ხახვის მწვანე ყლორტები უმარტივესია, რაც ფანჯრის რაფაზე შეგიძლიათ გაზარდოთ. 1 კვირაში ახალი სალათისთვის მზად იქნება მწვანილი, რომელიც ზამთარში ასე გვაკლია. Vivien გიზიარებთ საინტერესო მეთოდს, როგორ გაზარდოთ ხახვი ფანჯრის რაფაზე და თან მაქსიმალურად გამოიყენოთ. საკვებად ხახვის ბოლქვს ვიყენებთ, ხოლო ნარჩენებისგან მწვანე ხახვს ვზრდით. მაქსიმალურად მარტივია.
მწვანე ხახვი ფანჯრის რაფაზე: ზამთრისთვის იდეალურია – მწვანე ხახვის გაზრდის მთავარი უპირატესობა მისი უპრეტენზიობაა. უმეტესობა ჩვენგანი ხახვს ზამთრისთვის ტომრობით ყიდულობს. ბუნებრივია, სითბოში ხახვი გაღვივებას იწყებს. ასეთ ხახვს ფანჯრის რაფაზე მწვანე ხახვის გასაზრდელად ვიყენებთ. ადრე ამ მიზნით მთელ ხახვს წყლით სავსე პლასტმასის ჭიქაში ან ქილაში ვდებდი. აღმოჩნდა, რომ ბოლქვების ტყუილად დახარჯვა არ ღირს. ბოლქვი შეგიძლიათ საკვებად გამოიყენოთ, ხოლო ნარჩენებით ვიტამინებით მდიდარი მწვანილი გაზარდოთ. უნარჩენო ეკომოხმარება იდეალური და ეკონომიურია.
როგორ გავზარდოთ ხახვი ფანჯრის რაფაზე – გიამბობთ, როგორ გამოიყენოთ ხახვი საკვებად და გაზარდოთ მისგან მწვანილი სასალათედ და წასახემსებლად.
- ბოლქვი აიღეთ, გაასუფთავეთ და ქვედა მხრიდან მცირე ნაწილი მოაჭერით. ზუსტად სიმაღლის 1/5 ნაწილი.
- დანარჩენი ხახვი საკვებად თამამად გამოიყენეთ, რადგან მწვანე ხახვის გასაზრდელად არ დაგჭირდებათ.
- ნებისმიერი დაბალი ჭურჭელი აიღეთ. მაგალითად, პლასტმასის კონტეინერი, ყვავილების ქოთანი, გადაჭრილი პლასტმასის ბოთლი. შეარჩიეთ ნებისმიერი რამ ბოლქვების რაოდენობის და ზომის მიხედვით.
- კონტეინერში მიწა ჩაყარეთ. გამოგადგებათ ნებისმიერი მიწა, თუნდაც ოთახის ყვავილებისთვის შესაფერისი. ბევრი საჭირო არაა. ჭურჭელი 5 სმ სიმაღლეზე მიწით გაავსეთ.
- მიწა წყლით მორწყეთ. ის სველი უნდა იყოს. გადაჭრილი ხახვის ბოლქვები მიწაში ჭრილით ზემოთ მოათავსეთ.
- გირჩევთ, დიდი კონტეინერი გამოიყენოთ და ერთდროულად რამდენიმე ბოლქვი დარგოთ. ერთმანეთთან ახლოს ჩარგეთ. თუ მწვანე ხახვის სწრაფი და უხვი მოსავლის აღება გსურთ, კოცონიდან ნაცარი აიღეთ და გადაჭრილ ხახვებს ზემოდან მოაყარეთ. ბევრი საჭირო არაა. ცოტა დაპუდვრა საკმარისია. ასე ხახვი არ დალპება და არ გახმება.
- შემდეგ ყველაფერი მარტივია: ხახვის ბოლქვები სტანდარტულად მორწყეთ. მთავარია, რომ მიწა სველი იყოს. გირჩევთ, მიწა წყლით პირდაპირ მორწყათ ისე, რომ ბოლქვებს არ შეეხოთ. მაგალითად, ვიწრო სარწყავით. ასე ლპობისა და ობისგან უფრო დაიცავთ.
- ამის შემდეგ დაელოდეთ. 8-10 დღეში მიიღებთ პირველ ყლორტებს, რომლებიც შეგიძლიათ მოჭრათ. თუ უფრო მეტი მწვანე ხახვის მიღება გსურთ, ცოტა მოიცადეთ.
დაგვეთანხმეთ, რომ ამ მეთოდით ფანჯრის რაფაზე ხახვის გაზრდა უფრო ეკონომიურია, ვიდრე მთელი ხახვის გამოყენება. ასე ხახვს შეჭამთ და მწვანილსაც მიიღებთ.
