ნებისმიერი ფიზიკური აქტივობის დროს ფეხები და ზურგი სხეულის ყველაზე მნიშვნელოვანი ნაწილებია, რადგან ისინი ჩვენს თითოეულ მოძრაობას მხარს უჭერენ.
წერტილოვანი მასაჟი ძველი ჩინური მედიცინის ნაწილი ჯერ კიდევ 5000 წლის წინ იყო. სხეულის გარკვეულ წერტილებზე ზეწოლა სტრესს აქრობს, სხვადასხვა ორგანოების მუშაობას სტიმულირებს და ჯანმრთელობასთან დაკავშირებულ გარკვეულ პრობლემებს კურნავს.
ის იმავე პრინციპით მოქმედება, როგორც აკუპუნქტურა (ნემსით ჩხვლეტა), მაგრამ აქ, ნემსების ნაცვლად ჩვენს თითებს ვიყენებთ.
Vivien–ი გთავაზობთ 5 ვარჯიშს, რომელთა დახმარებით ტკივილის თავიდან აცილებას, ფეხების გაძლიერებას და ხერხემლის მდგომარეობის გაუმჯობესებას შეძლებთ.
1. ფეხის თითებზე დაჭერა
ნებისმიერი ვარჯიშის დაწყების წინ ფეხების კუნთები გაახურეთ. ფეხების გასათბობად და მოსადუნებლად საუკეთესო მეთოდი – ფეხების თითების მოჭერა.
ფეხები მუხლებში ფრთხილად მოხარეთ და ფეხის თითებზე გადადით.
ამ პოზაში სამ დათვლამდე გაჩერდით. ვარჯიში დღეში 3–ჯერ (თითო წრე 10–ჯერ) შეასრულეთ.
2. ფეხის თითებზე სიარული
ამ ვარჯიშის შესრულებას მაშინაც შეძლებთ, თუ ბალერინა არ ხართ. ფეხის თითებზე სიარული ფეხის კუნთებს და იოგებს გააძლიერებს.
ამის გაკეთება ძალიან მარტივია. თითის წვერებზე დადექით და 20 წამით წინ იარეთ.
შემდეგ 10–15 წამი დაისვენეთ და ვარჯიში 5–ჯერ ან მეტჯერ გაიმეორეთ. საუკეთესო შედეგის მისაღწევად დღეში 2–ჯერ გაიმეორეთ.
3. ვაძლიერებთ კოჭებს
კოჭების მოქნილობის და მოძრაობის შენარჩუნება ძალიან მნიშვნელოვანია. როგორც წესი, სხეულის გადატვირთვა კოჭების შეკუმშვის და შეზღუდვის შედეგია, რაც კუნთებსა და სახსრებში ტკივილს იწვევს. ასევე ზურგში, ბარძაყებსა და მუხლებში ტკივილი კოჭების პრობლემებს უკავშირდება.
ზურგზე დაწექით და ერთი ფეხი ასწიეთ. შემდეგ კოჭი საათის ისრის მიმართულებით აბრუნეთ და 10–მდე დაითვალეთ. ფეხი შეცვალეთ და ვარჯიში გაიმეორეთ.
4. მოღუნვის წინააღმდეგობა
ამ ვარჯიშის მიზანია პატარა კუნთები ფეხებზე, რომლებიც ბალანსის შენარჩუნებაზე არიან პასუხისმგებელნი. ვარჯიში კუნთების დაჭიმვასა და დაზიანების თავიდან აცილებაში დაგეხმარებათ.
იატაკზე დაჯექით, ფეხები თქვენ წინ გაშალეთ. ტერფებზე პირსახოცი დაიდეთ და ორივე ხელით პირსახოცის ბოლოები დაიჭირეთ.
ნელ–ნელა პირსახოცი თქვენკენ მოწიეთ, ტერფების კუნთებით 5 წამით წინააღმდეგობა გაუწიეთ. მინიმუმ 10–ჯერ გაიმეორეთ.
5. ფეხის თითებით ფანქრის აწევა
ვარჯიში უმარტივესია. ფანქარი იატაკზე დადეთ და აიღეთ. 10 წამით დაიკავეთ და შემდეგ გაუშვით.
თითოეულ ფეხზე 5-ჯერ გაიმეორეთ.
