მახსოვს, რომ ბებია ქრისტესისხლას ნაყენით ბაბუას მეჭეჭს უქრობდა. მაშინ დედა ბრაზობდა, რომ ქვის ხანაში არ ვცხოვრობთ და გამოცდილი მედიცინის გამოყენება შეიძლებოდა. ახლა თავადაც შხამიან ყვავილს დახმარებისთვის მიმართავს. მართალია, ქრისტესისხლას ბოსტანში მავნებლების წინააღმდეგ იყენებს.დედა ხმალას განსაკუთრებულ ყურადღებას აქცევს, ამიტომ ძლიერ დარდობს, როცა მას მავნებლები უტევენ. მათთან საბრძოლველად და მცენარის დასაცავად ყვავილს შინაურული საშუალებით ამუშავებს.
ახალი ქრისტესისხლა მავნებლების წინააღმდეგ – მცენარე მაისი–ივნისის პერიოდში ყვავილობას იწყებს და ამ დროში მწერებთან და ყვავილის დაავადებებთან საბრძოლველად განსაკუთრებით ეფექტურია. ახალი ქრისტესისხლას ნაყენის მოსამზადებლად 4-5 მცენარე ფესვებიანად დაგჭირდებათ. წვრილად დაჭერით და 1 ვედრო წყალში ჩაალბეთ. 15 წუთში წყალი გაყავისფერდება. დედა წყალს წურავს და ბაღს ნამავს. ამბობს, რომ საშუალება ბუგრებს და ფრთათეთრებს შესანიშნავად ებრძვის.
ხმელი ქრისტესისხლას ნაყენი – მავნებლების საწინააღმდეგო საშუალება შეგიძლიათ ხმელი ქრისტესისხლასგან დაამზადოთ. მას ყვავილობის პერიოდში აგროვებენ და მზეზე ახმობენ. 1 ვედრო წყალზე 300 გ ხმელი მცენარე დაგჭირდებათ. 1 დღე დააყენეთ, შემდეგ მიღებული ხსნარით ბოლქვიანი მცენარეების მიწა დაამუშავეთ. დარგვამდე ბოლქვებს ამ ხსნარით დეზინფექციას უტარებენ. ნაყენში 2 საათით გააჩერეთ. უფრო კონცენტრირებული ნაყენით (0,5 კგ ხმელი მცენარე 1 ვედრო წყალზე) ზრდასრული ბოლქვიანი მცენარეები, მაგალითად, ტიტა და ხმალა დაამუშავეთ. პროცედურა სეზონზე მინიმუმ 2–ჯერ გაიმეორეთ. ხმელ ქრისტესისხლას იყენებენ მულჩის სახით, რომელიც თხუნელებს აფრთხობს.
მავნებლების წინააღმდეგ ნაყენის სახით განსაკუთრებით ეფექტურია, რადგან ასე ცოტა ხნით შეგიძლიათ შეინახოთ. დედა ყვავილებს ამ საშუალებით 4 ეტაპად ნამავს. როცა 2-3 ფოთოლი გამოუჩნდება, როცა 5-6 ფოთოლი აქვს, ყვავილობის პერიოდში და მის შემდეგ. როგორ იცავთ ყვავილებს მავნებლებისგან? გაგვიზიარეთ გამოცდილება!
