ადრე სახლში დამზადებული სასუქების დიდი მოყვარული ვიყავი. მაღაზიაში ნაყიდი ძვირადღირებული ქიმიკატების ნაცვლად, ჩემი მცენარეების გამოკვებას ვამჯობინებდი, მაგალითად, ბანანის ქერქის ნაყენით. მისგან მცენარეები ისე ყვაოდნენ, როგორც ჯუნგლებში. თუმცა, არც ასეთი სასუქის შედეგმა არ დააყოვნა და ახლა ვფიქრობ, როგორ მოვიშორო ქოთნის ირგვლივ გაჩენილი ქინქლები.
არ შეიძლება უარყოფა, რომ შინაურული საშუალებებიდან ზოგიერთი რეალურად მუშაობს, მაგრამ მათ დაუფიქრებელ გამოყენებას ზოგჯერ ზიანის მიყენება შეუძლია. ვივიენის დღევანდელ სტატიაში გიამბობთ, რატომ ჩნდებიან შემაწუხებელი ქინქლები ყვავილების ქოთანში და როგორ მოვიშოროთ ისინი ყვავილის გადარგვის გარეშე.
ყვავილის ქოთანში ქინქლების გაჩენის მიზეზები
ყვავილების ქოთნებში შემაწუხებელი ქინქლების გაჩენის მთავარი მიზეზი ჭარბი ტენიანობაა. ტენიანი გარემო ძალიან ხელსაყრელია ამ ტიპის მავნებლისთვის, მაგრამ არსებობს სხვა მიზეზებიც:
- უხარისხო ნიადაგი. ქოთანში ნიადაგის გამოცვლის ან დამატებისას უნდა გაითვალისწინოთ მისი ხარისხი და აღების ადგილი. ცუდი ნიადაგი ბევრ პრობლემას გამოიწვევს.
- ორგანული მინარევები. ორგანული მინარევების არსებობა ნიადაგში ოთახის მცენარის ქოთანში ქინქლების გაჩენის კიდევ ერთი ფაქტორია. იზრუნეთ, რომ ზედაპირზე არ იყოს ჩამოცვენილი ფოთლები, ტოტები, ჩაის ფოთლები, კვერცხის ნაჭუჭები და ა.შ.
- ქინქლები, რომლებიც ოთახში შემთხვევით მოხვდნენ. ფრთიანი მავნებლები ოთახში შეიძლება მოხვდნენ ღია ფანჯრიდან ან კარიდან და შემდეგ კომფორტულად დასახლდნენ ყვავილის ქოთანში.
როგორ მოვიშოროთ ქინქლები
მნიშვნელოვანია! უპირველეს ყოვლისა, მავნებლით დაავადებული მცენარეები უნდა განცალკევდეს სხვა ყვავილებისგან.
ხრიკი ასანთით
ამ ხრიკის შესახებ ჩემი მეზობლისგან შევიტყვე. მისი თქმით, როგორც კი ყვავილის ქოთანში გაჩნდება ქინქლები, ან კიდევ უფრო უარესი, მცენარე მოულოდნელად დაიწყებს ჭკნობას, მიწაში დაუყოვნებლივ უნდა ჩაურჭვათ ჩვეულებრივი ასანთი. არ იჩქაროთ საფეთქელთან თითის დატრიალება! ამის მიზეზები არსებობს…
ჩემი მეზობელი თვლის, რომ ამ მეთოდის მთელი საიდუმლო ასანთის თავების „შემადგენლობაშია“. მოგეხსენებათ, ისინი შეიცავს გოგირდს, ფოსფორს და მაგნიუმს. ვინ იფიქრებდა, რომ ეს ნივთიერებები სასარგებლო იქნებოდა მცენარეებისთვის?
როდესაც ასანთს მიწაში მცენარის მახლობლად ჩაარჭობთ, იწყება გოგირდის და ფოსფორის გამოყოფა და თანდათანობით ნიადაგი მდიდრდება. ეს განსაკუთრებით სასარგებლოა, თუ ნიადაგში მავნებლების ლარვებია.
როგორ გამოვიყენოთ ასანთი ქინქლების საწინააღმდეგოდ
ეს მარტივია! ასანთის თავები ჩაარჭეთ მცენარის ირგვლივ მიწაში. შემდეგ, მორწყეთ ნიადაგი ნივთიერებების გასააქტიურებლად. გარკვეული პერიოდის შემდეგ (უმჯობესია ასანთი შეამოწმოთ, რომ ნახოთ, დაიშალა თუ არა გოგირდი), შეცვალეთ ძველი ასანთი ახლით. ამ გზით თქვენ უზრუნველყოფთ თქვენი მცენარეების მუდმივ დაცვას სპეციალური ქიმიკატების გამოყენების გარეშე.
მნიშვნელოვანია გვახსოვდეს, რომ შედეგები შეიძლება განსხვავდებოდეს მცენარის ტიპის, პირობების, რომელშიც ის ინახება და პარაზიტების ტიპის მიხედვით, მაგრამ ამ მეთოდის გამოცდა ნამდვილად ღირს.
ნუ უგულებელყოფთ ქინქლებს მცენარეების ქოთნებში!
როგორც წესი, ქინქლები ჩნდება ცივ სეზონზე (როდესაც ფანჯრებზე კონდენსატი ჩნდება). მათი გაჩენის კიდევ ერთი მიზეზია მცენარის მორწყვა „ჩაით“ და „ყავიანი“ წყლით. ნუ უგულებელყოფთ მათ გაჩენას, რადგან ქინქლები საშიშია ყვავილებისთვის, მათ ლარვებს კი მცენარეების ფესვთა სისტემის დაზიანება შეუძლიათ.
თუ ქოთანში ქინქლები ძალიან ბევრია, ასანთი არ უშველის. უმჯობესია ყვავილი გადარგოთ ახალ ნიადაგში. ჯერ უნდა მოხდეს მისი დეზინფექცია და დამუშავება ქინქლების საწინააღმდეგო საშუალებებით.
ამ ხრიკს მიმართავს ჩემი მეზობელი, როგორც კი შეამჩნევს რამდენიმე ქინქლას მისი საყვარელი სპატიფილუმის ქოთანში. მე ვითვალისწინებ მის გამოცდილებას, რადგან ზამთარი შეუმჩნევლად მოგვეპარა. ბინაში მაღალი ტენიანობაა, რაც იმას ნიშნავს, რომ მცენარეები განსაკუთრებულ ყურადღებას საჭიროებს.
