ასე მოხდა, რომ, ჩვეულებრივ, სამზარეულოში ჩვენ ის სტერეოტიპები გვმართავს, რომლებიც დედებისგან და ბებიებისგან მივიღეთ მემკვიდრეობით. უფროსების გამოცდილება მნიშვნელოვანია და ჩვენ, რა თქმა უნდა, მას ვაფასებთ, თუმცა მათი რჩევები ყოველთვის სანდო და სწორი ნამდვილად არაა.

წლები მიფრინავს და ბებიების დარიგებებიც, მათთან ერთად, ბერდება. დღეს ჩვენ გაგაცნობთ 10 გავრცელებულ კულინარიულ მცდარ შეხედულებას, რომელთა მცდარობაც უკვე ყველამ უნდა აღიაროს, რათა მომზადების პროცესი გამარტივდეს, შედეგი კი უფრო გემრიელი გახდეს.

ბებიას საიდუმლოები

1. სოდის ძმრით ჩაქრობა

გამოცხობის დროს, ჩვენ ყოველთვის გვსურს მაქსიმალურად ფუმფულა კერძის მიღება, რისთვისაც ცომს გამაფხვიერებელს ან სოდას ვუმატებთ. ჩაუმქრალ სოდას ცხელ კერძში “საპნისებრი” გემო აქვს, რაც, ჩვეულებრივ, მისი ძმრით ჩაქრობით სწორდება. შედეგი, ამასთან, ყოველთვის არ შეესაბამება მოლოდინს. ჩვენ ხომ გვასწავლიდნენ ძმრისა და სოდის შერევას კოვზზე, სანამ მათ ცომს დავუმატებდით. აღმოჩნდა, რომ ამ პროცესს არავითარი აზრი არ აქვს.

რეაქციის შედეგად გამოყოფილი ნახშირორჟანგი, ამ შემთხვევაში, ცომში კი არ ხვდება, ჰაერში მიდის. ნორმალური გაფხვიერების რეაქცია უშუალოდ ცომში უნდა მიმდინარეობდეს, თანაც სოდა თანაბრად უნდა იყოს გადანაწილებული მთელ მოცულობაზე.

როგორ მივაღწიოთ ამას? გამოხსენით ლიმონმჟავა და სოდა წყალში, ცალ-ცალკე ჭიქებში. ცომს ჯერ მჟავას ხსნარი დაუმატეთ, მოურიეთ და მხოლოდ ამის შემდეგ დაუმატეთ სოდის ხსნარი. ასეთი რიგითობით, მჟავასთან რეაქცია უშუალოდ ცომში მოხდება, ნახშირორჟანგი კი სწრაფად და თანაბრად გადანაწილდება მთელ მოცულობაზე.

2. ქვაბის წყლით გამოვლება, რძე რომ არ მიიწვას

კიდევ ერთი მცდარი რჩევა ჩვენი ბებიებისგან. მთავარი აქ ისაა, თუ როგორ ქვაბში ადუღებთ რძეს. უმჯობესია, ეს სქელძირიან ქვაბში გააკეთოთ. შეგიძლიათ გამოიყენოთ ჭურჭელი ტეფლონის დაფარვით. ხოლო პასტერიზებული რძე, რომელიც თანამედროვე შეფუთვებში იყიდება, შეგიძლიათ სულაც არ აადუღოთ.

3. ნამცხვრის ჭამა ცხლად, უშუალოდ საცხობი ფორმიდან

ის შემთხვევა, როცა უსარგებლო რჩევები გვავნებს. ბებიას ნამცხვარი – ეს დაუჯერებლად გემრიელი, თუმცა ამდენადვე სასიშია. მათვის, ვისაც კუჭ-ნაწლავის ტრაქტთან დაკავშირებული ნებისმიერი სახის პრობლემა(გასტრიტი, კუჭის ან თორმეტგოჯა ნაწლავის ყლული, კუჭქვეშა ჯირკვლისა და ღვიძლის დაავადებები) აქვთ, ცხელი კერძების მიღება კატეგორიულად აკრძალულია.

