ბედნიერებაა, როდესაც ოჯახი და მეგობრები ჯანმრთელები არიან და სიცოცხლით ტკბებიან. ეს განსაკუთრებით ეხება ჩვენს დედას, რომელიც გვინდა იყოს მუდამ კარგ ხასიათზე, აქტიური, გაბედნიერდეს ჩვენი ნახვით და საუბრით.
როგორ ვიყოთ მხიარულები და აქტიურები
მედიცინის განვითარებისა და ხალხის კეთილდღეობის გაუმჯობესების წყალობით, ბევრმა ქვეყანამ ქალების სიცოცხლის ხანგრძლივობის გაზრდა განიზრახა. მაგალითად, იაპონიაში ქალები საშუალოდ 87.1 წელი ცხოვრობენ და მომავალში ეს 88.9 წლამდე გაიზრდება. ბრიტანეთში, 83.2 წელია, გაიზრდება 85.5-მდე. აშშ-ში ქალების სიცოცხლის ხანგრძლივობა 81 წელია და რაც 84.7 წლამდე გაიზრდება.
მაგრამ არა მხოლოდ მედიცინას შეუძლია დედების ცხოვრების გახანგრძლივება. ბევრი მათგანი დამოკიდებულია იმაზე, თუ ვინ ჰყავს გარშემო და როგორ ეხმარება ის მის ემოციურ მდგომარეობას. მართლაც, როგორც კალიფორნიის უნივერსიტეტის მეცნიერების კვლევებით დასტურდება, 60 წლის ასაკის ადამიანების დაახლოებით 43% მარტოობაში ცხოვრობს.
დღეს, ვივიენი მოგიყვებათ 7 მარტივ ნაბიჯზე, რომლებიც ჩვენი დედების სიცოცხლეს გაახანგრძლივებს:
1. უფრო ხშირად ესტუმრეთ
არ აქვს მნიშვნელობა, თუ რამდენად დაკავებული ხართ სამუშაო რეჟიმით, კვირაში რამდენჯერმე ესტუმრეთ დედას. ის თავს მარტოსულად არ იგრძნობს.
2. იარეთ მასთან ერთად კინოში ან თეატრში
აირჩიეთ სასიამოვნო გარემო და კომედია, რომელიც სიხარულით აავსებს. გაუზიარეთ თქვენი ბედნიერი მომენტები, რაც საშუალებას მისცემს თქვენით იამაყოს.
3. ასწავლეთ კომპიუტერის ან სმარტფონის გამოყენება
სოციალური ქსელით კომუნიკაცია, ონლაინ კულინარიულ ტრენინგებში მონაწილეობა, ინტერესთა ობიექტების უზრუნველყოფა მას ტვინს გაუვარჯიშებს.
4. სთხოვეთ შვილიშვილებთან ითამაშოს
ახალგაზრდა თაობასთან აქტიური ურთიერთობა დაავიწყებს ავადმყოფობასა და უსაქმურობას, ეს მას გააბედნიერებს და დასვენებულიც კი იქნება.
5. ჩაწერეთ ბიბლიოთეკაში
ეს არ არის მხოლოდ წიგნებით სავსე ადგილი, არამედ აქ ბევრი საინტერესო მოვლენა ხდება. ასე, რომ გაზარდეთ მისი სანაცნობი წრე და აიძულეთ ხშირად გავიდეს სახლიდან.
6. სთხოვეთ რაიმე მოგიმზადოთ
დედას მოუწევს არა მხოლოდ დაძაბოს მეხსიერება და გაიხსენოს რეცეპტი, არამედ იაქტიუროს სამზარეულოში. ფიზიკური და გონებრივი აქტივობა ისაა, რაც მის ასაკში საჭიროა.
7. წადით მასთან ერთად ბუნებაში
რა შეიძლება იყოს უკეთესი, ვიდრე ტყეში, მდინარის ნაპირზე ან პარკში დასვენებაა? ეს დიდებული რელაქსაციაა.
როგორც ხედავთ, მთავარია, რომ დედამ არ მოიწყინოს. მაშინ მას არ ექნება დრო ინერვიულოს, იყოს უმოქმედოთ და მთელი დღე ფანჯარასთან გაატაროს.
