ვის არ სურს ზაფხულში წვნიანი და ტკბილი მარწყვის მირთმევა? მებოსტნეები გაზაფხულზე და ზაფხულშიც დასარგავად კვლებს ამზადებენ და შარშანდელ ტუბერებზე ზრუნავენ, რომ მცენარე კარგად განვითარდეს და კარგი მოსავალი მისცეს. გამოცდილი მეაგარაკეები მარწყვის მოსავლის გასაზრდელად სასუქსაც ამატებენ. Vivien გიზიარებთ პრაქტიკულ რჩევებს, როგორ მოამზადოთ სასუქი.აგარაკზე მეზობელი ირწმუნება, რომ ამ მეთოდით მარწყვის მოსავალი გააორმაგა. ნამდვილად, მდოგვით მომზადებული ხალხური საშუალება არა ერთხელ დამეხმარა, როცა ამინდის პირობები კენკრის კარგ ზრდას ხელს არ უწყობს. ფხვნილი ნაყოფს ცხვირგრძელასა და სხვა მავნებლისგან იცავს.
როგორ მივაწოდოთ სასუქი, რომ მარწყვის მოსავალი გაუმჯობესდეს – მარწყვის კენკრის რაოდენობის გასაზრდელად უბრალო მდოგვის ფხვნილი დაგჭირდებათ. იაფი ღირს, ამიტომ ბევრის დახარჯვა არ მოგიწევთ. ნატურალური საშუალება ქიმიურისგან განსხვავებით მარწყვის ხარისხს არ აზიანებს.
როგორ მოქმედებს მდოგვი – კენკრის უმეტესობა ჯერ კიდევ ყვავილობის ეტაპზე ფორმირებას ვერ ასწრებს. ძირითადად, ამის მიზეზი ცხვირგრძელაა. მავნებელი ყვავილებს ჭამს. ბუნებრივია, არ იმტვერება და კენკრას ვერ წარმოქმნის. მდოგვი ამ მავნებლის წინააღმდეგ ეფექტურ საშუალებად ითვლება. ცხვირგრძელას ცხარე საკვები არ უყვარს, რადგან წვავს. მდოგვი ანადგურებს სხვა მწერებსაც, რომლებიც ყვავილებს ჭამენ.მდოგვი არა მხოლოდ ყვავილს, არამედ კენკრას იცავს. ასე არ შეგეშინდებათ, რომ ლოქორა ან მასრა მარწყვის მოსავალს გაანადგურებს. მდოგვის ფხვნილი კენკრაზე სუნს და გემოს არ ტოვებს. საკმარისია, კენკრა გამდინარე წყალში გარეცხოთ, რომ სიცხარე მოშორდეს. გამოდის, რომ ყვავილებს და კენკრას მომწიფების ეტაპზე იცავთ და იმ მარწყვს ინარჩუნებთ, რომელთაც ადრე მავნებლები ჭამდნენ. ასე მოსავალს გააორმაგებთ.
როგორ გამოვიყენოთ მდოგვი მარწყვის მოსავლის დასაცავად – ამ ხრიკის გამოყენება საკმაოდ მარტივია. განსაკუთრებული ხსნარების მომზადება არ მოგიწევთ. კენკრა მავნებლებისგან რომ დაიცვათ, მარწყვის კვლებსა და ბუჩქებს მდოგვის ფხვნილი მოაყარეთ. ეს ყვავილის და კენკრის ფორმირების ეტაპზე უნდა გააკეთოთ. ერთხელ ასეთი სასუქის მიწოდება საკმარისია. და მაინც, ხანგრძლივი წვიმების შემდეგ მდოგვის ფხვნილი კვლავ მოაყარეთ, მაგრამ უფრო მცირე რაოდენობით. ზედმეტად არ გაგიტაცოთ. მდოგვი მარწყვს მსუბუქად მოაყარეთ და მისი ფენით არ დაფაროთ. ასე მცენარეს საფრთხეს არ შეუქმნის. მით უფრო, მდოგვი მიმდებარე მიწას ანაყოფიერებს, რაც ტკბილ კენკრას გასაზრდელად მეტ ძალას აძლევს.
როგორც ხედავთ, მარწყვის მოსავალი შეგიძლიათ მდოგვის ფხვნილით გაზარდოთ. ზოგიერთი გამოცდილი მებაღე და მებოსტნე გირჩევთ, რომ შემოდგომაზე მდოგვი დარგოთ იმ ადგილებში, რომელთა განაყოფიერება გსურთ. უდავოდ, ამ ხრიკმა თავისი ეფექტურობა დაამტკიცა.
