ჩვენ სხეულის ტონუსს და სახის კანის მოვლას დიდ ყურადღებას ვუთმობთ. თუმცა სილამაზის და ახალგაზრდობის შენარჩუნების დროს ძალიან მნიშვნელოვანი რამ, ყელის მოვლა გვავიწყდება.
კისრის კანქვეშა კუნთები ან პლატიზმა ყელის და ნიკაპის გარეგნულ მხარეზეა პასუხისმგებელი. ის სხვა კუნთებისგან განსხვავდება და ასაკობრივი ცვლილებებისა და გარე დაზიანებების მიმართ ძალიან მგრძნობიარეა.
პლატიზმა ძვლის ქსოვილს არ უკავშირდება და როგორც ყველა კუნთს, ელასტიურობის დაკარგვის ტენდენცია ახასიათებს. ყელის კანი სახის კანზე უფრო ნაკლებ ცხიმოვან ჯირკვალს შეიცავს. ცხიმოვანი ჯირკვლის ნაკლებობა ამ ნაწილს სიმშრალის და ნაოჭების გაჩენისკენ მიდრეკილს ხდის. სწორედ ამიტომ ძალიან მნიშვნელოვანია დამატენიანებელი კრემი არა მხოლოდ სახეზე, არამედ ყელზეც წაისვათ.
პირველ რიგში, ასაკობრივი ცვლილებები ყელის სუსტ კანქვეშა კუნთში ჩნდება. მისი ცვლილებები ხშირად არა ორმაგ ნიკაპს, არამედ ე.წ. „ინდაურის ყელის“ გაჩენას იწვევს.
დროთა განმავლობაში კისრის ქვედა ნაწილსა და ნიკაპის არეში ცხიმოვანი ქსოვილის დაგროვება ხდება. შედეგად კანზე წრიული ნაკეცები ჩნდება, ის ჩამოწეული და დანაოჭებული ხდება.
ყელის კანის ხარისხის გაუარესების ერთ-ერთი მთავარი მიზეზი ცუდი დგომაა. რეალურ ცხოვრებაში ფეხებზე უფრო ხშირად ვიყურებით, ვიდრე ცაში, პლატიზმა პრაქტიკულად არ მუშაობს. ხოლო იძულებითი უმოქმედობის გამო ის სუსტი და მოდუნებული ხდება და კანს აღარ ჭიმავს.
ვარჯიშები ყელის კანქვეშა კუნთისთვის
1. გაიღიმეთ, 5 წამით სახის ქვედა ნაწილი დაჭიმეთ და ამავე დროით კუნთები მოადუნეთ. 1 წუთის განმავლობაში გაიმეორეთ. კუნთების მოდუნება, პირის კუთხეების დაწევა ეფექტურ შედეგს იძლევა ტუჩის კუთხეების დაჭიმვისა და სახის პოზიტიური ცვლილების სახით.
ხოლო პლატიზმის დაჭიმვით, კუნთების აქტიურობას და ყელის დაჭიმვას ხელს შეუწყობთ. ასეთი ვარჯიშის შესრულების დროს რეგულარულად შესრულება მნიშვნელოვანია.
2. ჩასუნთქვის დროს ქვედა ტუჩი და კისერი ქვემოთ ისე დასწიეთ, რომ კისრის კანქვეშა კუნთები მაქსიმალურად დაიჭიმოს, ხოლო მყესები ყელზე აშკარად გამოჩნდეს. სახის დანარჩენი კუნთები მოდუნებული უნდა იყოს.
6 წამით ასე გაჩერდით და შემდეგ კისერი ამოსუნთქვასთან ერთად მთლიანად მოადუნეთ. ვარჯიში 4-5-ჯერ შეასრულეთ, 2-3 წამიანი შესვენებებით.
3. თავი წინ გადახარეთ და ხელისგულებით გულ-მკერდის არეს მესამე ნეკნის დონეზე დააჭირეთ. შემდეგ ჩაისუნთქეთ, თითები ნეკნებზე დააფიქსირეთ, ნელ-ნელა თავი წამოსწიეთ და უკან გადაწიეთ, ასე კისრის კანქვეშა კუნთების დაჭიმვა გამოიწვიეთ.
ამოისუნთქეთ, თავი ვერტიკალურ მდგომარეობაში გააჩერეთ. მთელი მოძრაობის ციკლი 3-6-ჯერ გაიმეორეთ. ცხვირიდან ნელ-ნელა შეისუნთქეთ და პირი ფართოდ გააღეთ, თავი მაქსიმალურად უკან გადასწიეთ.
შემდეგ თავი უკან გადაწეული გქონდეთ და ცხვირიდან ამოისუნთქეთ, ნელ-ნელა პირი დახურეთ, ზედა და ქვედა ყბა შეაერთეთ. თავი ვერტიკალურ მდგომარეობას დაუბრუნეთ, 2-3 წამით შეისვენეთ. ვარჯიში 36-ჯერ გაიმეორეთ.
4. სიმჰასანა, ანუ ლომის პოზა. ენის გამოყოფის დროს მისი კუნთების გააქტიურება ხდება, ასევე მუცლის, მენჯის და გულმკერდის კუნთების გააქტიურება.
ღრმა ამოსუნთქვით დიაფრაგმა, მენჯის და ხმის იოგების კუნთები აქტიურდება. ამასთან კისრის კანქვესა კუნთები მცირდება.
საბოლოოდ, სიმჰასანა ბევრ კუნთს ასტიმულირებს, რომელთაც ჩვეულებრივ ნაკლები ყურადღება ეთმობა. გარდა ამისა, სიმჰასანა კისრის კანქვეშა კუნთებზე მატონიზირებელ ეფექტს ახდენს, რაც კარგ კოსმეტიკურ ეფექტს იძლევა.
5. ლოყები რაც შეიძლება დიდზე გაბერეთ, პირი დამუწეთ და ჰაერის წრეზე მოძრაობა დაიწყეთ, მარცხენა ლოყიდან ზედა ტუჩისკენ, შემდეგ მარჯვენა ლოყისკენ და ტუჩის ქვედა ნაწილისკენ. შემდეგ ოდნავ თავი უკან გადასწიეთ და ფრთხილად ჰაერის ამოსუნთქვა დაიწყეთ. წარმოიდგინეთ, რომ მტვერს უბერავთ. 3-5-ჯერ გაიმეორეთ.
ეს ვარჯიშები ყოველდღე შეასრულეთ და ძალიან მალე შედეგს შეამჩნევთ: თქვენ ლამაზი და დაჭიმული კისერი გექნებათ.
ინფორმაცია მეგობრებს გაუზიარეთ, დაე, ისინიც ჯანმრთელები და ლამაზები იყვნენ!
