წონის მომატება მარტივი და სასიამოვნოა, მაგრამ ზედმეტ კილოგრამებთან დამშვიდოდება სულ სხვა ისტორიაა. დიეტოლოგების, მწვრთნელების და ექიმების გონება დაკავებულია ფიქრით, თუ როგორ გახადონ ეს პროცესი მაქსიმალურად კომფორტული. ერთ–ერთი საუკეთესო მეთოდი ამერიკელი ბიოქიმიკოსის ბარი სირსის 7 დღიანი დიეტაა.მას დიეტა Zone ან ზონალურ დიეტას უწოდებენ. დაფუძნებულია იმაზე, რომ კალორიების მოცულობა მაქსიმალურად შეამციროს ისე, რომ ორგანიზმმა ყველა სასარგებლო მიკროელემენტი მიიღოს. ბარი სირსმა შეადგინა განსაკუთრებული მენიუ კვირის ყოველი დღისთვის, რომელიც 1 თვემდე შეიძლება დაიცვათ და 4-დან 10 კგ–მდე დაიკლოთ. ყველაფერი ზედმეტ წონაზეა დამოკიდებული.

7 დღიანი ზონალური დიეტა

ცხიმის ფენის წვის გასააქტიურებლად სხვადასხვა მეთოდი არსებობს. დიეტა Zone-ს შემთხვევაში ეს ინსულინის მიმართ მგრძნობელობის გაზრდით მიიღწევა. უხეშად რომ ვთქვათ, მასში ნაკლები შაქარია (მინიმუმი ნახშირწყლები). ასე სისხლში შაქრის რყევები წყდება, ნერვული შიმშილი ქრება და ბიოლოგიური პროცესები იწყება, რომელიც წონის კლებას იწვევს.

ეს ყველაფერი არაა! ბარი სირსი არა მხოლოდ წიგნის ავტორი, არამედ კვალიფიციური ბიოქიმიკოსია. მან ადამიანის ორგანიზმზე დიეტის გავლენა შეისწავლა და შემდეგ დასკვნამდე მივიდა.

წარმატების საიდუმლო ინსულინის და გლუკოგონის სწორ თანაფარდობაშია, რომელიც ნივთიერებათა ცვლას აწესრიგებს და ბიოლოგიურ პროცესებს იწვევს. თავის მხრივ, ასე არა მხოლოდ ზედმეტ წონას მოიშორებთ, არამედ იმუნიტეტს გაზრდით, ფიზიკურ და გონებრივ აქტივობას გააუმჯობესებთ და ქრონიკული დაავადებების განვითარების რისკს შეამცირებთ.

ზოგადად, ზონალური დიეტა წარმოადგენს რეგულარულ კვებას დღეში ხუთჯერადი კვებით. მათგან სამი ძირითადი, ხოლო ორი აუცილებელი წასახემსებელია. გიზიარებთ ბარი სირსის დეტალურ მენიუს ერთ კვირაზე.

დიეტური კვება ერთ კვირაზე

ორშაბათი

• საუზმე: ომლეტი 4 კვერცხის ცილით, 2 ნაჭერი ქატოს პურით, 80 გრ ქიშმიში, ფინჯანი ჩაი ან ყავა უშაქროდ.
• სადილი: თხელი ლავაშის რულეტი კრევეტებით ან კიბორჩხალის ჩხირებით და სალათის ფურცლებით (ლიმონის წვენის მოსხმა არ დაგავიწყდეთ).
• სამხარი: 50 გრ უშაქრო იოგურტი.
• ვახშამი: ორთქლზე მომზადებული კატლეტები.
• წახემსება: 50 გრ მოხარშული ინდაურის ხორცი ან ლორი, 100 გრ მარწყვი ან ჟოლო.

სამშაბათი

• საუზმე: შვრიის ფაფა წყალზე მომზადებული, ფინჯანი ჩაი ან ყავა უშაქროდ.
• სადილი: მცენარეულ ზეთში შემწვარი 170 გრ ქათმის ფილე პომიდვრით და სალათის ფურცლებით, ნაჭერი ხმელი ყველი, ნახევარი ვაშლი და მუჭა კაკალი.
• სამხარი: მწვანე ბარდა, მწვანე ლობიო ან ბროკოლი ზეითუნის ზეთით და ტოფუს ყველით.
• ვახშამი: 150 გრ გამომცხვარი ქათმის ან ინდაურის ხორცი, ისპანახის სალათი ლიმონის წვენით და ზეთით, 100 გრ მარწყვი ან ჟოლო.
• წახემსება: 50 გრ ხმელი ყველი, ატამი და 3 ზეთისხილი.

