თუ უკრაინაში ცხოვრობთ და თქვენი ქალაქი საომარი მოქმედებების ცხელ წერტილში არაა, ეს იმას არ ნიშნავს, რომ უსაფრთხოების წესების უგულებელყოფა შეიძლება. დღემდე არიან ისეთები, რომლებმაც არ იციან, სად დაიმალონ საჰაერო თავდასხმის დროს და როგორ დაიცვან ბინა. მოულოდნელი დაბომბვისგან დაზღვეული არავინაა. სწორედ ამიტომ, Vivien ამ თემაზე ყველაზე მნიშვნელოვან მომენტებს აგიხსნით.

როგორ დავიცვათ ბინა

თავიდან დავიწყოთ. პირველი, რაც ბინის დაცვაზე ფიქრისას გვახსენდება, ფანჯრებია. ყველაფერი მარტივია: აფეთქების ტალღის გზაზე პირველი დაბრკოლებაა. მის დაცვაზე დიდწილად თქვენი უსაფრთხოებაა დამოკიდებული.გარდა ამისა, ფანჯარას შეუძლია კინეტიკური ენერგიის ნარჩენები საკუთარ თავზე აიღოს. ამ შემთხვევაში აფეთქების ტალღის მთავარი დაბრკოლება გახდება. ეს შესაძლებელია, თუ აფეთქების ძალა ძალიან ძლიერი არაა ან აფეთქების ცენტრთან არ იმყოფებით. დიდი ალბათობით, ფანჯარა თქვენ ბინაში ან სახლში არასაჭირო განადგურების შემოსვლას ხელს შეუშლის.

გახსოვდეთ, ფანჯრები მჭიდროდ უნდა დახუროთ. შემდეგი ნაბიჯი: ფანჯრებზე სკოჩი გააკარით. ხარისხიანად გააკეთეთ, რადგან ამაზე გარკვეულწილად თქვენი სიცოცხლეა დამოკიდებული. სკოჩი ჰორიზონტალურად გააკარით ისე, რომ ერთი ზოლი მეორეს ზემოდან მჭიდროდ გადაეკრას.ბევრი ზარმაცობს და სკოჩის მხოლოდ 2 ზოლს „X” ასოთი აკრავს. ეს არ გამოგადგებათ, ასე ფანჯარა დამატებით ტრავმულ ობიექტად დარჩება. გახსოვდეთ, რომ სწორად დალუქულ ფანჯარაში არა მხოლოდ მინის და ფუგასის ნამსხვრევები შეიძლება დარჩეს, არამედ კალაშნიკოვის იარაღიდან ნასროლი ტყვია. ასეთი უსაფრთხოების ზომა სასიცოცხლოდ მნიშვნელოვანია.

ორი კედლის წესი და სხვა რეკომენდაციები – როცა საჰაერო თავდასხმის გამაფრთხილებელი სირენა ისმის, ადამიანები განსხვავებულად იქცევიან. ზოგი პირველი დღიდან ბომბსაფარში გარბის. ზოგს ამის შესაძლებლობა არ აქვს, ამიტომ სახლში რჩება. აქ, მნიშვნელოვანია, რომ ორი კედლის წესი გახსოვდეთ.ნებისმიერ ბინაში ყველაზე უსაფრთხო ადგილი ორი კედლის მიღმაა. პირველი დარტყმას საკუთარ თავზე იღებს, მეორე ნამსხვრევებისგან გიცავთ. ხშირად ასეთი ადგილია დერეფანი და შემოსასვლელი, რომელიც ორ კედელს შორის მდებარეობს. მრავალსართულიან შენობაში ლიფტის შახტის მახლობლად და ტამბურში შეგიძლიათ დაიმალოთ.

საცხოვრებელი კორპუსების სარდაფები ხშირად სათანადოდ აღჭურვილი არაა, რომ საჰაერო განგაშის დროს თავი შეაფაროთ. ამ მიზნით მხოლოდ სპეციალური თავშესაფრები გამოგადგებათ. კორპუსის სარდაფში სინათლე, წყალი, დამატებითი ჰაერის წყარო არაა. თუ ასეთ შენობას მეორე (სათადარიგო) გასასვლელი არ აქვს, დიდი რისკია, რომ ნანგრევებში მოყვეთ.დიდ ქალაქებში ადამიანები ხშირად მიწისქვეშა ავტოსადგომებში იმალებიან. კიევში მყავს მეგობარი, რომელიც რამდენიმე დღე ავტოსადგომზე იმალებოდა, სანამ ქალაქიდან გაქცევას მოახერხებდა. მიწისქვეშა ავტოსადგომი უსაფრთხოა, თუ დამატებითი გასასვლელი აქვს და შენობაში ჰაერი ნიავდება. იგივე სახლის სარდაფს ეხება.

კერძო სახლის სარდაფი ისე შეგიძლიათ მოაწყოთ, რომ დროებით თავშესაფრად გამოგადგეთ. სარდაფის კედლები თიხის, აგურისა და ბეტონისგან არის გაკეთებული, ამიტომ მისი დაშლა ადვილია. ეს აუცილებელია, რომ მეორე გასასვლელი გააკეთოთ. მიწა მთავარი შესასვლელიდან ამოიღეთ და სარდაფს ზემოდან დააყარეთ.სარდაფში აუცილებლად უნდა იყოს ნიჩბები, რომლის დახმარებით ჩამოყრილ მიწას გათხრით. გარდა ამისა, წყლის და საჭმლის მარაგი გჭირდებათ, ასევე რამდენიმე ნახვრეტი ჰაერის ნაკადისთვის. თუ შესაძლებლობა გაქვთ, სარდაფში რამდენიმე მილი და შლანგი გაიყვანეთ.

რედაქციის რჩევა – ალბათ, ყველა უკრაინელმა საკუთარ თავზე გამოცადა, რა არის საკუთარი და ახლობლების სიცოცხლისათვის შიში. ყველაზე სახიფათო სიტუაციაშიც მთავარია, რომ პანიკას არ აყვეთ. ემოციები გვერდზე გადადეთ და ცივად იმოქმედეთ, როცა თქვენი უსაფრთხოება საფრთხის ქვეშაა. გვჯერა, რომ მალე სიტუაცია დარეგულირდება და ხალხს ბომბსაფარში დამალვა აღარ მოუწევს. ყველას მშვიდობას გისურვებთ!