ზაფხულის საბოლოო დადგომას დახლებზე მარწყვის პირველი მოსავალი ადასტურებს. პოპულარული კენკრა შეგიძლიათ სუპერმარკეტში მთელი წელი ნახოთ. თუმცა სეზონურთან შედარება შეუძლებელია! განსაკუთრებით სახლის, ახლახანს მოკრეფილი კენკრა ცალკე ნეტარებაა. მზად იყავით, რომ მარწყვში შეიძლება ჭიები შეგხვდეთ.
თუ აუცილებელ ზომებს არ მიიღებთ, სავარაუდოდ, წვნიანი დესერტით პირს მწერები გაიტკბარუნებენ. მარწყვს ბევრი მტერი ჰყავს, მაგრამ კივსიაკი დაუძინებელი მტერია. Vivien გიამბობთ, როგორ დატოვოთ მავნებლები უსადილოდ.
როგორ დავიცვათ მარწყვი ჭიებისგან
საბრძოლველად მტერს სახეში უნდა იცნობდეთ. რა არის კივსიაკი? ეს მრავალფეხიანთა მთელი რიგის სახელია, რომელიც ჭიას ჰგავს. ყველგან გვხდება, ტროპიკულ ზონაში საშიშ ზომებს აღწევს – 28 სმ. კარგია, რომ ჩვენგან მაქსიმუმ 5 სმ სიგრძის არსებობს, მაგრამ ხშირად ახალგაზრდა, 1,5 სმ არსებები გვხდება, რომლებიც გიჟდებიან ჟოლოზე, მარწყვსა და სხვა კენკრაზე..
ბევრი მრავალფეხა რბილობს ადვილად ჭამს, რამდენიმე ცალი ერთად იკრიბება და არხეინად ცხოვრობს. ეს არაფერი, მათი მოშორება ადვილი რომ იყოს. მათი ნარჩენები კენკრას სწრაფად აფუჭებს, უსიამოვნო სუნი ჩნდება. თავად ტოქსინები ალერგიულ რეაქციას იწვევენ.
როგორ ვებრძოლოთ მავნებელს
ბევრი მებაღე ტკაცუნა ხოჭოებს და მახრას უჩივის. ამბობენ, რომ ისინი ყველაზე მზაკვარი მავნებლები არიან. თუმცა კივსიაკიც არა ნაკლებია.
პირველ რიგში, პესტიციდების მიმართ ნაკლებად მგრძნობიარეა. ყველაფერი ძლიერი ქიტინის გარსის წყალობით, რომელიც შხამისგან იცავს. შეიძლება მხოლოდ ლარვები და ახლახანს გამოჩეკილი არსებები დაზიანდნენ.
მეორეც, თავად კივსიაკის ცხოვრების წესიც სირთულეს წარმოადგენს. მიწის დამუშავება დღის პირველ ნახევარში გვიწევს, ხოლო დღისით კივსიაკი თავის საფარში იმალება. გარეთ მხოლოდ წვიმიან ამინდში გამოდის. თუ კივსიაკი თქვენს ნაკვეთზე მომრავლდა, დროა შემდეგ ზომებს მიმართოთ.
- ნაკვეთიდან ყველა დაფა, შიფერის ნაჭერი, მსხვილი ქვა და სხვა ნაგავი მოაშორეთ, რომლებიც მიწაში ტენიანობას ინარჩუნებენ. კივსიაკს სიცხე არ უყვარს და სასიცოცხლო სითხე სჭირდება. ამ მიზეზით მიწა ხშირად უნდა გააფხვიეროთ.
- ძირითადად, ჭიები დაავადებული მცენარის ფესვებით, მცენარეული ნაგვით იკვებებიან. თუმცა კეთილშობილი კულტურის ფესურას და მით უფრო ტკბილ კენკრას არ გამოტოვებს. ნაკვეთიდან სარეველები და მცენარეული ნარჩენები მოიშორეთ.
- კენკრას მიწასთან შეხების უფლება არ მისცეთ. ამაში მულჩირება და მძიმე კენკრიანი ტოტებისთვის საყრდენის გამოყენება დაგეხმარებათ.
- ყველა მარწყვი და სხვა კენკრა დროულად აიღეთ, ნაყოფს მიწაზე დავარდნის და გაფუჭების, ამით მრავალფეხიანთა მოზიდვის საშუალება არ მისცეთ.
- მტრის დანახვისას შეტევაზე გადადით! კივსიაკი დილით ადრე, გვიან საღამოს და წვიმიან ამინდში უნდა შეაგროვოთ. ხელთათმანების გაკეთება არ დაგავიწყდეთ.
- ხაფანგები გააკეთეთ.
რა შეგიძლიათ გამოიყენოთ სატყუარად? პრაქტიკულად ყველაფერი, რისი ჭამაც შეიძლება: კარტოფილის, სტაფილოს ან ვაშლის ნაჭერი. მიწაზე დადეთ, დაელოდეთ, სანამ მას კივსიაკი იპოვის, შემდეგ გაანადგურეთ. ასევე რამდენიმე ნაჭერი შეგიძლიათ განზრახ დატოვოთ, შემდეგ კივსიაკი პირდაპირ მის ქვეშ აიღოთ.
მცირე სანუგეშო პრიზი მათთვის, ვინც კენკრა მაღაზიაში ან ბაზარში იყიდა, მაგრამ ჭიანი აღმოჩნდა. თუ ჭია პატარაა, საკმარისია, კენკრა მარილიან წყალში გააჩეროთ და დაელოდოთ, სანამ მავნებლები ტერიტორიას დატოვებენ. შემდეგ მოსავალი წყლით გარეცხეთ.
კივსიაკი და აგარაკის ცხოვრება შეუთავსებელია. თუ უკვე გამოჩნდნენ, მხოლოდ მარწყვს არ დასჯერდებიან. მათ აინტერესებთ კარტოფილი, ბოლოკი, სტაფილო, ჭარხალი, კიტრი, პომიდორი, ნესვი, ბარდა! მოკლედ, ყველაფერი. ვიმედოვნებთ, რომ ეს რჩევები უსიამოვნო მეზობლების დამარცხებაში დაგეხმარებათ. ბრძოლის თქვენეული მეთოდები გაგვიზიარეთ.
