ფქვილი პროდუქტია, რომელიც ყველა დიასახლისს სამზარეულოში აქვს. ის არა მხოლოდ პურ–ცომეულის, არამედ სოუსების, კლიარის ან დესერტების მოსამზადებლად გვჭირდება. ჩემთან ქარის სისწრაფით ქრება. სწორედ ამიტომ, ტომრით ვყიდულობ. ადრე ხარისხის პრობლემა არ მაწუხებდა, ახლა იმედს მიცრუებს. უკვე გადაგდებას ვაპირებდი, მაგრამ მეზობელმა შემაჩერა. მითხრა, რომ ასეთი ფქვილი ბოსტანში გამომადგებოდა. Vivien გიამბობთ, რატომ არის პროდუქტი სასარგებლო მცენარეებისთვის და რა ვუყოთ მარაგს. აღმოჩნდა, რომ ადრე ფქვილს სასუქად აქტიურად იყენებდნენ. მისი დახმარებით მავნებლებსაც აფრთხობდნენ. გამოგადგებათ როგორც ვადაგასული ფქვილი, ასევე ის, რომელშიც ხოჭოები დასახლდნენ. თუ რამდენიმე კილოგრამი ცუდი ფქვილი გაქვთ, არ გადაყაროთ.
როგორ გამოვიყენოთ ფქვილი ბოსტანში
- მცენარეების საკვები – ფქვილი მიწის სტრუქტურას აუმჯობესებს. 4-5 ს/კ პროდუქტი მიწას აურიეთ და ნარევი ნერგების დარგვისას ორმოებს მოაყარეთ. ასე ახალგაზრდა მცენარე ფოსფორის და კალიუმის საჭირო მარაგს მიიღებს. სასუქი მიწის მიკროფლორის განვითარებასაც ხელს უწყობს. ფქვილით ოთახის მცენარეც შეგიძლიათ გამოკვებოთ. 1 ჭიქა ხორბალი წყალში ჩაალბეთ და გაღვივება აცადეთ. შემდეგ ყლორტები ყავის საფქვავით დაფქვით. დამატებით დასრისეთ. 2 ს/კ შაქარი და 2 ს/კ ფქვილი აურიეთ, სანამ არაჟნის მსგავს სქელ მასას არ მიიღებთ. ნარევი ღრმა ტაფაში გადაიტანეთ და 20 წუთით სუსტ ცეცხლზე ხარშეთ. ბნელ, გრილ ადგილას 1 დღით შეინახეთ.
- მავნებლებისგან დაცვა – ბოსტანში ბუგრების პრობლემას თითქმის ყველა აწყდება. ფქვილის დახმარებით სწრაფად და უსაფრთხოდ მოიშორებთ. დაზიანებულ მცენარეს ფქვილი მოაყარეთ, რამდენიმე დღეში მწერების ნარჩენები წყლის ნაკადით მოაშორეთ. ფქვილის ფენა კულტურებს დაიცავს ისეთი მავნებლებისგან, როგორიცაა ლოქორა, მუხლუხო და სხვა მწვანილის მოყვარულები. ჭიანჭველები არანაკლებ პრობლემებს იწვევდ. მათი შეგროვების ადგილებს და ბილიკებს ფქვილი მოაყარეთ. ზოგიერთი მწერი სტუმრობას შეწყვეტს. სხვები საკვებს ბუდეში შეიტანენ, მაგრამ ასეთი საკვები მათთვის დამღუპველია, რადგან ორგანიზმი მსგავსი საკვების გადამუშავებაზე ადაპტირებული არაა. შემდეგი მეთოდი ჰუმანური არაა, მაგრამ მღრღნელებს მოგაშორებთ. 1 კვირა უნდა გამოკვებოთ. ამის შემდეგ ფქვილის და სამშენებლო თაბაშირის ნარევი (1:1) მოამზადეთ. ნარევი სატყუარას ადგილას დადეთ, გვერდით წყლით სავსე თასი მოათავსეთ. მშრალ ალებასტრზე წყლის დაყოლებით მღრღნელებს სასიკვდილოდ გაუშვებთ.
- კომპოსტის ორმო – თუ სასუქად ფქვილის გამოყენებაში ეჭვი გეპარებათ, ხოლო მავნებლები არ გაწუხებთ, მაშინ მხოლოდ ერთი გამოსავალი არსებობს. სანაგვე ურნის ნაცვლად კომპოსტის ორმოს დაუმატეთ. ასე მომწიფება დაჩქარდება და კომპოსტი გამდიდრდება.
როგორც ხედავთ, გაფუჭებული ფქვილი ჯერ კიდევ გამოგადგებათ. სხვათა შორის, საოჯახო საქმეშიც შეგიძლიათ გამოიყენოთ. მაგალითად, საწმენდი ფხვნილის ნაცვლად. ფქვილით გაწმენდის შემდეგ სამზარეულოს ნიჟარა იბრწყინებს.
