Vivien გიამბობთ, რა სარგებელი აქვს ჟოლოს ფოთლების ჩაის და რატომ უნდა მოამზადოთ ახლა. ასევე გიზიარებთ რჩევებს, როგორ გაახმოთ ჟოლოს ფოთლები სწორად.
ჟოლოს ფოთლების ჩაი – ბებიის მომზადებული ბალახების ნაკრები ბავშვობიდან მიყვარდა. მახსოვს, რომ მასთან სამზარეულოში საოცარი სუნი ტრიალებდა. მისი საყვარელი ჩაი პიტნის, ჟოლოს, ცაცხვის და ჟოლოს ფოთლების ნაკრები იყო. ბებია დიდი ხნის წინ გარდაიცვალა, მაგრამ მის საყვარელ ნაკრებს ყოველწლიურად ვამზადებ. ოღონდ ჟოლოსთან ყოველთვის პრობლემები მქონდა: მზა ფოთლების პოვნა თითქმის შეუძლებელია. ახლო მეგობარს, რომელიც აგარაკზე ცხოვრობს, ცოტა ფოთლების მოცემა ვთხოვე. როცა ჟოლო გასხლა, ფოთლები სიამოვნებით გამიზიარა. ახლა ჟოლოს მოვამზადებ და ამ ინგრედიენტის დამატებით მომზადებული ჩაის სასარგებლო თვისებების შესახებ გიამბობთ.
ჟოლოს ფოთლების ჩაის სარგებელი – ცოტამ თუ იცის, რომ ჟოლოს არა მხოლოდ ტკბილი კენკრა, არამედ ფოთლებიც სასარგებლოა. ხშირად მის ფოთლებს სასუქისთვის ინახავენ, არადა შეგიძლიათ გაახმოთ და წარმოუდგენლად სასარგებლო ჩაი მოამზადოთ. ნებისმიერი სურდო თავს აგარიდებთ, როგორც კი, ამ საოცარი ნახარშის სუნს იგრძნობს. რა არის ამ ფოთლებში? მასში შედის А, В, С, Н, РР, ასევე კალიუმი, გოგირდი, ნატრიუმი, ქლორი, სპილენძი, მაგნიუმი, ნიაცინი, კალციუმი და სალიცილატი. ეს უკანასკნელი სასუნთქი გზების დაავადებებთან ბრძოლაში ეფექტურია. სიტყვაზე, თუ შემთხვევით რაიმემ მოგწამლათ, ჟოლოს ფოთლების ნახარში დაგეხმარებათ. ჟოლოს ფოთლები სახის ნიღბად შეგიძლიათ გამოიყენოთ. ჟოლო კანის ფერს აუმჯობესებს, ატონიზირებს და სასარგებლო ნივთიერებებით ავსებს. ნაოჭებიც შეგიძლიათ გაისწოროთ. თმის ზრდას, მისი სტრუქტურის გაძლიერებას ხელს უწყობს.
როგორ გავახმოთ ფოთლები – როგორც წესი, ყველაფერი საკმაოდ მარტივია: პიტნა, ბარამბო და ცაცხვი მზეზე შეგიძლიათ გაახმოთ და ქილაში შეინახოთ. აი, ჟოლოს ფოთლები უფრო პრეტენზიულია. მოსამზადებლად დიდი ქილები და ჟოლოს ზედა ფოთლები დაგჭირდებათ. რატომ ზედა? ყველაზე მზიანი და მწვანე ფოთლები გვჭირდება. ასეთი, როგორც წესი, ზემოთაა. თუ ყველა ტოტზე ასეთი ფოთლები გაქვთ, ნებისმიერი შეგიძლიათ გამოიყენოთ. ახლა ქილები ფოთლებით მჭიდროდ გაავსეთ. მას შემდეგ, რაც ფოთლებს მაქსიმალურად ჩატუმბავთ, ქილა მზეზე ეზოში ერთი დღე გაიტანეთ. შემდეგ პლასტმასის პაკეტებში ჩააწყვეთ და 1 დღით საყინულეში შეინახეთ. ახლა ფოთლები საცხობ ფორმაზე გაშალეთ და ღუმელში გააშრეთ. ალტერნატივა: ფოთლები მზეზე პირსახოცის ქვეშ გაახმეთ, შემდეგ დააქუცმაცეთ და კონტეინერში შეინახეთ. 2 დღეში ფოთლები ნამდვილად გახმება. ჩაი შეგიძლიათ გააკეთოთ!
სხვათა შორის, გაყინვის შემდეგ ფოთლები შეგიძლიათ ხორცსაკეპ მანქანაში გაატაროთ და გრანულებიანი ჩაი მიიღოთ. ჟოლოს ფოთლებს შეგიძლიათ დაუმატოთ პიტნა, ბარამბო, ცაცხვი, ლავანდის ფოთლები, ვარდის ფურცლები და ჰიბისკუსის ყვავილები. მთავარი აქცენტი ჟოლოზე გააკეთეთ. ის სასმელს საოცარ არომატს და ლამაზ, გაჯერებულ ფერს ანიჭებს.
