დაგვეთანხმეთ, ბავშვობაში სახლის დალაგება თამაში გვეგონა. გავიზარდეთ და საშინაო საქმე დამამძიმებელ რუტინად გადაიქცა. იგივე სამზარეულოს იატაკი განსაკუთრებით კარგად უნდა მოწმინდოთ, რადგან კერძის მზადებისას მასზე ხვდება საჭმელი, წვეთავს წყალი ან ცხიმი. ეს ტოვებს შესამჩნევ კვალს, რომელიც მთელ სახლზე მოუწესრიგებლის შთაბეჭდილებას ქმნის.
ეფექტურად რომ დაალაგოთ, იატაკის საფარს ყურადღება უნდა მიაქციოთ. კაფელის და პარკეტის მოვლა მნიშვნელოვნად განსხვავდება. Vivien გიამბობთ, როგორ მოწმინდოთ იატაკი ზოლების და ზედმეტი ძალისხმევის გარეშე. გიამბობთ, როგორ შეინარჩუნოთ სახლში სისუფთავე დიდი ხნით.
როგორ მოვწმინდოთ იატაკი ზოლების გარეშე
იატაკის მოწმენდა ყველას არ უყვარს, სამაგიეროდ თითქმის ყველას სუფთა იატაკზე გადაადგილება ურჩევნია. გაიგეთ, როგორ შეინარჩუნოთ იატაკის სისუფთავე მინიმალური ხარჯის და ძალისხმევის გარეშე.
ლინოლეუმი
ალბათ, ლინოლეუმი ერთ–ერთი ყველაზე პოპულარული სამზარეულოს იატაკია. დაბალი ფასით და მარტივი მოვლით მილიონი დიასახლისის გული მოიგო. თუ ლინოლეუმს 2–3 დღეში ერთხელ მოწმენდთ, მასზე ჩამჯდარი ან რთული ლაქები არ დარჩება. ასეთი საფარი მარტივად შეგიძლიათ გაწმინდოთ თბილი წყლით, შვაბრით და საპნიანი ხსნარით. ჩვარი ძალიან სველი არ უნდა იყოს, არამედ გაწურული. თუ ლინოლეუმის მიმზიდველი გარეგნობის დიდი ხნით შენარჩუნება გსურთ, თვეში ერთხელ ფლანელის ქსოვილით და საპრიალებელი საშუალებით მოწმინდეთ.
ფილები
დღეს სამზარეულოში ერთ–ერთი ყველაზე აქტუალური საფარია ფილა. საერთოდ არ აშინებს ტენი, ამიტომ მისთვის იატაკის საწმენდი მოპი იდეალურია. ასეთი ხელსაწყო თქვენი სამზარეულოს ყველა კუთხეს ადვილად, სწრაფად და კარგად მოწმენდს. ამას საყოფაცხოვრებო ქიმიის მწარმოებლები თავიანთი პროდუქციის ეტიკეტზე ხშირად უთითებენ. მოდუნება არ იჩქაროთ, კერამოგრანიტის ფილების შემთხვევაში ფერი და ტექსტურა დიდ როლს თამაშობს.
თუ თქვენ გაქვთ მუქი გლუვი ფილები, წყლის მცირე ლაქაც მასზე შესამჩნევ კვალს დატოვებს. ასე იატაკი ჭუჭყიანი და მაქსიმალურად მოუწესრიგებელი გამოჩნდება. ასეთი ლაქა მშრალი ჩვრით მაშინვე მოწმინდეთ, რომ გაშრობა ვერ მოასწროს. თავად იატაკი ისე მოწმინდეთ, როგორც ლინოლეუმი: კარგად გაწურული ჩვრით. ფილების საწმენდად საპნიანი ხსნარი შეუფერებელია, ზოლებს ტოვებს. პრიალა ფილები ნაკლებ პრობლემას იწვევს, მაგრამ მასზე წვრილი მტვერი უფრო ჩანს. ამ შემთხვევაში ცოცხით ხშირად მოგვით ან ყოველდღე რობოტი მტვერსასრუტი გამოიყენეთ. იატაკზე კერამიკა თვალისმომჭრელად რომ კაშკაშებდეს, ძმრიანი წყლით (1:10) მოწმინდეთ.
ლამინატი და პარკეტი
კლასიკური ინტერიერის ნამდვილი დამფასებელი მზადაა საკუთარი სახლის ლამაზად მოსართავად ყველაფერი გასწიროს. თანამედროვე ლამინატი ან პარკეტი რთული მოსავლელია, განსაკუთრებით სამზარეულოში. ბევრი წყლით მოწმენდა აკრძალულია, უკეთესია რეგულარულად გაწმინდოთ. ამ ცნებებს შორის განსხვავებას ყველა ვერ ხედავს, ამიტომ გირჩევთ შეიძინოთ სპეციალური შვაბრა ხის ზედაპირებისთვის. ძალიან ცხელ წყალზე (80 გრადუსზე მეტი) უარი თქვით, რადგან ასე იატაკის საფარი მიმზიდველობას დაკარგავს.
სარეცხი საშუალებაც ფრთხილად შეარჩიეთ. მხოლოდ ის შეიძინეთ, რომელიც ხეს შეეფერება. უკიდურეს შემთხვევაში წყალს თხევადი გლიცერინის საპონი დაუმატეთ. თუ ლინოლეუმზე საპრიალებელი საშუალება ბონუსია, პარკეტისთვის სავალდებულო რიტუალია. ჩვრების და სპეციალური საპრიალებელი საშუალებების გარდა დამცავი მასტიკა დაგჭირდებათ.
ზოგადი რეკომენდაციები
ყველა ტიპის იატაკისთვის რამდენიმე საერთო წესი არსებობს. პირველ რიგში, იატაკი მოწმენდამდე უნდა გამოგვათ. საყოფაცხოვრებო ტექნიკის მაღაზიებში ცოცხების მრავალფეროვანი არჩევანია. უნივერსალურია ჩვეულებრივი ცოცხი: მთელ ჭუჭყს, თუნდაც ძნელად მისადგომ ადგილებში, იდეალურად აშორებს.
მეორეც, იატაკის მოწმენდა სამზარეულოს შორეული კუთხიდან უნდა დაიწყოს. ასე კარისკენ ისე გახვალთ, რომ სუფთა ადგილებს ფეხს არ დააბიჯებთ. ამ მარტივი ხრიკით უკვე მოწმენდილ იატაკზე დარჩენილ კვალს დაივიწყებთ.
თუ იატაკი ძალიან ჭუჭყიანია, რამდენჯერმე მოწმინდეთ. ჯერ სარეცხი საშუალებით, შემდეგ უბრალო წყლით. ჩვარი ხშირად გარეცხეთ. თუ სახლში ალერგიული ადამიანები ცხოვრობენ, ყველა იატაკი ცხელი წყლით (70-80 გრადუსი) სარეცხი საშუალების გარეშე უნდა მოწმინდოთ.