ახლახან გამომცხვარი ღვეზელები და ფუნთუშები ჯერ კიდევ ფერმენტირების პროცესშია, რომელსაც ვერ დავარქმევთ სასარგებლოს ღვიძლისა და კუჭ-ნაწლავის ტრაქტისთვის. ასეთი პურფუნთუშეული ნაწარმი უფრო დიდხანს და მძიმედ გადამუშავდება და იწვევს საჭმლის მონელების დარღვევებს.

4. ცხიმიანი ლაქების ამოყვანა მარილით

თუ ცხიმიან ლაქას მარილს მოაყრით, იგი ნამდვილად არ ამოირეცხება, რადგან მარილი მხოლოდ მელნის ლაქებს, შოკოლადის, ყავისა და ჩაის ნაკვალევს ხსნის. ასევე, არ ღირს მისი ხახუნი, რადგან მარილი ლაქის ადგილას ტანსაცმელს შეუცვლის ფერს.

5. კოტლეტისთვის პურის ჩალბობა რძეში

მზარეულები კოტლეტისთვის პურის რძეში ჩალბობას არამხოლოდ უსარგებლო, არამედ მავნე რჩევადაც მიიჩნევენ: ეს კოტლეტს აშრობს, შეწვისას რძისა და ხორცის ცილების ურთიერთქმედების შედეგად.

6. ხორცის გალღობა ოთახის ტემპერატურაზე

ასეთ ტემპერატურაზე ხორცის გალღობისას, მის ზედაპირზე ვქმნით მსუყე ნიადაგს ბაქტერიების გასამრავლებლად, შემდეგ კი ისინი ხელებზე, ჭურჭელსა და ხელსახოცებზე გადადის და მთელ სამზარეულოს აბინძურებს.

ყველაზე უსაფრთხო მეთოდია ხორცის გალღობა მაცივარში. ამასთან, დატოვეთ იგი მაღაზიის შეფუთვაში. თუ შეფუთვა არ აქვს, მოათავსეთ ხორცი თეფშზე და დაახურეთ მეოტე თეფში, რათა უსიამოვნო სუნი არ შეიწოვოს.

7. ხორცის რეცხვა გამდინარე წყალქვეშ

დიასახლისთა უმრავლესობა, ხორცის მომზადებამდე, მას ნიჟარაში რეცხავს, ამის გაკეთება კი ნამდვილად არ ღირს. საქმე ისაა, რომ ხორცზე დიდი რაოდენობით მიკროორგანიზმია, რომლებიც, წყლის უწვრილეს წვეთებთან ერთად, ეშხეფება მთელ სამზარეულოს, სუფთა ჭურჭელს, ავეჯს, პირსახოცებს, შეიძლება მოხვდეს თქვენს პირშიც და გამოიწვიოს კვებითი მოწამლვა.

თუ ქათმის გარეცხვა გადაწყვიტეთ, გააკეთეთ ეს შემდეგნაირად: ჩაასხით თასში წყალი და ჩადეთ მასში ხორცი ისე, რომ შხეფები არ გამოიწვიოთ. ამის შემდეგ, კარგად გააშრეთ ერთჯერადი ხელსახოცებით.

8. მაკარონის გარეცხვა

მოხარშული მაკარონის ზედაპირზე ჩნდება სახამებელი, რომელიც იწოვს ტომატის სოუსს, რაც პასტის მომზადებისას საკმაოდ მნიშვნელოვანი დეტალია.

გახსოვდეთ: ხარისხიანი მაკარონი, ხორბლის მყარი სახეობებისგან, არ ეწებება ერთმანეთს და არც მოხარშვის დროს იშლება, ამიტომ, შეძენამდე ყურადღება მის შემადგენლობაზე გაამახვილეთ.

9. ხახვის დაქუცმაცება წინასწარ

წვრილად დაჭრილი ხახვი, 7-10 წუთის შემდეგ, იწყებს ამწარებას, ამიტომ იგი უშუალოდ კერძში დამატებამდე დააჭერით.

10. მწვადების გაჩერება მარინადში 12 საათით

არავითარი აზრი არ აქვს ხორცის მარინადში მოთავსებას მთელი ღამით მაცივარში. იმისათვის, რომ ძროხის ან ღორის ხორცი “დამწიფდეს”, საკმარისია 5 საათი, ხოლო ქათმისთვის – 1. თევზს საერთოდ არ სჭირდება დამარილება მომზადებამდე.

დაამატებდით რამეს საკუთარი გამოცდილებიდან?