მარწყვი, როგორც ნებისმიერი ნაყოფიერი მცენარე, ყვავილობის პერიოდში გამოკვებას მოითხოვს. სასუქი არა მხოლოდ კენკრის რაოდენობას გაზრდის, არამედ მის გემოს გააუმჯობესებს. Vivien გირჩევთ, რომ მარწყვის უხვი მოსავლის მისაღებად ყვავილობის პერიოდში მარტივი, მაგრამ ეფექტური სასუქები გამოიყენოთ.
ნაცარი
ნაცარი შეიცავს ფოსფორს, კალიუმს და კალციუმს, რომლებიც ნაყოფის ფორმირების ხელს უწყობენ. სველ კლიმატში სასუქი მშრალი სახით მიაწოდეთ. წვიმების წინ თითოეულ მარწყვის ბუჩქს 1 მუჭა საშუალება დაუმატეთ.
თუ ნალექი მოსალოდნელი არაა, თხელი სასუქი მოამზადეთ. 1 ჭიქა ხის ნაცარს 1 ვედრო დაყენებული წყალი დაასხით. მთელი ღამე დააყენეთ. დილით მარწყვის ნაკვეთის თითოეული კვადრატი მიწა 1 ლ ნაცრის ხსნარით მორწყეთ.
საფუარი
საფუარი შეიცავს აზოტს, კალიუმს, ფოსფორს, ცილებს და ამინომჟავებს. მცენარეს ნიადაგიდან მკვებავი ნივთიერებების ათვისებაში ეხმარება, რაც ყვავილების და ნასკვების რაოდენობას ზრდის.
უმი საფუარის გამოყენების შემთხვევაში 100 გრ ნივთიერებას 10 ლ თბილი წყალი დაასხით. ხსნარს თავსახური დაახურეთ და მთელი ღამე გააჩერეთ. თბილ ამინდში თითოეული ბუჩქის ქვეშ 0,5 ლ თხევადი სასუქი დაასხით.
თუ მშრალ საფუარს იყენებთ, 10 გრ ნივთიერებას 1 ლ თბილი წყალი დაასხით, 2 ს/კ შაქრის ფხვნილი დაუმატეთ. მინიმუმ 3 საათით დააყენეთ. შემდეგ კონცენტრირებული ხსნარი წყალში 1:10 თანაფარდობით გააზავეთ და ნიადაგი ფესვების ქვეშ მორწყეთ.
ნიშადურის სპირტი
ნიშადური ახალგაზრდა ყლორტებს აძლიერებს და ყველა შესაძლო მავნებელს ანადგურებს: სოკო, ბუგრი, მაისის ხოჭოს ლარვა და სხვები. უკვე მესამე გამოყენების შემდეგ მარწყვი ავადმყოფობას შეწყვეტს და უხვად აყვავილდება.
სასუქის მოსამზადებლად 40 მლ ნიშადურის სპირტი 10 ლ დაყენებულ წყალში გააზავეთ. ეფექტურობის გასაზრდელად 50 გრ გახეხილი დიასახლისის საპონი დაუმატეთ და კარგად აურიეთ. მიღებული ხსნარით მარწყვის ბუჩქები ბაღის სარწყავით მორწყეთ.
იოდი
იოდი სოკოს გამომწვევ პათოგენებს, ბუგრებს, ჭიებს, მუხლუხოებს და ხოჭოების ლარვებს ანადგურებს. მცენარეს ყვავილობის და ნასკვების ფორმირების პერიოდში მხარს უჭერს.
თხევადი სასუქის მოსამზადებლად 10 წვეთი სააფთიაქო იოდი 10 ლ დაყენებულ წყალში გააზავეთ. 1 ჭიქა ხის ნაცარი დაუმატეთ და კარგად აურიეთ. მიღებული ხსნარით მარწყვის ბუჩქები 1,5 კვირის ინტერვალით საღამოს მორწყეთ.
ჭინჭარი
ჭინჭარი შეიცავს კალიუმს, კალციუმს, რკინას და მანგანუმს. ფესვების სისტემის გაძლიერებას, ნიადაგიდან მკვებავი ნივთიერებების ათვისებას ხელს უწყობს, რაც მოსავლიანობას ზრდის.
1 ვედრო ჭინჭრის დაქუცმაცებულ ფოთლებს და ღეროებს ანალოგიური მოცულობის წყალი დაასხით. 2 კვირა ბნელ ადგილას გააჩერეთ. ამის შემდეგ კონცენტრირებული საშუალება 1:10 თანაფარდობით გააზავეთ და ბუჩქები მორწყეთ.
