ბევრ დამწყებ მებოსტნეს აინტერესებს, თუ რა ჩადოს ორმოში კიტრის ნერგის დარგვის დროს. სათბურში ამ კულტურის დარგვას შუა მაისში გვირჩევენ. ამ მომენტისთვის მცენარეს ნამდვილი ფოთლები უვითარდება.
შუა აპრილში რამდენიმე პოპულარული ჰიბრიდი ნერგების მისაღებად დავრგე. ესაა „ზიატეკ F1”, „კონნი F1” და „გირლიანდა F1”. ისინი ნაადრევი სწრაფად დამწიფების და უხვი მოსავლის კიტრის ჯიშებს მიეკუთვნებიან. ივნისიდან სექტემბრამდე მოსავალს იძლევა.
პირობები კიტრის ნერგის დასარგავად
კიტრის ნერგი სათბურში რომ დარგოთ, მიწის ტემპერატურა +17 გრადუსზე დაბალი არ უნდა იყოს. ეს სითბოს მოყვარული კულტურაა, რომელიც ცივ მიწას ვერ იტანს.
რა ჩავდოთ ორმოში კიტრის დარგვისას
ბებია ორმოს ძირში ყოველთვის ყრიდა ცოტა დაქუცმაცებულ ჭინჭარს, რომელიც ნაკვეთზე იზრდებოდა. ოჯახური ტრადიცით მეც ასე ვაკეთებ. როცა მცენარე მიწაში ლპობას იწყებს, კიტრს კვებავს და სითბოს აწვდის, რომელიც მცენარეს ასე ძალიან უყვარს.
ორმოს ძირში ვდებ ძაფს ან თოკს, რომელზეც კიტრი მომავალში დამაგრდება. ორმოში ასევე ვყრი 1 ს/კ ცარცს ან დოლომიტის ფქვილს (იგივე კირი).
ასევე ვამატებ 1–2 ს/კ ხის ნაცარს, რომელსაც მიწას ან კომპოსტს ვურევ. სხვა არაფერს არ ვდებ, რადგან შემოდგომაზე სათბურის დაბარვისას მიწაში ნეშომპალა დავამატე. თან სექტემბერში სიდერატები (მდოგვი) დავრგე.
ინგრედიენტების დამატების შემდეგ ორმოს თბილი წყლით კარგად ვრწყავ და ნერგებს ვრგავ. თოკს ღეროს გარშემო ვახვევ. მომავალში კიტრის დასამაგრებლად გამოვიყენებ.
კიტრის ფორმირების სქემა თაიგულის ტიპის ყვავილობისთვის
ვინაიდან ავირჩიე კიტრის ჰიბრიდები 4-6 ნასკვით კვანძში, კიტრის ლიანების ფორმირების თავისებურებები არსებობს, რომ კარგი მოსავალი მივიღოთ.
- 0 ზონა. პირველი 3-4 ფოთლის სინუსებში დაბრმავებას ვაკეთებ (ყლორტების და ნასკვების მოშორება). ფოთოლს ვტოვებ, ხელს არ ვახლებ.
- 1 ზონა. ამის შემდეგ მცენარეს ერთ ღეროზე ვტოვებ. მთელ სიგრძეზე მთავარ ღეროს გვერდითა ყლორტების ჩანასახებს ვაშორებ. ნასკვებს ვტოვებ.
- 2 ზონა. როცა მთავარი ღერო მავთულის დონეს მიაღწევს, მის ირგვლივ ვახვევ. მეზობელ კიტრის ლიანებთან მიახლოებისას ვჭრი. ყველა გვერდითა ყლორტს ვაშორებ.