ოთხშაბათი:

• საუზმე: ხილის სალათი უშაქრო იოგურტით, 80 გრ ქიშმიში, 3 ნიგოზი, ფინჯანი ყავა ან შაი უშაქროდ.
• სადილი: 200 გრ კრევეტი ან კიბორჩხალის ჩხირები სალათის ფურცლებით და ლიმონის წვენით, თხელ ლავაშში გახვეული.
• სამხარი: 50 გრ ხმელი ყველი და 150 გრ ახალი ანანასი.
• ვახშამი: გამომცხვარი თეთრი თევზის ფილე 50 გრ პარმეზანთან და ლიმონის წვენთან ერთად, მოხარშული მწვანე ბოსტნეულის სალათი.
• წახემსება: 50 გრ ინდაურის ხორცი ან ლორი, 80 გრ ქიშმიში, მუჭა კაკალი ან გარგარის ჩირი.

ხუთშაბათი

• საუზმე: 2 ნაჭერი შემწვარი ბეკონი, 50 გრ უშაქრო იოგურტი 50 გრ კენკრასთან ერთად დესერტზე, უშაქრო ჩაი ან ყავა.
• სადილი: 150 გრ გამომცხვარი ქათმის ფილე, სოკოს, ნიახურის და ზეთისხილის სალათი ზეითუნის ზეთით მორთული და ერთი ფორთოხალი დესერტზე.
• სამხარი: ნახევარი ვაშლი და 50 გრ ხმელი ყველი.
• ვახშამი: 150 გრ ღორის ხორცი მდოგვში, თეთრ ღვინოსა და ვაშლში გამომცხვარი, ახალ ბოსტნეულის გარნირთან ერთად.
• წახემსება: 50 გრ იოგურტი და 200 მლ მშრალი წითელი ღვინო.

პარასკევი

• საუზმე: 2 გახუხული პური 4 კვერცხის ცილის კლიარში (კენკრასთან და გახეხილ ნუშთან ერთად), უშაქრო ჩაი ან ყავა.
• სადილი: 150 გრ მოხარშული ქათმის ხორცი, ნიახურის, პომიდვრის, სალათის ფოთლების და ნახევარი ვაშლის სალათი, 1 ნაჭერი ჭვავის პური, 80 გრ ქიშმიში.
• სამხარი: 50 გრ ლორი, 80 გრ ქიშმიში.
• ვახშამი: 180 გრ ძროხის ფარშის ბურთები და რამდენიმე სუფრის კოვზ საფანელთან ერთად, ბროკოლის და ნახევარი ვაშლის გარნირი.
• წახემსება: 50 გრ ლორი, 80 გრ კენკრა და 3 ნიგოზი.

შაბათი

• საუზმე: 150 გრ ლორი პომიდვრით, 1 ხილი არჩევით და უშაქრო ფინჯანი ჩაი ან ყავა.
• სადილი: ქატოს პური ლორით ან ინდაურის ხორცით, სალათის ფურცლებით, 50 გრ ყველი და ნახევარი ფორთოხალი.
• სამხარი: 100 გრ ხმელი ყველი, 150 გრ ანანასი და მუჭა ნუში.
• ვახშამი: 200 გრ ინდაურის ფილე ზეთში შემწვარი მოხარშულ მწვანე ბოსტნეულთან ერთად, ასევე ფინჯანი კენკრა დესერტად.
• წახემსება: 50 გრ ლორი, 80 გრ კენკრა და 3 ზეთისხილი.

კვირა

• საუზმე: ომლეტი 4 კვერცხის ცილით, 2 ნაჭერი ბეკონით, ნაჭერი შავი პურით, ნახევარი გრეიფრუტით, უშაქრო ფინჯანი ჩაი ან ყავა.
• სადილი: 150 გრ მოხარშული ქათმის ხორცი, ნახევარი ბულგარული წიწაკის, ხახვის და კიტრის სალათი ლავაშში, 2 შავქლიავი.
• სამხარი: მოხარშული კვერცხი, ვაშლი და მუჭა ნუში.
• ვახშამი: 200 გრ შემწვარი წითელი თევზი ნივრით, მწვანილით და წითელი წიწაკით.
• წახემსება: 50 გრ ლორი ან მოხარშული ქათმის ხორცი.

თუ სამ თვეში ერთხელ ამ დიეტას ერთი კვირით დაიცავთ, წონას მარტივად გააკონტროლებთ. სადღესასწაულო სუფრების შემდეგ განსაკუთრებით სასარგებლოა! თუ ბევრ კილოგრამთან ბრძოლა გიწევთ, დიეტა ერთი თვე დაიცავით. ეს ცხრილი გონივრულად გამოიყენეთ და გახსოვდეთ, რომ მხოლოდ კვების კონტროლოთ ზედმეტი წონის პრობლემას სამუდამოდ ვერ მოიშორებთ.