ჩვენი მეზობელი თავის მოსავალს ყოველთვის ყველაზე ადრე იღებს. უკვე მაისის შუა რიცხვებში, მის მაგიდას ამშვენებს ახალი ბოლოკი, ნიორი და მწვანილი საკუთარი ბოსტნიდან. მე მას ვთხოვე მოეყოლა, თუ როგორ რგავს ნიორს ზამთრისთვის და დეტალური ინსტრუქციები მივიღე!
გასაოცარია, როგორ უძლებენ მცენარეები მკაცრ ზამთარს თოვლის ქვეშ. გაზაფხულზე ისინი არა მხოლოდ თავიანთი გემოთი და სიახლით გვახარებენ, არამედ თავიანთი სილამაზითაც. რა სასიამოვნოა აპრილში გამწვანებული ბოსტნის დანახვა! ვივიენის დღევანდელ სტატიაში გიამბობთ, თუ როგორ უნდა დარგოთ ზამთრის ნიორი სწორად, რათა უხვი და ჯანსაღი მოსავალი მიიღოთ.
ნიორი ზამთრისთვის: ზამთრის კულტურის დარგვის თავისებურებები
ადგილი
მიმოიხედე შენს ბოსტანში და გაიხსენე სად იზრდებოდა კიტრი, კარტოფილი, ნესვი ან პარკოსნები. სწორედ იქ უნდა დათესოთ ნიორი. ზამთრის ნივრის დასარგავად შეარჩიეთ ყველაზე მზიანი ადგილი. არ დარგოთ ნიორი იქ, სადაც ცოტა ხნის წინ ხახვი ან ნიორი იზრდებოდა.
დრო
ზამთრისთვის ნივრის დარგვის ოპტიმალური პერიოდია – სექტემბრის ბოლოდან, ოქტომბრის დასაწყისამდე. თუ მოგვიანებით დარგავთ, მცენარე დასუსტდება და სიცივის დაწყებამდე ფესვის გაკეთებას ვერ მოასწრებს. და თუ ადრე, მაშინ ნივრის კბილიდან მწვანე ღერო გაიზრდება, რაც დაასუსტებს ფესვებს.
ნიადაგი
შეარჩიეთ მიწის ნაკვეთი, რომელიც გაზაფხულზე არ დაიტბორება. ნივრის დარგვისთვის ნიადაგის მომზადება დაიწყეთ ერთი თვით ადრე. გააფხვიერეთ იგი ნიჩბის პირის სიღრმემდე, მოაშორეთ ყველა სარეველა და ქვა. მწკრივები მიმართული უნდა იყოს ჩრდილოეთიდან სამხრეთისაკენ.
ამის შემდეგ, ნიადაგი გაშალეთ და კარგად გაასწორეთ. აუცილებლად შეიტანეთ სასუქი. ამისთვის შესაფერისია კომპოსტი, ორწლიანი ნაკელი ან ნეშომპალა. ორი კვადრატული მეტრი ნიადაგისთვის დაგჭირდებათ სასუქი – ერთი ათლიტრიანი სათლით. დარგვამდე აუცილებლად გაფხვიერეთ მიწა, მორწყეთ და გააკეთეთ ღარები. ორმოს ძირში ჩაყარეთ ქვიშა ან ნაცარი.
სარგავი მასალა
ზამთრის ნივრის დასარგავად აირჩიეთ ყველაზე დიდი კბილები. ისინი უნდა იყოს სუფთა და ლამაზი, ობის, ლაქებისა და დაზიანების გარეშე. თუ ერთ ცუდ კბილს მაინც ნახავთ, ესე იგი, დარგვისთვის უვარგისია მთელი თავი. გარდა ამისა, ყველა შერჩეულ ნივრის კბილი უნდა ჰქონდეს ნაჭუჭი.
დარგვა
უპირველეს ყოვლისა, გულდასმით მორწყეთ მომზადებული ღარები და შემდეგ დარგეთ ნიორი. დარგვის სიღრმე დამოკიდებულია კბილის ზომაზე. ნივრის ზედა კიდიდან ზედაპირამდე უნდა იყოს 5 სმ. ასევე მნიშვნელოვანია ნარგავებს შორის მანძილის გამოთვლა. დარგეთ პატარა კბილები ერთმანეთისგან მცირე მანძილზე (5–7 სმ). მაგრამ დიდებს მეტი ადგილი სჭირდებათ: 10-15 სმ. შეინარჩუნეთ მანძილი მწკრივებს შორის დაახლოებით 20 სმ.
როგორც ხედავთ, ზამთრის ნივრის დარგვაში რთული არაფერია. გახსოვდეთ, რომ ნივრის ყველა ჯიში არ არის შესაფერისი ზამთარში დასარგავად. სწორად შერჩეული ნიორი ზამთრისთვის კარგ მოსავალს უზრუნველყოფს!
