სადღესასწაულო ხორცის რულეტი: თუ სტუმრების გაოცება გსურთ

0
392

ბევრი დიასახლისი უკვე იმაზე იწყებს ფიქრს, თუ რა მოამზადონ ისეთი, რითიც სტუმრებს ახალი წლის დღესასწაულებზე გააოცებს. ჩვენი რედაქცია გთავაზობთ ხორცის რულეტის მომზადებას იტალიური რეცეპტით. ყურადღება გაამახვილეთ იმაზე, რომ ინგრედიენტებში მითითებულია ბევრი მშრალი სანელებელი, რომელთა ჩანაცვლებაც ახალი ბალახებით შეიძლება.

ჩვენს ოჯახში უკვე მრავალი წელია ამ კერძს ამზადებენ ზამთრის დღესასწაულებისთვის. თამამად ვიტყვი, რომ ამ პიკანტური რულეტის წყალობით, ხორცის კერძი ძალიან სადღესასწაულოდ გამოიყურება კიდევაც.

ხორცის რულეტის რეცეპტი

ინგრედიენტები

  • 1 კგ საქონლის ხორცი
  • 1 თავი ხახვი
  • 100 მლ თეთრი მშრალი ღვინო
  • 400 მლ პომიდვრის წვენი
  • 2 კბილი ნიორი
  • 2 კვერცხი
  • 200 გ მყარი ყველი
  • 3 ს.კ. თეთრი პურის საფანელი
  • 1/2 ჩ.კ. ხმელი თავშავა (ორეგანო)
  • 1/3 ჩ.კ. ხმელი რეჰანი
  • 1/2 ჩ.კ. ხმელი ოხრახუში
  • 1/2 ჩ.კ. დაფქული პილპილი
  • 1/2 ჩ.კ. მარილი

მომზადება

1. დაჭერით ხახვი რკალებად, ხოლო ნიორი დახეხეთ ან დაჭყლიტეთ წვრილად.

2. ჭურჭელში შეურიეთ ნიორი, საფანელი, რეჰანი, ორეგანო, ოხრახუში და მარილი. დაუმატეთ უმი კვერცხი, დახეხილი ყველი და კიდევ ერთხელ მოურიეთ.

3. მოათავსეთ ხორცი განიერ დაფაზე და ჰორიზონტალურად გაჭერით ბოჭკოების გასწვრივ. ოღონდ ბოლომდე არ გაჭრათ, რათა ერთი მთლიანი, გრძელი ნაჭერი მიიღოთ. ხორცის სისქე 1 სმ-ს არ უნდა აღემატებოდეს. შეაზილეთ მარილი და პილპილი.

4. მოათავსეთ შიგთავსი ხორცზე თანაბრად. არ დაგავიწყდეთ ერთ კიდეზე დაახლოებით ორსანტიმეტრიანი თავისუფალი ადგილის დატოვება.

5. ფრთხილად დაახვიეთ რულეტი და ეცადეთ, რომ შიგთავსი არ გადმოიყაროს.

6. მჭიდროდ გაკვანძეთ რულეტი კულინარიული ძაფით.

7. დადეთ ტაფაზე ხახვი, ზემოდაც დაადეთ ხორცის რულეტი (ნაკერით ქვემოთ). მოასხით ხორცს პომიდვრის წვენი და ღვინო. შეახვიეთ ტაფა ალუმინის ფოლგაში და შედგით 180 გრადუსამდე გახურებულ ღუმელში 2 საათით.

8. თუ გინდათ, რომ რულეტს შებრაწული ქერქი ჰქონდეს, მოხსენით ფოლგა და კიდევ 20 წუთით აცხვეთ.

გემრიელად მიირთვით!

Loading...

პასუხის გაცემა

დაწერეთ კომენტარი
გთხოვთ ჩაწერეთ თქვენი სახელი