Vivien გიამბობთ, რით უნდა გამოკვებოთ ჟოლო მოსავლის აღების შემდეგ, რომ მომავალ წელს ამ გემრიელი კენკრის მოსავალი ნამდვილად მიიღოთ.
როგორც კი, ჟოლო ნაყოფიერებას დაასრულებს, მასზე უნდა იზრუნოთ. კერძოდ, ჟოლო აგვისტო–სექტემბერში გამოკვებეთ, რომ ბუჩქი გაძლიერდეს და მომავალ წელს გემრიელი და მსხვილი კენკრის მდიდარი მოსავლით გაგახაროთ. აგვისტოში ჟოლოს ბუჩქში მომავალი წლის ყვავილების კვირტები ფორმირდება.
სწორედ ამ კვირტებიდან მომავალ წელს მოსავალი ვითარდება. ახლა ჟოლოს ბუჩქს კალიუმის და ფოსფორის სასუქი სჭირდება. თუ ბუჩქი უკვე გადაჭერით, შეგიძლიათ აზოტიც მიაწოდოთ. აგვისტოზე გვიან არ მიაწოდოთ. ამ მიზნით ნაკელის გამოყენებას გირჩევთ. კვადრატულ მეტრ ბუჩქზე 10 კგ ნაკელი დაგჭირდებათ.
ამ პერიოდში ჟოლოსთვის საუკეთესო და პოპულარული სასუქია ყველასთვის ცნობილი სუპერფოსფატი. ის ჟოლოს ძალების მოკრეფაში, ასევე სხვადასხვა დაავადების მიმართ წინააღმდეგობის გაზრდაში ეხმარება. დაგჭირდებათ 3 ს/კ სუპერფოსფატი ერთ კვადრატულ მეტრზე. ბევრი მებაღე აგვისტოსა და შემოდგომაზე კალიუმ–მაგნიუმის სასუქს იყენებს.
ასეთი სასუქი მიწის გაფხვიერების დროს დაუმატეთ. მორწყვისას გრანულები კარგად იშლება და ბუჩქებს კვებავს. ცოტა ნაკლები სასუქი დაგჭირდებათ: 2 ს/კ 1 მეტრზე. ამგვარი გამოკვებით ნამდვილად კარგ მოსავალს მიიღებთ. ჟოლო სიცივის მიმართ უფრო გამძლე გახდება, ამიტომ გაყინვის რისკი ბევრად მცირდება.
