აყვავებული ორქიდეები ყვავილების მაღაზიები იშვიათი არაა, მაგრამ სახლში ყვავილობის განმეორება რთულია. Vivien გიამბობთ, როგორ იზრუნოთ პრეტენზიულ მცენარეზე, რომ კოკრები სწორად და რეგულარულად ჩამოყალიბდეს. ერთი ასეთი ტროპიკული მცენარე სახლში ყველას აქვს. ზოგი ჭირვეულ ეპიფიტებთან მეგობრობას ახერხებს და უხვ ყვავილობას აღწევს. ზოგს შიშველ ღეროზე ორი ყვავილიც ახარებს. ზოგს წლიდან წლამდე მხოლოდ საჰაერო ფესვების და დაცვენილი ფოთლების ყურება უწევს.
5 ძირითადი მიზეზი, რატომ არ ყვავის ორქიდეა – გამოცდილი მეყვავილეები აღნიშნავენ, რომ ჯანსაღი ფალენოპსისი წელიწადში 3-დან 6 თვემდე ყვავილობს. თუ თქვენს შემთხვევაში ასე არაა, დაფიქრდით, მცენარეზე სწორად ზრუნავთ თუ არა.
- ძალიან ახალგაზრდა ორქიდეა – ორქიდეის პირველი ყვავილობა 1,5-დან 3 წლამდე პერიოდში მოდის. თუ ყვავილს კალმიდან ზრდით, მოთმინება მოიკრიფეთ. ისეც ხდება, რომ ზოგჯერ ძალიან ახალგაზრდა მცენარეც ისარს ავითარებს. ყვავილის ყუნწი ზოგჯერ განუყოფელი კალმისგანაც ვითარდება. ამ შემთხვევაში ისარი უნდა მოწყვიტოთ, რადგან ნაადრევი ყვავილობა მცენარეს ასუსტებს და ღუპავს.
- მავნებლების არსებობა – ორქიდეა ხშირად ზიანდება პარაზიტებით, როგორიცაა ნაცროვანი ცრუფარიანა. თეთრ ქსელს ჰგავს და ახალგაზრდა კოკრიდან მთელ წვენს იწოვს, რაც ყვავილს აჭკნობს. ორქიდეის ჯანმრთელ განვითარებას ხელს უშლის ტკიპა, ფარიანა, ფრთათეთრა, ტრიპსი და ნემატოდი. მავნებლების წინააღმდეგ რეგულარულად დაამუშავეთ, მიწა სპეციალური ხსნარებით დაამუშავეთ.
- ცივი ან ძალიან მშრალი ჰაერი – ამ ტროპიკულ მცენარეს რეგულარულად ტენიანი და თბილი ჰაერი სჭირდება. 25 გრადუსი და 60-80% ტენიანობა იდეალურია. ორპირ ქარში არავითარ შემთხვევაში დატოვოთ. ქარმა განიავების დროსაც მცენარე შეიძლება დააზიანოს. ამ შემთხვევაში ორქიდეა აბაზანაში ან სხვა ოთახში გაიტანეთ. გათბობის სეზონზე მშრალი ჰაერის პრობლემას ჰაერის დამატენიანებელი ან რეგულარული დანამვა მოაგვარებს.
- ზედმეტი მორწყვა – ორქიდეას იშვიათად რწყავენ, მაგრამ საკმაოდ უხვად. მორწყვებს შორის ფესვი და მიწა ოდნავ უნდა გაშრეს. რბილი, ოდნავ თბილი წყალი გამოიყენეთ. კვირაში ერთხელ ქოთანი წყლიან ტაშტში 20 წუთით ჩადეთ, რომ მიწა სითხით კარგად გაიჟღინთოს. ამავდროულად, ფესვები წყალში დიდხანს არ უნდა დარჩეს, რომ გაფუჭებისგან დაიცვათ. ქვესადგამიდან ზედმეტი წყლის გადასხმა არ დაგავიწყდეთ.
- შეუსაბამო განათება – ორქიდეას ბევრი სინათლე არ სჭირდება, რომ კარგად გაიზარდოს, მაგრამ კარგი განათების გარეშე მძინარე კვირტების გაღვიძება გაგიჭირდებათ. მზის პირდაპირ სხივებს მოარიდეთ, მაგრამ ბნელ კუთხეში არ დატოვოთ. დღეში მინიმუმ 10 საათი სინათლე სჭირდება. როცა ზამთარში ისრები გამოჩნდება, ფიტონათურა ჩართეთ. სინათლის წყარო ქოთნისკენ მიმართეთ. ყურადღება მიაქციეთ, რომ მცენარე ძალიან არ გახურდეს.
ორქიდეა ცუდად იტანს ნებისმიერ სტრესს: გადარგვა, ადგილის შეცვლა, ტემპერატურის მკვეთრი ცვლილება. ერთი შეხედვით, მისი ყვავილობა მიუღწეველი მიზანია. როცა თქვენი ფალენოპსისის სურვილების და მოთხოვნილებების ამოცნობას ისწავლით, ლამაზი ყვავილებით აუცილებლად დაგაჯილდოებთ.
