იორდასალამი არ ყვავილობს. რა გავაკეთოთ? ეს კითხვა ხშირად აწუხებს დამწყებ მებაღეს, რომელსაც ყვავილის გასაზრდელად საკმარისი გამოცდილება არ აქვს. პრობლემის მოგვარება მარტივია. Vivien დეტალურად გიამბობთ, რატომ არ ყვავილობს იორდასალამი და როგორ გამოვასწოროთ სიტუაცია.
რა გავაკეთოთ, თუ იორდასალამი არ ყვავილობს?
იორდასალამი უპრეტენზიო ყვავილია, მაგრამ ზოგჯერ ყვავილობაზე უარს ამბობს. გამორიცხეთ შესაძლო მიზეზები, რატომ ხდება ასე. პირველ რიგში, ერთ–ერთი მიზეზი შეუფერებელ ადგილზე გაზრდა შეიძლება იყოს.
იდეალურია, თუ აირჩევთ ადგილს, სადაც მცენარე მზის პირდაპირი სხივების ქვეშ დღეში მაქსიმუმ 4 საათი იქნება. ეს დღის ყველაზე ცხელ დროს არ უნდა იყოს. ძლიერი სიცხე ყვავილობას აფერხებს. იორდასალამს ზომიერად განათებული ადგილი შეურჩიეთ.
მეორეც, გაითვალისწინეთ ნიადაგი, რომელშიც ყვავილს გაზრდით. მძიმე და ცუდად დრენირებული მიწა შეუფერებელია. მცენარე გრუნტის წყლებთან ახლოს არ უნდა დარგოთ. გარდა ამისა, იორდასალამი შეიძლება არ გაიზარდოს, თუ მასთან ახლოს იზრდება ბუჩქები ან ხეები, რომლებიც ყვავილს საკვებ ნივთიერებებს ართმევენ. მაგალითად, მისი ერთ–ერთი წარუმატებელი მეზობელია ვაშლის ხე.
მცენარე დაავადებების და მავნებლების გამო შეიძლება არ ყვავილობდეს. ისინი იორდასალამს ართმევს რესურსებს, რომელიც ნორმალური ფუნქციონირებისთვის სჭირდება. ყვავილობაზე საუბარი ზედმეტია. მისი უქონლობა თავის გადარჩენის ბანალური მცდელობაა.
თუ პრობლემას დროულად აღმოაჩენთ და მოაგვარებთ, იორდასალამი წელსვე აყვავილებას შეძლებს. წინააღმდეგ შემთხვევაში, არომატული ყვავილების ლოდინი მომავალ წლამდე მოგიწევთ, რადგან მცენარეს აღსადგენად დრო სჭირდება.
თუ ნერგები ახლახანს შეიძენთ, მაშინვე აყვავილებას არ ელოდოთ. მცენარეს გაფესვიანება და ახალ ადგილზე შეგუება სჭირდება. კვირტებისთვის ძალიან სუსტია. მნიშვნელოვანია, ყვავილი სხვადასხვა ზრდის სტიმულატორით არ გადატვირთოთ. ასე საპირისპირო ეფექტი შეიძლება მიიღოთ.
როგორ მოვუაროთ იორდასალამს
უარესი სიტუაციებიც გვხვდება. მაგალითად, დაავადებული მცენარის ნერგი შეიძინეთ. ამ შემთხვევაში უხვ ყვავილობას არ ელოდოთ. სავარაუდოდ, იორდასალამზე არასწორად ზრუნავდნენ, რის გამოც ნივთიერებათა ცვლა დაირღვა. სწორედ ამიტომ, ყვავილების ნერგები სანდო ხალხთან ან სპეციალიზებულ მაღაზიებში უნდა შეიძინოთ.
თუ გსურთ, რომ იორდასალამი ყოველწლიურად ყვავილობდეს, მასზე სწორად იზრუნეთ. ამის გაკეთება საკმაოდ მარტივია.
1. მორწყვა აკონტროლეთ. ის უნდა იყოს ზომიერი, რომ მიწა არ გამოშრეს, მაგრამ მუდმივად სველიც არ იყოს. თუ მიწა მორწყვებს შორის 3 სმ სიღრმემდე გაშრობას ვერ ასწრებს, გამოდის, წყალი ბევრია.
იორდასალამს თითქმის არ აქვს პატარა ფესვები, რომელიც სითხეს შთანთქავს. ბუჩქი ისე მორწყეთ, რომ წყალი ფესვების სისტემას მოხვდეს.
2. თუ კვირტები ძალიან ბევრია, გვერდითა კვირტები მოაშორეთ. წინააღმდეგ შემთხვევაში, მომავალ წელს უყვავილოდ შეიძლება დარჩეთ. გარდა ამისა, მიწა, რომელშიც ყვავილი იზრდება, რეგულარულად უნდა გააფხვიეროთ. თავად ბუჩქი 6-8 წელიწადში ერთხელ უნდა გადარგოთ, რომ მიღებული ყლორტები გაყოთ და მცენარე გაამრავლოთ.
3. სასუქი არ დაგავიწყდეთ. გამოკვება ნერგის დარგვისას დაუმატეთ. შემდეგ თოვლის დნობის შემდეგ გამოკვებეთ. აზოტის სასუქი იდეალურია. დაკვირტვის პერიოდში კალიუმი–ფოსფორის სასუქი გამოიყენეთ. ყვავილობიდან 2–3 კვირის შემდეგ მცენარე კიდევ ერთხელ გამოკვებეთ.
გაითვალისწინეთ, იორდასალამმა ყვავილობა შეიძლება შეწყვიტოს, თუ ზედმეტად ან ნაკლებად გამოკვებავთ.
ესეც მთელი სიბრძნე. ვიმედოვნებთ, რომ ეს ინფორმაცია გამოგადგებათ.
