6 სახეობის ნიორი, რომელიც სუპერმარკეტის დახლებზე შეიძლება შეგხვდეთ

0
55

თუ რეცეპტის ინგრედიენტებში ნიორს ვხედავთ, ყოველთვის ვიცით, რა იგულისხმება. ამ პროდუქტს ბავშვობიდან მიჩვეული ვართ, ხოლო ყიდვა ნებისმიერ მაღაზიაში შეიძლება. თუმცა ნივრის სხვადასხვა სახეობები არსებობს. მათგან უმეტესობა ნანახი გაქვთ, მაგრამ ამაზე არ დაფიქრებულხართ.შეგიმჩნევიათ, რომ ზოგი ნიორი კერძს ცხარე გემოს ანიჭებს, სხვა ჰარმონიულად და ნაზად ავსებს? ისინი განსხვავებულად სუფთავდება და გამოიყურება. Vivien გიამბობთ, რომელი სახეობები შეიძლება შეგხვდეთ მაღაზიასა და ბაზრობაზე. აირჩიეთ ის, რომელიც თქვენთვის შესაფერისია.

რომელი ნივრის სახეობები არსებობს: 6 მაგალითი

  1. ფაიფურის ნიორი – ალბათ, ერთ–ერთი ყველაზე გავრცელებული სახეობაა. საკმაოდ დიდი ზომა და თავში დაახლოებით 5-7 კბილი აქვს. ფაიფურის ნიორი გამოხატული ცხარე გემოს და მდიდარი არომატის წყალობით მობრაწულაში იდეალურია.
  2. წითელი ნიორი – ეს სახეობა მათთვისაა, ვისაც სიცხარე არ უყვარს, მაგრამ ნივრის კერძებში გამოყენება მაინც სურს. წითელი ნიორი სუნით უფრო ხახვს ჰგავს, ხოლო კერძს მოტკბო პიკანტურ გემოს ანიჭებს. დიდხანს შესანახად იდეალურია. მისი კბილები კერძის გაფორმებისას ძალიან ლამაზად გამოიყურება.
  3. სპილოს ნიორი – თუ თქვენს წინაშე გიგანტური ზომის ნივრის კბილებია, ეს სპილოს ნიორია. მისი გემო გაგაოცებთ: სასიამოვნო, რბილი და ნაზიც. იდეალურია წვნიანების, სოუსების და სალათებისთვის, რომელთაც პიკანტურობას შემატებს. სხვათა შორის, ეს ნიორი არა, უფრო პრასის სახეობაა.
  4. ვიეტნამური ნიორი – თუ სხვა ინგრედიენტების გემოს გადაფარვა არა, მხოლოდ მისი ნაზად ხაზგასმა გსურთ, მაშინ ვიეტნამური ნიორი გამოიყენეთ. ამ პროდუქტის პიკანტურობა სწრაფად ორთქლდება, ხოლო სურნელოვანი გემო რჩება. საქმე იმაშია, რომ ამ სახეობის ნიორში შედის ბევრი შაქარი და ოდნავ ტკბილიც არის.
  5. იისფერი გლეიზერი – საკმაოდ მძაფრი გემო და ძლიერი ნივრის არომატი აქვს. ამ სახეობას ძალიან ცხარე ნიორს ვერ ვუწოდებთ. გემოს არ ტოვებს და გამოსაცხობად შესანიშნავია. გარდა ამისა, ქერქი ძალიან მარტივად შორდება.
  6. იტალიური ნიორი – თუ ცხარე, პიკანტური და ძალიან არომატული ნიორი გიყვართ, მაშინ იტალიური სახეობა თქვენთვის იდეალურია. ძლიერი და საკმაოდ მსხვილი კბილები აქვს, რომლებიც ადვილად იწმინდება.

ნივრის მოყვარულებისგან განსხვავებით, რომლებიც მზად არიან, ნიორი დესერტებსაც დაუმატონ, არიან ადამიანები, რომელთაც ამ ცხარე მცენარის ატანა არ აქვთ. შესაძლოა ჯერ ვერ იპოვეს შესაფერისი ნივრის სახეობა, რომლის გემოც მოეწონებათ.