ბევრი ქალი, განსაკუთრებით ისინი, ვინც მუდმივად „წონის კლების“ მდგომარეობაშია, თავს არიდებს კარაქის ჭამას, მიუხედავად მისი ჯანმრთელობისთვის დიდი სარგებელისა. თუმცა ნებისმიერი დიეტოლოგი მზადაა დაადასტუროს: კარაქის ზომიერი მოხმარება საერთოდ არ ავნებს თქვენს ფიგურას. ზოგჯერ პირიქითაც კი…
ნაღების კარაქის სარგებელი
ჩნდება კითხვა: რით უნდა იყოს სასარგებლო ნაღების კარაქი? პირველი ასოციაცია, რომელიც კარაქის ხსენებისას გვიჩნდება არის „ცხიმიანი“. დიახ, ეს ასეა, მაგრამ მასში შემავალი სწორი ცხიმოვანი მჟავეები აუცილებელია ორგანიზმის ნორმალური ფუნქციონირებისთვის. კარაქი შეიცავს ვიტამინებს და უამრავ სასარგებლო ორგანულ ნივთიერებას. მნიშვნელოვანია ვიცოდეთ, რომ დღეში ამ პროდუქტის დაახლოებით 10-30 გრამი შეგიძლიათ მიირთვათ. კარაქის მხოლოდ ეს რაოდენობა არა მხოლოდ არ დააზარალებს ჩვენს ორგანიზმს და არ დაგვიმატებს დამატებით სანტიმეტრებს, არამედ გაამდიდრებს ჩვენი ორგანიზმის უჯრედებს აუცილებელი მიკროელემენტებით.
ალბათ ყველაზე დიდი შეშფოთების მიზეზი კარაქის ჭამის დროს არის მასში ქოლესტერინის შემცველობა. მეცნიერებმა ამ ნივთიერებას ჩვენი ორგანიზმის ყველაზე მთავარი მტერი უწოდეს, მაგრამ დაავიწყდათ აღენიშნათ, რომ გარდა იმისა, რომ ქოლესტერინი თავად წარმოიქმნება ჩვენს ორგანიზმში, აუცილებელია მისი გარედან მიღებაც. ქოლესტერინი მონაწილეობს ჩვენთვის აუცილებელი სასქესო ჰორმონების ფორმირებაში. ასევე ქოლესტერინი აუცილებელია უჯრედების ნორმალური ფუნქციონირებისთვის, რადგან ის ერთ-ერთი კომპონენტია მათი აგებისას. გარდა ამისა, ქოლესტერინის გარეშე, ჩვენი ტვინი ცუდად რეაგირებს ისეთ ნივთიერებაზე, როგორიცაა სეროტონინი, რომელიც ცნობილია როგორც „ბედნიერების ჰორმონი“ და ეს აუცილებლად იწვევს დეპრესიას და ზოგადად ცუდ განწყობას.
კარაქში შემავალი A, B, C, D და E ვიტამინები დადებითად მოქმედებს ფრჩხილების, თმის, კანის, ძვლებისა და კუნთების ზრდასა და მდგომარეობაზე. ვიტამინი D აქტიურ მონაწილეობას იღებს ნერვული ქსოვილისა და ძვლების ფორმირებაში. ვიტამინი A პასუხისმგებელია კარგ მხედველობაზე, ლორწოვანი გარსების ნორმალურ ფუნქციონირებაზე და ასევე ჯანსაღ იერს აძლევს კანს. ვიტამინი E აძლიერებს და ხელს უწყობს თმის, კუნთების და ფრჩხილების ზრდას.
ნაღების კარაქის სარგებელი ხალხურ რეცეპტებში
ნაღების კარაქის დადებითი ზემოქმედების შესახებ ადამიანებმა ჯერ კიდევ მეცნიერულად დამტკიცებამდე იცოდნენ და მოახერხეს მისი ჩართვა რეცეპტებში, რომლებიც ეფექტურია სხვადასხვა დაავადებებისას:
- თუ პატარა ბავშვები გყავთ და მათი კბილების ამოსვლა ძალიან მტკივნეულია, ღრძილებზე კარაქი წაუსვით, ეს დაამშვიდებს მათ და ცოტა ხნით მაინც გაამარტივებს მთელ პროცესს;
- ნაღების კარაქი შაქართან ერთად უნდა მიირთვათ მშრალი ხველების, ჰემოპტიზის ან პლევრიტის დროს, მსგავსი ნარევი შარდმდენიცაა;
- ნაღების კარაქს ისვამენ სხეულზე ჭინჭრის ციების, ლიქენის და სხვადასხვა სახის გამონაყარის დროს;
- ნაღების კარაქი რბილად მოხარშული კვერცხით შველის შარდის ბუშტის ტკივილს;
- კარაქი ღვინოსთან ერთად ეფექტურია დიარეის დროს;
- ერთი ჭიქა ბროწეულის წვენი ერთი კოვზი კარაქით ეფექტურია დიზენტერიის დროს;
- თუ ღამით კანზე გამდნარ კარაქს წაისვამთ, ის კანს რბილს, სუფთას და მბზინვარეს გახდის;
- გაციების ეპიდემიის დროს შეგიძლიათ მოამზადოთ შინაურული ლიმონის კარაქი და ნივრის კარაქი. ასე რომ, პირველის მოსამზადებლად დაგჭირდებათ 300 გრამი კარაქი, 1 ლიმონის წვენი და 50 გრამი წვრილად დაჭრილი ოხრახუში. ეს ყველაფერი აურიეთ, მოაყარეთ მარილი და მიიღეთ თითო ჩაის კოვზი ყოველდღე. ნივრის კარაქის მოსამზადებლად დაგჭირდებათ 350 გრამი კარაქი და 20 გრამი დაჭყლეტილი ნიორი. შეურიეთ ინგრედიენტები და გამოიყენეთ ჩაის კოვზი ყოველდღიურად.
როგორც ხედავთ, კარაქი წარმოადგენს არა მხოლოდ ჩვენი ორგანიზმისთვის აუცილებელი ქოლესტერინისა და ვიტამინების წყაროს, არამედ ის სხვადასხვა დაავადების სამკურნალო საშუალებების ერთ-ერთ ინგრედიენტიცაა. მთავარია, კარაქი მარგარინში არ შეგეშალოთ, რადგან ყველა ზემოთ ჩამოთვლილი სასარგებლო თვისება მხოლოდ ნატურალურ კარაქს გააჩნია.
