ჭარხალი თეთრი ძარღვებით: უსაფრთხოა თუ არა მისი ჭამა

655

თუ ბაზარში ნაყიდი ჭარხალი გაჭერით და თეთრი რგოლები დაინახეთ, მაშინვე გამყიდველთან ურთიერთობის გასარკვევად წასვლა არ ღირს. ასეთი ძარღვები ქიმიკატების არსებობაზე არ მიუთითებს. პირველ რიგში, ეს ჭარხლის სახეობაზე, ბორშის ჭარხალზე მიგანიშნებთ. მას წვნიანის მოსამზადებლად ხშირად იყენებენ. მეორეც, ჭარხალი თეთრი ძარღვებით გიამბობთ, როგორ გაზარდეს ბოსტნეული. ისევ ვიმეორებთ, რომ ქიმიაზე საუბარი არაა. Vivien გიამბობთ, რა ფაქტორები ახდენს გავლენას ჭარხალში თეთრი რგოლების წარმოქმნაზე. ასევე გეტყვით, უსაფრთხოა თუ არა მისი ჭამა.

ჭარხალი თეთრი ძარღვებით: რისი ნიშანია ეს

  • არახელსაყრელი ამინდის პირობები – უხეში თეთრი ძარღვები ხანგრძლივი გვალვის ან წვიმის შედეგად შეიძლება გაჩნდეს. ჭარხლის არასწორად მორწყვაზეც მიგანიშნებთ. თუ ბოსტნეულს რეგულარულად არ მორწყავთ, ამ პრობლემას აუცილებლად გადააწყდებით.
  • ღარიბი ნიადაგი – თუ მიწას კალიუმით არ გაამდიდრებთ და აზოტის და ორგანულ სასუქს ჭარბად გამოიყენებთ, ჭარხლის გაჭრისას თეთრ რგოლებს აუცილებლად დაინახავთ. ზედმეტი ასეთი დანამატი ბოსტნეულში ნიტრატების დონეს ზრდის, რაც უკიდურესად არასასურველია. ამ ნივთიერების სიჭარბე ხშირად მსხვილ ნაყოფში გროვდება, ამიტომ პატარა ზომის ჭარხლის არჩევას გირჩევთ.
  • მჟავე ნიადაგი – ბოსტნეული მჟავე მიწის მოყვარული არაა. თუ გსურთ, რომ ჭარხლის კარგი მოსავალი უხეში ძარღვების გარეშე მიიღოთ, მიწა დროულად გაატუტოვნეთ.
  • ცუდი თესლი – უდავოდ, ცუდი თესლი ერთ–ერთი მიზეზია, რატომ ჩნდება თეთრი რგოლები ნაყოფში. სწორედ ამიტომ, ხარისხიანი თესლი შეიძინეთ. ძველი თესლი კარგი ჭარხლის გაზრდაში ვერ დაგეხმარებათ.

შეიძლება თუ არა თეთრგოლებიანი ჭარხლის ჭამა – ჭარხალში უხეში ძარღვების გაჩენის მიზეზებზე დაყრდნობით, თამამად შეგვიძლია ვთქვათ, რომ მასში საშიში არაფერია. ბოსტნეული დამახასიათებელი თავისებურებით არ გადაყაროთ. გამოცდილი დიასახლისები გირჩევენ, რომ ზოლებიანი ჭარხალი ბორშის მოსამზადებლად გამოიყენოთ. ასე არომატული წვნიანი ნაჯერ ფერს მიიღებს, ხოლო სხვა ბოსტნეული არ შეიღებება.

დროული მორწყვა, ხარისხიანი თესლის და სწორი ნიადაგის შერჩევა დაგეხმარებათ, რომ ჭარხალში უხეში ძარღვების გაჩენა თავიდან აიცილოთ. თუ ასეთი ბაზარზე შეიძინეთ, იცოდეთ, რომ ორგანიზმისთვის საზიანო არაა. მშვიდად იყავით!