ბევრი მებოსტნე მარწყვს ყოველწლიურად მულჩით ფარავს და სწორად იქცევა. თუმცა უმეტესობა მათგანი მულჩად იყენებს მასალას, რომელიც კენკრას უბრალოდ ანადგურებს. მარწყვი როგორც ერთ, ასევე რამდენიმე სეზონზე შეიძლება მოკვდეს. Vivien გიამბობთ, როგორი მულჩი არ უნდა გამოიყენოთ მარწყვისთვის.
მარწყვი მებაღეების და მებოსტნეებისთვის ერთ–ერთი საყვარელი და პოპულარული კენკროვანი კულტურაა. მსხვილი და მწიფე მოსავლის ასაღებად მცენარეზე სწორად უნდა იზრუნოთ, მათ შორის მულჩირებაზე.
მულჩი მარწყვისთვის
მულჩირება მცენარის დაფარვაა სპეციალური მასალით (როგორც მცენარეული, ასევე ხელოვნური). მულჩი ასრულებს შემდეგ მნიშვნელოვან ფუნქციებს: ხელს უშლის სარეველების ზრდას, ინარჩუნებს ტენიანობას, აუმჯობესებს ნიადაგის ხარისხს, იცავს მცენარის ფესვებს გადახურებისა და გაყინვისგან.
აღმოჩნდა, რომ მულჩის ყველა მასალა ამ მშვენიერი კენკრისთვის კარგი არაა. გიამბობთ, რომელი მასალა შეგიძლიათ გამოიყენოთ და რომელი არა. პროფესიონალმა აგრონომებმა დიდი ხნის წინ დაადგინეს, რა ანადგურებს მარწყვს.
როგორ დავფაროთ მარწყვი მულჩით სწორად?
გამოცდილი მებაღეები გირჩევთ ფოთლოვანი ხის ნახერხი გამოიყენოთ. მარწყვი ასეთ საფარზე გიჟდება. ასეთი ნახერხი ნიადაგს ატუტეებს, რაც მარწყვის ზრდაზე დადებითად მოქმედებს. დამატებით, მცენარის ფესვებს გადახურებისა და გაცივებისგან იცავს.
მარწყვს ძალიან უყვარს ჩალის ან თივისგან დამზადებული საფარი. ხელოვნური მასალებიდან ყურადღება მიაქციეთ შავ ლუტრასილს. მარწყვის მულჩირებისთვის ამ მასალის გამოყენებას გირჩევთ. თივა და ჩალა ყოველწლიურად უნდა განაახლოთ.
რომელი მასალა არ უნდა გამოიყენოთ მარწყვის მულჩირებისთვის?
მარწყვის მულჩირებისთვის არავითარ შემთხვევაში გამოიყენოთ ნაფოტი, რადგან ის ნიადაგს ამჟავებს. მარწყვს ტუტე მიწა სჭირდება, ხოლო ნაფოტი მასზე უკუეფექტს ახდენს. გამოცდილი მებოსტნეებიც ხშირად ამ მასალას იყენებენ, შემდეგ უკვირთ, რომ მოსავალი საუკეთესოს სურვილს ტოვებს.
რა უნდა გააკეთოთ მარწყვის მულჩირებამდე?
მცენარე წინასწარ უნდა მოამზადოთ, სანამ კვლებს ნახერხით დაფარავთ. ძველი დაავადებული ფოთლები და ზედმეტი ბალახი მოაშორეთ. მიწა შემოაყარეთ. ახალი მიწის 2–3 სმ ფენით დაფარეთ, რომ ფესვები არ გაშიშვლდეს.
შეგიძლიათ გამოიყენოთ ნეკერჩხლის, მუხის, იფანის, არყის, მურყნის და სხვა ფოთლოვანი ხის ნახერხი. ასეთი ნახერხი სწრაფად იშლება და მისგან გამოდის კარგი ორგანული სასუქი მცენარისთვის. რაც უფრო მსხვილია ნახერხი, მით უფრო დიდხანს შეასრულებს მულჩის როლს.
ამრიგად, მარწყვის მულჩირება მცენარის მოვლაში მნიშვნელოვანი ეტაპია. მასალის სწორად შერჩევა და კვლების სწორად მომზადება მარწყვის მოსავლიანობას და მის ხარისხს გააუმჯობესებს. გირჩევთ, ამაში წელსვე დარწმუნდეთ.
