სახლში სისუფთავის შენარჩუნება რთული საქმეა. პატარა ბინაც დიდ ძალისხმევას მოითხოვს, მთელ სახლზე არაფერს ვამბობთ. ადრე გენერალური დალაგება მინიმუმ ერთ დღეს, ზოგჯერ ორ დღეს მართმევდა. ახლა რამდენიმე საათში მარტივად ვასრულებ. საქმე სწორად ორგანიზებულ პროცესშია. Vivien გამოცდილი დიასახლისების ხრიკს გიზიარებთ.თქვენმა სახლმა ნახევარ დღეში სისუფთავით რომ იბრწყინოს, სახლის დალაგება რამდენიმე ეტაპად დაყავით. ეს ტექნიკა ენერგიულმა ქერათმიანმა ნაცნობმა მასწავლა, რომელიც ახლა პატარა ქლინინგ კომპანიას მართავს. სისუფთავით ყოველთვის შეპყრობილი იყო, ასე რომ შედეგში არც დავეჭვებულვარ. მეთოდი ერთხელ გამოცადეთ და ყოველდღე გამოიყენებთ.
როგორ დავალაგოთ სახლი სწრაფად
- ყველაფერი უსარგებლო გადაყარეთ – სავარაუდოდ, ბევრ უსარგებლო ხარახურას ინახავთ. კოსმეტიკის და საყოფაცხოვრებო ქიმიის ბოთლებს, თაიგულების ლამაზ შეფუთვას ან რაღაც მსგავსს. ფიქრობთ, რომ ნამდვილად გამოგადგებათ, მაგრამ წლები უსაქმოდ დევს. ეს ნაგავი სინანულის გარეშე მოიშორეთ. აი, ნახავთ, რამდენი ადგილი გამოჩნდება. საკუჭნაოსა და აივანზე შეხედვა არ დაგავიწყდეთ.
- ნივთები თავის ადგილას შეინახეთ – თითოეულ ნივთს სახლში თავისი ადგილი უნდა ჰქონდეს. სიჩქარეში ნივთებს აქეთ–იქით ვყრით, შემდეგ გვავიწყდება და თავის ადგილზე დაბრუნება გვეზარება. ყველა ოთახი მოიარეთ და ნივთები თავის ადგილას შეინახეთ. მომავალში, საჭირო ნივთს სწრაფად იპოვით.
- სანტექნიკა გაწმინდეთ – სახლში სააბაზანო ოთახი ერთ–ერთი ყველაზე ჭუჭყიანი ადგილია. სისველის გამო სოკო ხშირად ჩნდება, ხოლო უნიტაზის რგოლის ქვეშ ბაქტერიების რაოდენობაზე სარეცხი საშუალების რეკლამები ყოველდღე გეუბნებათ. სანტექნიკას ნადები და ჭუჭყი კარგად რომ მოაშოროთ, ქიმიური საშუალება წაუსვით და ცოტა ხნით გააჩერეთ.
- სუფთა ტექსტილი გამოიყენეთ – ყველა თეთრეული და პირსახოცი გამოცვალეთ და დაუყონებლივ სარეცხი მანქანა ჩართეთ. სახლის დალაგების ბოლოს სუფთა ნივთებს მიიღებთ. ეს აუცილებლად იატაკის მოწმენდამდე გააკეთეთ. წინააღმდეგ შემთხვევაში, ზედაპირზე ახალი მტვერი გაჩნდება. დროა, მესამე ეტაპს დაუბრუნდეთ და საქმე ბოლომდე მიიყვანოთ.
- ბატარეა და გამათბობელი მოწყობილობები გაწმინდეთ – დაზამთრებამდე ყველა რადიატორი და ბუხარი უნდა მოაწესრიგოთ. მტვერი მოაშორეთ. ელექტრომოწყობილობა მანამ არ ჩართოთ, სანამ სრულად არ გაშრება.
- ობობის ქსელები მოაშორეთ და მტვერსასრუტით გაწმინდეთ – ხალიჩა, იატაკი და ყველა კუთხე გაწმინდეთ. რთულად მისადგომ ადგილებში საცმები გამოცვალეთ. ხალიჩა მკაცრად ბეწვის მიმართულებით გაწმინდეთ, რომ გარეგნული იერი სწრაფად არ დაკარგოს. ობობის ქსელი შეგიძლიათ ცოცხითაც შეაგროვოთ.
- მტვერი აიღეთ და იატაკი მორეცხეთ – ზედაპირებს მტვერი სჯობს მშრალი ჩვრით და სპეციალური საშუალებით მოაშოროთ. ასე ლაქები და ზოლები არ დარჩება. ჩვარი დაჭუჭყიანების მიხედვით რამდენჯერმე გამოცვალეთ.მას შემდეგ, რაც იატაკიდან მტვერს და ჭუჭყს მტვერსასრუტით აიღებთ, იატაკის საწმენდი წყალი უფრო სუფთა იქნება. იატაკი კარგად რომ მორეცხოთ, ვედროს ცოტა სარეცხი საშუალება დაუმატეთ. პლინთუსები აუცილებლად გაწმინდეთ, ისინი ხშირად გვავიწყდება. ბოლოს ყველა ჩვარი გარეცხეთ და გაამშრალეთ. ასე დიდხანს გემსახურებათ.
ასეთი გენერალური დალაგება ჩვევად უნდა გქონდეთ. თვეში ერთხელ ასე ვალაგებ. ნაკლები საქმე მაქვს და გარშემო სისუფთავე და წესრიგი სუფევს. შემოდგომაზე ყველა ფანჯარა აუცილებლად გაწმინდეთ. თქვენ რა ხრიკებს იყენებთ სახლის სწრაფად დასალაგებლად?
