სახლის ვერცერთი ოთახი ვერ დაიკვეხნოს ისეთივე ძლიერი ტენიანობით და ტემპერატურის უეცარი ცვლილებებით, როგორც აბაზანა. ბევრი რამ, რაც არ არის შეგუებული ასეთ კლიმატთან, ხშირად იწყებს გაფუჭებას და ვნებს თქვენს ჯანმრთელობას.
დერმატოვენეროლოგმა ალიონა რომანოვამ ისაუბრა, თუ რომელი 5 საგანი შეიძლება იქცეს ბაქტერიების ნამდვილ გამრავლების ადგილად, რომლებიც არ დაინდობენ თქვენს ჯანმრთელობას და სილამაზეს.
უპირველეს ყოვლისა, სამუდამოდ დაივიწყეთ ნებისმიერი ტექსტილის აბაზანაში შენახვის იდეა. რა თქმა უნდა, ჩვენ არ მოგიწოდებთ ფარდის მოშორებას და აბსოლუტურად ყველა პირსახოცის გატანას. დატოვეთ აბაზანაში მხოლოდ ის, რაც ნამდვილად გჭირდებათ, მაგალითად, ხელის პირსახოცი (გამოცვალეთ იგი ყოველ სამ დღეში) და შხაპის მიღებამდე თან შეიტანეთ პირსახოცი, რომელიც სხეულისთვის არის განკუთვნილი (უპირატესობა მიანიჭეთ ახალ სუფთა ეგზემპლიარს ყოველ კვირა).
თეთრეულისა და ხალათების შენახვა ამ ნესტიან ოთახში არ არის საუკეთესო იდეა (მაშინაც კი, თუ თქვენ გაქვთ ჩაკეტილი კარადა). ექსპერტი აღნიშნავს, რომ ზედმეტად მაღალი ტენიანობის გამო ნივთები გამუდმებით ნესტიანდება და დროთა განმავლობაში შეიძლება მათზე გაჩნდეს ობი. „ეს გამოიწვევს არა მხოლოდ ტექსტილის დაზიანებას, არამედ, კანის, ლორწოვანი გარსების და სასუნთქი ორგანოების პრობლემებს”, – განმარტავს ექიმი. შხაპის მიღების შემდეგ ეცადეთ მაქსიმალურად გაანიავოთ აბაზანა, ხოლო თუ ელექტრო საშრობი არ გაქვთ, პირსახოცები გასაშრობად აივანზე გაიტანეთ.
თუ კოსმეტიკის ორგანაიზერს ჯერ კიდევ სააბაზანო ოთახში ინახავთ, გაიტანეთ იქიდან რაც შეიძლება ჩქარა. ჯერ ერთი, კოსმეტიკა ბევრად უფრო სწრაფად ფუჭდება, თუ არასწორ პირობებში ინახება, ამიტომ მოგიწევთ დროზე ადრე დაემშვიდობოთ თქვენს საყვარელ ტონალურ კრემს. მეორეც, მაკიაჟის ფუნჯები და ღრუბლები (თუნდაც დახურულ ფუტლიარში იყოს) უნდა ინახებოდეს მხოლოდ მშრალ და გრილ ადგილას. თუ მათ ყოველდღიურად არ ასუფთავებთ, მაშინ მათში არა მხოლოდ კოსმეტიკის ნაწილაკები, არამედ ჭუჭყიც გროვდება.
ნოტიო ჰაერი თქვენს სილამაზის ხელსაწყოებს ნაყოფიერ ნიადაგად გადააქცევს ბაქტერიების გამრავლებისთვის. ერთი შეხედვით აბსოლუტურად სუფთა ფუნჯი ადვილად გადაიტანს კანზე მიკრობებს და ანთებას გამოიწვევს.
სახლში, სადაც აბაზანა და საპირფარეშო ერთ სივრცეშია, განსაკუთრებით ფრთხილად უნდა იყოთ კბილის ჯაგრისების შენახვასთან. ყოველ ჯერზე, როცა უნიტაზს ვრეცხავთ, ბაქტერიები ამოდის ჰაერში, რომლებიც სწრაფად იწყებენ გამრავლებას ტენიან გარემოში და რჩებიან ბევრ ზედაპირზე, მათ შორის კბილის ჯაგრისზე, რომელსაც შემდეგ ისინი პირში გადააქვს. არც ისე მიმზიდველად ჟღერს.
იფიქრეთ იმაზე, თუ როგორ შეინახოთ თქვენი კბილის ჯაგრისი და დაიცვათ თქვენი ორგანიზმი უსიამოვნო შედეგებისგან. მაგალითად, შეინახეთ იგი დახურულ ფუტლიარში ან თავსახურიან ჭიქაში.
ბევრი ჩვენგანი იშვიათად კითხულობს მედიკამენტებსა და ბიოლოგიურად აქტიური დანამატების შენახვის პირობებს – და ამაოდ! ზოგიერთ ჩვენგანს მემკვიდრეობით აქვს მიღებული წამლებისა და ვიტამინების აბაზანაში შენახვის ჩვევა. თუ ეს თქვენთვის ნაცნობია, მაშინ შეგახსენებთ, რომ ტაბლეტების უმეტესობას მშრალი, ბნელი და გრილი ადგილი სჭირდება, წინააღმდეგ შემთხვევაში მედიკამენტები შეიძლება დამხმარეებიდან ნამდვილ მავნებლებად გადაიქცნენ.
„ნიჟარის ზემოთ წამლების შენახვით, თქვენ რისკავთ აბების შენახვის ვადის შემცირებას და საუკეთესო შემთხვევაში მათი ეფექტურობის შემცირებას“, – განმარტავს ექიმი.
ასევე უმჯობესია სახის ნიღბები, კრემები და შრატები ნესტიანი ოთახიდან მოშორებით შეინახოთ. როგორც წესი, უმეტეს კოსმეტიკას აქვს შენახვის ვადა, რომელიც იშვიათად აღემატება 12 თვეს. კონკრეტული ქილის გახსნის შემდეგ, პროდუქტი უფრო სწრაფად იწყებს გაფუჭებას. ღია ქილები მოათავსეთ საძინებელში ტუალეტის მაგიდაზე, ან შედგით მაცივარში.
შენახვის პირობები მნიშვნელოვანი პუნქტია, რომელიც გავლენას ახდენს კოსმეტიკის ეფექტურობაზე. გარდა ამისა, დამეთანხმებით, რომ კანზე გამაგრილებელი ტექსტურების წასმა გაცილებით სასიამოვნოა.
