ჭარხლის ნახარში მცენარისთვის: ეფექტური საშუალება

521

აყვავებული ოთახის მცენარეებით დამშვენებული ფანჯრის რაფა ცივ სეზონზე განსაკუთრებით გვახარებს. როცა გარეთ ლამაზ ფერებს ვერ ხედავთ, ოთახის მცენარე დაგეხმარებათ. მთავარია, რომ იყვავილოს და არ დაჭკნეს. ამაში ეფექტური სასუქი დაგეხმარებათ. მის შეძენას სპეციალურ მაღაზიაში შეძლებთ, თუმცა თავადაც შეგიძლიათ მოამზადოთ. მეორე ვარიანტზე შევჩერდებით. Vivien გიამბობთ, როგორ გამოიყენოთ ჭარხლის ნახარში მცენარეებისთვის. ასეთი გამოკვება ყვავილს დაკარგული ძალების აღდგენაში დაეხმარება. მთავარია, რომ ქაშაყი ქურქის ქვეშ, ვინეგრეტის ან სხვა მსგავსი კერძის მომზადების შემდეგ ჭარხლის წყალი არ გადაასხათ. ეფექტი, რომელსაც ყვავილზე ახდენს, გაგაოცებთ.

ჭარხლის ნახარშის თვისებები – ნებისმიერი აყვავებული მცენარისთვის შესანიშნავი სასუქია. ჭარხლის ხარშვისას წყალში ამ პროდუქტის ბევრი მკვებავი ელემენტი გადადის. მზა ნახარში ბევრ მინერალს შეიცავს. მდიდარია კალიუმით, მაგნიუმით, ფთორით, მანგანუმით და ფოსფორით. შემადგენლობით ყველაფერი ცხადია. ყვავილისთვის მდიდრული სასუქია.

დეტალური ინსტრუქცია – ამ საშუალების მომზადებას ნებისმიერი შეძლებს. ჭარხალი კარგად გარეცხეთ, ქვაბში ჩადეთ და წყალი დაასხით. მარილი არ მოაყაროთ. ბოსტნეული მომზადებამდე მოხარშეთ. ამის შემდეგ წყალი არ გადაასხათ, არამედ მცენარეებისთვის გამოიყენეთ. ჭარხალი ქვაბიდან ამოიღეთ. ცივი ნახარში მოსახერხებელ ჭურჭელში გადაასხით. სუფთა წყალში 1:1 თანაფარდობით გააზავეთ. მნიშვნელოვანია! მხოლოდ ახალი ნახარში გამოიყენეთ. მასში ბევრი მკვებავი ნივთიერება შედის. არ დაელოდოთ, სანამ ნახარში ყველა სასარგებლო თვისებას დაკარგავს ან ამჟავდება.

მორწყვის გრაფიკი – მცენარე ზედმეტად არ გამოკვებოთ. ჭარხლის ნახარში სასუქად კვირაში მაქსიმუმ ერთხელ გამოიყენეთ. ეს საკმარისია, რომ მცენარე უხვად აყვავილდეს და სხვადასხვა დაავადებისგან დაიცვათ. მორწყვა არ გადააჭარბოთ და ოთახის მცენარე ლამაზი და აყვავებული გახდება. ამაში ჭარხლის ნახარში აუცილებლად გამოგადგებათ. ალოე, ია, ორქიდეა ამ მკვებავი საშუალების დახმარებით დიდებულად აყვავილდება.