თითქმის ყველა დიასახლისს ცხოვრებაში ერთხელ მაინც პროდუქტები კარაქში შეუწვავს. ამის მიუხედავად, უმეტესობა მათგანი მცენარეულ ზეთში შეწვას უპირატესობას ანიჭებს. მცენარეული ზეთი კარაქისგან განსხვავებით არ იწვის, ამიტომ ყურადღების მიქცევა საჭირო არაა. Vivien გასწავლით, როგორ აირიდოთ ეს უსიამოვნო პრობლემა ძალიან მარტივად. ცნობილი შეფმზარეული გვიმხელს 3 ძირითად საიდუმლოს, როგორ შეწვათ კარაქში ისე, რომ სამზარეულოს განიავება არ მოგიწიოთ.კერძს რამდენიმე წესის დახმარებით ნაზ გემოს და არომატს მიანიჭებთ. ასეთ შედეგს მცენარეული ზეთით ვერ მიიღებთ. სწორედ ამიტომ, 3 ძირითადი ხრიკი დაიმახსოვრეთ, რომ ტაფა დაწვისგან დაიცვათ და სრულყოფილი კერძი მიიღოთ!
როგორ შევწვათ კარაქში: შეფმზარეულის რეკომენდაციები
- კარაქის არჩევა. უდავოდ, ამ პროდუქტის ხარისხი კერძის საბოლოო შედეგზე პირდაპირ გავლენას ახდენს. კარაქზე ეკონომია არ ღირს. ეტიკეტს ყურადღება მიაქციეთ. მხოლოდ ნატურალური კარაქი შეიძინეთ, რომელშიც მარგარინი არ შედის. ეს კომპონენტი ტაფაზე უწყალოდ იწვის.
- ერბო. გამოცდილი მზარეული გირჩევთ, რომ პროდუქტი კარაქში წინასწარი მომზადების გარეშე არ შეწვათ. საქმე იმაშია, რომ ამ პროცესში კარაქში შემავალი პროტეინები წვას იწყებს და უსიამოვნო სუნს გამოყოფს. ასე კერძის გემო ფუჭდება. ამის თავიდან ასაცილებლად კარაქი გაადნეთ, მუდმივად აურიეთ. შემდეგ საცერი აიღეთ, ქსოვილი დააფინეთ და რძის პროდუქტი გადაწურეთ. გამდნარ კარაქში კერძები უშიშრად შეგიძლიათ მოამზადოთ.
- „კვამლის წერტილი“. პროდუქტის შეწვისას „კვამლის წერტილს“ ყურადღება მიაქციეთ. ეს ტემპერატურაა, როცა კარაქი შეიძლება გაფუჭდეს. როგორც კი კვამლს შეამჩნევთ, მაშინვე ტაფა ქურას მოაშორეთ. შემდეგ უკვე ახალი ნაჭერი კარაქი დაუმატეთ.
პროდუქტების შეწვისას ამ სამი დეტალის გათვალისწინება მნიშვნელოვანია. კარგი შემადგენლობა, წინასწარი მომზადება, ასევე მომზადების პროცესის კონტროლი საშუალებას მოგცემთ, რომ ტაფაზე კარაქის გამოყენების არ შეგეშინდეთ. თქვენი კერძი ყოველთვის ნაზი და არომატული გამოვა!
