დედა ყოველთვის მახსენებდა, რომ ნაადრევ გაზაფხულზე თესლის დათესვა მნიშვნელოვანი პერიოდია. აქ მოქმედებს ბრძნული ცხოვრებისეული პრინციპი: „რასაც დათესავთ, იმას მოიმკით“. სწორედ ამიტომ, ყველაფერი უნდა გააკეთოთ, რომ მომავალი მოსავლისთვის საუკეთესო თესლი დათესოთ. მაგალითად, სათესი მასალა სწორად მოამზადეთ, კერძოდ დათესვამდე სტაფილოს, ბარდის, კიტრის და სხვა კულტურების თესლი ჩაალბეთ. ამ მეთოდით თესლს გაღვიძებასა და სწრაფად გაღვივებაში დაეხმარებით. Vivien გიამბობთ, რაში შეგიძლიათ თესლის ჩალბობა. სპეციალური საშუალებების გარდა რძე და არაყი შეგიძლიათ გამოიყენოთ.
რა საჭიროა სტაფილოს თესლის ჩალბობა – რა მიზანს ემსახურება ბარდის, ლობიოს ან ყაბაყის თესლის ჩალბობა, გასაგებია. ამ კულტურების თესლი სქელი გარსით დაფარულია, რომელიც წყალში სივდება და ახალგაზრდა ყლორტის გამოსვლას ამარტივებს. აი, რა საჭიროა სტაფილოს ისედაც თხელი თესლის ჩალბობა? აღმოჩნდა, რომ სტაფილო შეიცავს ეთერზეთს, რომელიც ახალგაზრდა ყლორტის გამოჩენას ანელებს. როცა თესლი სპეციფიკურ ნოტიო გარემოში დიდხანს იმყოფება, ეს ნივთიერება ნადგურდება. თუ სტაფილოს დათესვას დამოუკიდებლად აპირებთ, ასეთი წინასწარი მომზადება დროის დაზოგვაში დაგეხმარებათ. ყლორტები სწრაფად გამოჩნდება. მიწის მორწყვა უფრო იშვიათად მოგიწევთ, რადგან ისედაც საკმარისი ტენი აქვს.
რძე – ამ მიზნით მხოლოდ ნატურალური ცხიმიანი რძე გამოგადგებათ. სოფელში ფერმერთან შეგიძლიათ იყიდოთ. ცხიმიანობის წყალობით თესლზე სპეციალური გარსი იქმნება. ჩალბობის პროცესი ზუსტად 10 საათი გრძელდება. თესლი თასში ჩაყარეთ, რძე დაასხით და პარკი დააფარეთ. ვადის გასვლის შემდეგ თესლი გასაშრობად ქაღალდზე გადაიტანეთ.
არაყი – არაყში შემავალი სპირტი შლის ეთერზეთს, რომელიც სტაფილოს სწრაფად გაღვივებაში ხელს უშლის. ამ მეთოდის გამოყენებისას დრო სწორად უნდა გამოთვალოთ. 10 წუთი საკმარისია, რომ სპირტმა თავისი საქმე შეასრულოს. გახსოვდეთ, რომ სათესი მასალა დამუშავების შემდეგ წყლით უნდა გარეცხოთ.
სპეციალური ხსნარი – ნაყიდი ხსნარებით თესლის მომზადება მებოსტნეებს შორის პოპულარულია. ალბათ, ფერმერების ნახევარზე მეტი ამ მეთოდს იყენებს. გაყიდვაში შეგიძლიათ იპოვოთ:
- მასტიმულირებელი საშუალება, რომელიც თესლს ენერგიას აძლევს და დამცავ იმუნიტეტს ზრდის.
- მკვებავი საშუალება, რომელიც თესლს საჭირო რაოდენობის საკვები ნივთიერებებით უზრუნველყოფს.
გამოცდილი მებაღეები წყალბადის ზეჟანგს ხშირად იყენებენ. ზოგჯერ სუფთა სახით, ზოგჯერ წყალში გაზავებულს. სტიმულაციისთვის არსებობს ორი პრეპარატი: ეპინ–ექსტრა და კალიუმის გუმატი. ჩვეულებრივ, დამუშავების დრო შეფუთვაზე მითითებულია. ამ პროცესის შემდეგ თესლი უნდა გარეცხოთ და გააშროთ.
თესლი რომ გაღვივდეს, ნიადაგის შესაფერის ტემპერატურაზე იზრუნეთ. თუ სტაფილოს ღია გრუნტში რგავთ, დარწმუნდით, რომ მიწა მზეზე 6 გრადუსამდე გათბა. ამ შემთხვევაში, შედეგი აუცილებლად გაგახარებთ.
