ამ ყვავილებისთვის ფანჯრის რაფა შეუფერებელი ადგილია

0
50

როცა ყვავილების მაღაზიაში მიწის ან სასუქის შესაძენად მივდივარ, ცდუნებას ვერ ვუძლებ, რომ ახალი ქოთნის მცენარე ხელს არ გამოვაყოლო. ქმარი ხუმრობს, რომ სახლში უკვე ჯუნგლები გვაქვს, მაგრამ მორიგი „ცხოველისთვის“ თავისუფალ ადგილს მაინც ვპოულობ. თავიდან თითოეულის მოვლის წესების დამახსოვრება რთულია. უბრალოდ შეძენა საკმარისი არაა. მცენარეს მორწყვა, მოვლა, ტემპერატურის რეჟიმის დაცვა სჭირდება. ორი ორქიდეის შეძენა მხოლოდ გასულ წელს გავბედე. როგორც ველოდი, მცენარე ძალიან პრეტენზიული აღმოჩნდა. და მაინც, მისი სილამაზე ყველა დახარჯულ ძალისხმევად ღირს. თუმცა ერთ დღეს ყვავილობა შეწყვიტა და ჭკნობა დაიწყო. კარგია, რომ მეზობელმა ყვავილის ფანჯრის რაფიდან მოშორება მირჩია.

რატომ უნდა მოაშოროთ ყვავილები ფანჯრის რაფას: სწორი ტემპერატურის რეჟიმი

  • ორქიდეა – ამ ნაზ ყვავილს პრეტენზიული ბუნება აქვს. ორქიდეის მფლობელებმა იციან, რომ მცირე ცვლილებას მცენარის დაღუპვა შეუძლია. თუ ქოთანი სამხრეთ მხარეს მდებარეობს, ფარდა აუცილებლად დაკიდეთ, რომ მცენარე მომაბეზრებელი მზის სხივებისგან დაიცვათ. გაითვალისწინეთ, რომ ორქიდეასთვის ოპტიმალური ტემპერატურა 16-24 გრადუსია. თუ მზე მცენარეს ძლიერ ახურებს, ფანჯრის რაფას მოაშორეთ. გახსოვდეთ, ყვავილს ტენიანობა უყვარს.
  • საშობაო კაქტუსი – ერთი შეხედვით, კაქტუსს სიცხე უყვარს, მაგრამ ყველაფერი ასე მარტივად არაა. საშობაო მცენარე დღისით 18-21 გრადუსზე გააჩერეთ, ღამით – 13-18 გრადუსზე. ანუ მცენარე სითბოს ნებისმიერ წყაროს უნდა მოაშოროთ, იქნება ეს მზის პირდაპირი სხივები თუ გათბობის ბატარეა. ფანჯარასთან ახლოს შეგიძლიათ მოათავსოთ, მაგრამ არა ფანჯრის რაფაზე. გარდა ამისა, მცენარე ორპირ ქარს ვერ იტანს.
  • პუანსეტია – ეს მცენარე ზამთარში თავს იჩენს, რადგან სითბო არ უყვარს. პუანსეტია თავისი ჯანმრთელი გარეგნობით გაგახარებთ, თუ მოათავსებთ ისეთ ადგილას, სადაც ტემპერატურა 15-21 გრადუსია. უმჯობესია, რომ ფანჯრის რაფას და სითბოს ნებისმიერ წყაროს მოაშოროთ. თუმცა ძალიან შორს არ წაიღოთ, რადგან სინათლე უყვარს.
  • ყოჩივარდა – თუ ყოჩივარდის კაშკაშა და ნაზი ყვავილებით ტკბობა გსურთ, სწორი ადგილი შეურჩიეთ. მცენარე სიცხეს ვერ იტანს, მაგრამ სინათლე და განიავებული ოთახი უყვარს. სწორი მოვლისას თავისი სილამაზით დიდხანს გაგახარებთ: სექტემბრის დასაწყისიდან მაისის ბოლომდე.
  • ამარილისი – კიდევ ერთი ეფექტური, მაგრამ საკმაოდ პრეტენზიული ყვავილი. ამარილისი ყვავილობის დაწყებამდე საკმაოდ გრილ ადგილას (დაახლოებით 15 გრადუსი) უნდა გააჩეროთ. როცა პირველ ყვავილს დაინახავთ, მცენარე სითბოში (24-26 გრადუსი) გადაიტანეთ. ასეთი ტემპერატურის რყევები მის ზრდას სტიმულირებს. როცა ყვავილები გაიშლება, ქოთანი გრილ ადგილას დააბრუნეთ.

თუ გსურთ, რომ თქვენი ოთახის მცენარე ჯანმრთელი გარეგნობით და ნაზი და ეფექტური ყვავილებით გახარებდეთ, მათზე სწორად იზრუნეთ. დროულად გადარგეთ, გამოკვებეთ, მორწყეთ, დღის რეჟიმი და სწორი ტენიანობა დაიცავით.