.

თითოეულ ჩვენგანს სურს რაც შეიძლება დიდხანს მიმზიდველი და იდუმალებით მოცული დარჩეს. ნაოჭები ჩვენს კომპრომისს წარმოადგენს და სხვებს ატყობინებს, თუ რამდენად ხშირად ვიცინით, რამდენად მძიმედ ვმუშაობთ და წლების მანძილზე რამდენიმე ცრემლი დავღვარეთ.

თუმცა, ნაოჭების საწინააღმდეგო სწორი საშუალების შერჩევის შემდეგ შეგიძლიათ აღარ ინერვიულოთ. „ვივიენი“ რამდენიმე მარტივ და ეფექტურ ნიღბებზე გიამბობთ, რომელთა დახმარებით თქვენი სახე კვლავ უდარდელი ახალგაზრდობით და სილამაზით იბრწყინებს.

ნაოჭების საწინააღმდეგო საუკეთესო საშუალება

როგორც არ უნდა იტრიალოთ, ნაოჭების საწინააღმდეგოდ თევზის ქონი საუკეთესო საშუალებაა. ის დიდი რაოდენობით A და E ვიტამინებს შეიცავს, რომლებიც კანის აღდგენის პროცესს აჩქარებენ, ასევე მის სიგლუვეს და ელასტიურობას აღადგენენ.

თუ წვრილ ნაოჭებს და პიგმენტურ ლაქებს ებრძვით, თევზის ქონი ცხიმიან ნაღებს ან არაჟანსა და ლიმონის წვენს აურიეთ – თითოეული ინგრედიენტი 1 ჩ/კ. საშუალება კანზე წაისვით და 20-30 წუთით გაიჩერეთ, შემდეგ კოსმეტიკური ფითხით მოიშორეთ. ნიღბის ნარჩენები გვირილის ნახარშით ჩამოიბანეთ.

ღრმა ნაოჭების ამოსავსებად თევზის ქონისა და თაფლის ნიღაბი გამოდგება. 1 ჩ/კ თხევად თაფლს 1 ჩ/კ თევზის ქონი დაუმატეთ და კარგად აურიეთ. მიღებული ნარევი სახეზე მსუბუქი მოძრაობით წაისვით და 20-30 წუთით გაიჩერეთ. შემდეგ ნიღაბი ქაღალდის პირსახოცით მოიშორეთ და თბილი წყლით ჩამოიბანეთ. ასეთი ნიღაბი კვირაში ორჯერ გაიკეთეთ და მალე სარკეში სასურველ შედეგს დაინახავთ.

თევზის ქონი სუფთა სახით თვალის ირგვლივ ნაოჭების საწინააღმდეგო ყველაზე მეტად მოქმედი საშუალებაა. დერმატოლოგები ძილის წინ მის წასმას გირჩევენ. საკმარისია ემულსია კანზე 20 წუთით გაიჩეროთ და შემდეგ სუფთა წყლით ჩამოიბანოთ. სიტყვაზე, ეფექტის გასაძლიერებლად კომპლექსურად უნდა გამოიყენოთ: როგორც გარედან, ასევე შიგნით ვიტამინების სახით.

თუ თევზის ქონზე ინდივიდუალური აუტანლობა არ გაქვთ, შეგიძლიათ მისი გამოყენება დაიწყოთ, რადგან მას სხვა უკუჩვენება არ აქვს.

თუ სტატია ინფორმაციული იყო, მეგობრებს სოციალურ ქსელში აუცილებლად გაუზიარეთ.