სასუქი კვერცხის ნაჭუჭისგან. როგორ დავამზადოთ

4202

ნებისმიერ მებაღეს სურს გაზარდოს პროდუქტიულობა საკუთარ ნაკვეთზე სასუქების (პირველ რიგში, ორგანული სასუქების) დახმარებით. აღმოჩნდა, რომ კვერცხის ნაჭუჭი, რომლის 90%-ს კალციუმის კარბონატი შეადგენს, ღირებული წყაროა ნიადაგისა და მცენარეებისთვის. მასში შემავალი დანარჩენი ელემენტები, როგორიცაა თუთია, მანგანუმი, ფტორი, კალციუმი, გოგირდი და სხვა, არანაკლებ სასარგებლო ნივთიერებებია მრავალი კულტურისთვის. ვივიენის დღევანდელ სტატიაში გიამბობთ, როგორ მზადდება ეფექტური სასუქი კვერცხის ნაჭუჭისგან.

წაიკითხეთ, როგორ მზადება ამ ტიპის სასუქი სწორად და რომელი კულტურებისთვის არის ის ყველაზე სასარგებლო. წინასწარ გეტყვით, რომ ბევრი მებაღე ამ პროდუქტის გამოყენებით ბევრ ბოსტნეულს კვებავს, მაგრამ მასზე განსაკუთრებით კარგად რეაგირებს კიტრი. ნამდვილი გიგანტები იზრდება (წვნიანი და ხრაშუნა).

როგორ მოვამზადოთ სასუქი კვერცხის ნაჭუჭისგან

მომზადების ნიუანსები

კვერცხის ნაჭუჭი არ შეიძლება გამოყენებულ იქნას სასუქად სპეციალური დამუშავების გარეშე. პირველ რიგში, გარეცხეთ და მოაშორეთ ცილა, რომელიც ნედლეულის შიდა ზედაპირზე რჩება. ნაჭუჭი 1 დღე დატოვეთ გასაშრობად. შემდეგ, დააქუცმაცეთ იგი ფხვნილის მდგომარეობამდე. ამ გზით მომზადებული კვერცხის ნაჭუჭი შეგიძლიათ შეინახოთ ქაღალდის ჩანთაში ან ყუთში.

მნიშვნელოვანია! სასუქის დასამზადებლად უნდა გამოიყენოთ უმი კვერცხის ნაჭუჭი. ნაჭუჭი, რომელმაც გაიარა თერმული დამუშავება, ამისთვის შესაფერისი არ არის. მისგან სასუქის დამზადება არ შეიძლება.

ეფექტური სასუქის რეცეპტი

  • აიღეთ 100 გ. კვერცხის ნაჭუჭი, რომელიც ფხვნილად არის ქცეული. ამისათვის შეგიძლიათ გამოიყენოთ ბლენდერი. მოათავსეთ ღრმა ჭურჭელში.
  • კვერცხის ნაჭუჭს დაუმატეთ 10 ცალი დაფნის ფოთოლი. დაასხით 2 ლიტრი თბილი წყალი. ეს ყველაფერი დააბლენდერეთ.
  • მიღებული ნარევი გააჩერეთ 12 საათის განმავლობაში (დახურული). გადაწურეთ წვრილ საცერში ან მარლაში, კვერცხის ნაჭუჭები გადაყარეთ.
  • მიღებულ სითხეს დაასხით 1 ლიტრი სუფთა წყალი და შეურიეთ.
  • გამოყენებამდე 1 ჭიქა მომზადებულ პროდუქტს ვაზავებთ 5 ლიტრ სუფთა წყალში. შემდეგ ვიწყებთ მცენარეების მორწყვას.

ასეთი სასუქი უბრალოდ აუცილებელია იმ კულტურებისთვის, რომლებსაც მოსწონთ ნიადაგი ნეიტრალური მჟავა-ტუტოვანი ბალანსით. ეს იმიტომ, რომ იგი ახდენს ნიადაგის დეოქსიდიზაციას. გამოიყენეთ ეს სასუქი შემდეგი ბოსტნეულის მოყვანისას: კარტოფილი, პომიდორი, წიწაკა, კომბოსტო, პარკოსნები, კიტრი, ყაბაყი, გოგრა და ძირხვენა ბოსტნეული.