მცენარეები ჟანგბადს გამოყოფენ და ოთახს მყუდროს და კომფორტულს ხდიან. ლამაზმა მცენარეებმა დიდი ხნით რომ გაგახაროთ, მათზე სათანადოდ უნდა იზრუნოთ. დრო და ძალისხმევა არ დაზოგოთ. Vivien გიზიარებთ წლების მიერ გამოცდილ მეთოდს, რომელსაც ჯერ კიდევ ჩვენი ბებიები იყენებდნენ. ამ მეთოდით ოჯახის ბიუჯეტს დაზოგავთ და ყვავილების მაღაზიაში სასუქის საყიდლად გაქცევაც არ მოგიწევთ.
მარტივი და ეფექტური სასუქი კბილის პასტით ყვავილებისთვის
კბილის პასტის გამოყენების თავისებურებები
ასეთი სასუქის გამოყენება ყვავილობის პერიოდში ეფექტურია. მას შეუძლია მიწაში მჟავიანობის დონის შემცირება, ნიადაგის კალციუმით და ფთორით გამდიდრება, ობის და სხვადასხვა სოკოს დაავადების პრევენცია.
ნებისმიერი კბილის პასტა გამოგადგებათ, რომელსაც მათეთრებელი ეფექტი არ აქვს. საბავშვო კბილის პასტა კარგი ვარიანტია, რადგან ასეთი საშუალება ბევრ ქიმიურ კომპონენტს არ შეიცავს. ბავშვები კბილების გამოხეხვისას პასტას ხშირად ყლაპავენ, ამიტომ მწარმოებლები მათ დასაცავად წესებს მკაცრად იცავენ. თუ კბილის პასტა ნატრიუმის ლაურილ სულფატს მცირე რაოდენობით ან საერთოდ არ შეიცავს, კარგია. ეს ნივთიერება კბილის პასტის აქაფებას ხელს უწყობს.
სასუქის მომზადება და გამოყენება
22-25 გრადუსის ოთახის ტემპერატურის წყალი დაგჭირდებათ. თითო ლიტრზე ტუბის ¼ პასტა გამოიყენეთ. აურიეთ, რომ კარგად გაიხსნას. მცენარე ფესვების ქვეშ მორწყეთ.
შეგახსენებთ, რომ ასეთი სასუქი მხოლოდ გაზაფხულზე ან ზაფხულში გამოიყენოთ, როცა ყვავილი აქტიური ზრდის ფაზაშია. გამოყენების წინ დარწმუნდით, რომ მცენარეს ტუტე მიწა უყვარს. სხვა შემთხვევაში მხოლოდ დააზიანებთ. მაგალითად, აზალია და ხევარდი მჟავე მიწაში კარგად იზრდება. მათთვის ასეთი სასუქი საზიანოა.
ახლა უკვე იცით, თუ რამხელა სარგებელი აქვს კბილის პასტას. მისი დახმარებით მიწას და მცენარეს კალციუმით და ფთორით გაამდიდრებთ. ორივე ძალიან მნიშვნელოვანი ელემენტია, რომელიც ფესვების სისტემის ზრდას ხელს უწყობს და მცენარეს სხვადასხვა დაავადებისგან იცავს. გირჩევთ, მეთოდი თავიდან ერთ–ერთ ოთახის მცენარეზე გამოცადოთ და შეამოწმოთ, თქვენთვის შესაფერისია თუ არა.
