ბევრი გოგონა წყვეტს დაიტოვოს თავისი გვარი და მიზეზად ასახელებს ჩვევას და იმას, რომ არ სურს სხვადასხვა ინსტანციაში ირბინოს. სპეციალისტები კი, დარწმუნებულნი არიან: ასეთი გადაწყვეტილება განსაზღვრავს ოჯახური ცხოვრების მომავალ გზას.
ოფიციალურ ქორწინებაში შესული გოგონა იღებს ქმრის გვარს. ძველად ეს წესი მზის ამოსვლასავით უცვლელი იყო. გამონაკლისები, რა თქმა უნდა, ხდებოდა, მაგრამ წარმოუდგენლად იშვიათად და ამის მიზეზები ძალიან სერიოზული იყო.
დღეს სიტუაცია შეიცვალა და გასაკვირი არ არის, რომ ახალდაქორწინებულებს სულ უფრო მეტად ურჩევნიათ ქალიშვილობის გვარზე დარჩენა. ერთი შეხედვით, ეს ნაბიჯი მარტივად შეიძლება აიხსნას: არანაირი პრობლემა დოკუმენტებთან დაკავშირებით. თუმცა, თუ გადავხედავთ ასეთი გადაწყვეტილების შედეგებს, ის აღარ მოგეჩვენებათ ასე უბრალოდ და უვნებლად.
ეზოთერიკოსები ხაზს უსვამენ, რომ გვარი არ არის მხოლოდ ასოების ერთობლიობა, არამედ არის გარკვეული ენერგია, რომელიც ეკუთვნის კონკრეტულ ოჯახს. ამიტომ, უძველესი დროიდან ითვლებოდა, რომ როდესაც ქალი თხოვდება, მან უნდა აიღოს ქმრის გვარი, რათა მიეკუთვნოს მის ოჯახს. ასეთი ნაბიჯის გადადგმის გარეშე, ის არ შედის ქმრის საგვარეულო პროგრამაში და ერთიანდება მასთან ენერგეტიკულ დონეზე.
გვარის არშეცვლის რეალური მიზეზი
ჩვეულებრივ, როგორც უარის თქმის საფუძვლიან არგუმენტს, გოგონები ასახელებენ რამდენიმე მიზეზს, რომელიც მისაღები და გასაგებია:
- არ მინდა დავკარგო დრო და ძალისხმევა ბევრი მნიშვნელოვანი დოკუმენტის გამოცვლაზე;
- ახალი გვარი ლამაზად არ ჟღერს;
- ცვლილება არასასიამოვნო ან უჩვეულოა;
- არ მინდა საგვარეულო ხაზის გაწყვეტა;
- გვარი ეკუთვნოდა გამოჩენილ ადამიანს ან ახსენებს ადამიანს, რომელიც მისთვის მნიშვნელოვანი იყო.
მაგრამ ეს მხოლოდ ლამაზი ყდაა ნამდვილი სიმართლისთვის. ნამდვილი მიზეზი ის არის, რომ ქმარი არ იქცა ცოლის ნამდვილ მეორე ნახევრად და იგი სრულად არ იღებს მას.
სინამდვილეში, ასეთი ოჯახი არ არის ნამდვილი წყვილი, ისინი უბრალოდ ერთად ცხოვრობენ რაღაც მიზეზის გამო და ოფიციალური ქორწინება არის საშუალება მიიღონ ის, რაც სურთ ან თავი დააღწიონ ზედმეტ კითხვებს.
„თუ ქალი ყოყმანობს ქმრის გვართან დაკავშირებით, ეს ნიშნავს, რომ ის არ გრძნობს იმ ღრმა ენერგეტიკულ კავშირს, რომელიც ორ ერთმანეთისთვის უცხო ადამიანს, ერთ მთლიანობად აქცევს. ასეთი კავშირი რომც გაგრძელდეს, ცივი იქნება“, – ამბობს ბიოენერგოთერაპევტი.
ამ შემთხვევაში, მარტივია ქალის რეალური დამოკიდებულების გაგება ქორწინებისადმი: ის არ თვლის, რომ ქორწინება ბოლო ამოსუნთქვამდეა და უშვებს, რომ ეს არამუდმივი მოვლენაა: დღეს ის გათხოვილია, ხვალ – არა. მაშ, რატომ უნდა დაკარგოს დრო გვარის შეცვლაზე? ქმრები იცვლებიან – გვარი რჩება…
ქმრებიც კარგად გრძნობენ ამ დამოკიდებულებას საკუთარი თავის მიმართ, თუნდაც ხმამაღლა იმას ამბობდნენ, რომ ესმით ცოლის ეს გადაწყვეტილება და ეთანხმებიან მას.
რაზე მეტყველებს ყოფილი ქმრის გვარის დატოვების სურვილი?
ადამიანს არ სურს განშორება მხოლოდ იმასთან, რაც მისთვის ნამდვილად ძვირფასია. იმდენად ძვირფასო, რომ მისი ნაწილი გახდა და დაშორებაზე მინიშნებაც კი თითქმის ფიზიკურ ტკივილს იწვევს. ასე რომ, თუ ქალს გათხოვებისას სურს დაიტოვოს არა ქალიშვილობის გვარი, არამედ ყოფილი ქმრის გვარი, მაშინ ის, როგორც იყო, ისევე რჩება მის ნამდვილ პარტნიორად. მათ შორის ნარჩუნდება ენერგეტიკული კავშირი, რაც არ უნდა ხდებოდეს ამ წყვილს შორის.
ამ ურთიერთობაში ახალი მამაკაცი მხოლოდ სხვა თავისუფალი „ვაკანსიების“ შევსების მცდელობაა. ასეთი საწყისი მონაცემებით სხვა მამაკაცი ვერასოდეს გახდება ნამდვილი ქმარი.
ასეთი ქორწინება განწირულია მუდმივი კონფლიქტებისთვის, რადგან მასში მუდმივად იქნება “ყოფილის” ჩრდილი. და ქმრის ტრადიციული როლის ნაცვლად, მამაკაცი იძულებული იქნება ან შეესაბამებოდეს იმ ვაკანსიას, რომელსაც ასეთი ცოლი სთავაზობს მას – ან დაშორდეს.
„ის, თუ რას ფიქრობს ქალი ქორწინების შემდეგ გვარის შეცვლაზე, შესანიშნავი მაჩვენებელია მისი რეალური დამოკიდებულებისა ახალი ქმრის მიმართ. და ასევე მანიშნებელია იმისა, რომ ამ ოჯახში ურთიერთობები პრობლემური იქნება. შეგიძლია მოიფიქრო ნებისმიერი ახსნა, მაგრამ ენერგიების სამყაროს მოტყუება და გაყალბება შეუძლებელია. ის ყოველთვის გამოავლენს რეალურ მდგომარეობას“, – ამბობს ჰასანოვა.
საკუთარ გვართან დამშვიდობებით, ქალი ხელახლა წერს საგვარეულო პროგრამას. ეს ბედის ძლიერი კორექციაა და მას დიდი სიფრთხილით უნდა მიუდგეთ.
ქმრის გვარზე უარის თქმით იგი უარყოფს მის ოჯახს და ენერგიას, რომელიც მას შეეძლო მიეღო. ასეთ კავშირებში შეიძლება იყოს არა მხოლოდ ჩხუბი და ორმაგი ცხოვრება, არამედ გვარის გაგრძელების პრობლემებიც.
