ყველამ იცის, თუ რამდენად მნიშვნელოვანია ვიტამინები და მიკროელემენტები ჩვენი ორგანიზმისთვის. ექიმები განსაკუთრებულად გამოარჩევენ კალციუმს, რადგან ეს შეუცვლელი ელემენტია ქალის ორგანიზმის ნორმალური ფუნქციონირებისთვის. მისი დეფიციტი უარყოფითად აისახება ორგანიზმის ზოგიერთ ფუნქციაზე. როგორ ავიცილოთ თავიდან ასეთი პროცესი?

ახლა კალციუმის შესახებ იმდენს საუბრობენ, რომ რთულია იმის გაგება, თუ რომელია სიმართლე და რომელი – ბანალური რეკლამა. მთელმა ამ ინფორმაციამ ქალბატონები დააბნია და წარმოშო უამრავი მითი კალციუმის გარშემო. დღეს ჩვენი რედაქცია მოგიყვებათ ამ მიკროელემენტის თვისებების, დეფიციტისა და მისი აღკვეთის შესახებ.

როგორ მივიღოთ კალციუმი

კალციუმი – ერთ-ერთ ყველაზე მნიშვნელოვანი ელემენტია, რომელიც ჩვენ მთელი ორგანიზმის ნორმალური ფუნქციონირებისთვის გვჭირდება. იგი აუცილებელია მყარი ძვლებისა და კბილებისთვის, თუმცა, მისი თვისებები მხოლოდ ამით არ შემოიფარგლება. კალციუმი არეგულირებს კუნთების კუმშვას, პასუხს აგებს სისხლძარღვების შევიწროება/გაფართოებასა და გულ-სისხლძარღვთა სისტემის სტაბილურ ფუნქციონირებაზე.

რამდენი კალციუმი გვჭირდება, დეფიციტი რომ ავიცილოთ თავიდან? ზრდასრულებს დღეში დაახლოებით 1000მგ ელემენტი ესაჭიროება, 8 წლამდე ბავშვებს – 800მგ, ხოლო 9-18 წლამდე მოზარდებს 1300 მგ. უფრო მეტი მიკროელემენტი სჭირდებათ ფეხმძიმეებსა და მეძუძურ დედებს(2000 მგ დღეში).

ბევრი ქალია შეპყრობილი კალციუმის უკმარისობით, რადგან იციან, თუ რამდენად ნეგატიურად ისახება მისი დეფიციტი ორგანიზმზე. ამიტომ, იწყებენ კალციუმის მიღებას დიდი რაოდენობით. თუმცა, კალციუმის ჭარბი რაოდენობით მიღება არამხოლოდ აძლიერებს ძვლებს, არამედ იწვევს ელემენტის დაგროვებას ორგანოებსა და ქსოვილებში, რასაც დიდი უსიამოვნებები შეიძლება მოჰყვეს.

კალციუმის გარეშე ჩვენ ნამდვილად ვერ ვიცოცხლებთ, თუმცა იგი დეფიციტური ნივთიერება სულაც არაა. ეს იმას ნიშნავს, რომ მისი მიღება ჩვენი ყოველდღიური რაციონიდან შეიძლება, თუ სწორად ვიკვებებით. პრობლემა მდგომარეობს კალციუმის ათვისების უნარის დაქვეითებაში. სწორედ ამიტომ აღინიშნება კალციუმის დეფიციტი უფრო ხშირად, ვიდრე სხვა მინერალებისა.

ითვლება, რომ ამის გამო ოსტეოპოროზი ჩნდება(დაავადება, რომლის დროსაც ძვლის სიმკვრივე იკლებს, უფრო მყიფე ხდება). აქ ვაწყდებით პირველ მითს: ოსტეოპოროზი პოლიეტიოლოგიური დაავადებაა, ანუ მას შეიძლება უამრავი რამ იწვევდეს.

ამ დაავადების გამოწვევა შეუძლია ჰორმონალურ დარღვევებს, გენეტიკურ და ასაკობრივ ფაქტორებს, ასევე, სისხლისა და საჭმლის მონელების დაავადებებს. ეს იმას ნიშნავს, რომ თავს ოსტეოპოროზისგან ვერც დაიცავთ და ვერც გაითავისუფლებთ კალციუმის მიღებით, რადგან თუ მას ჩვენი კუჭი ვერ ითვისებს, მიკროელემენტი ძვლებამდე ვერასდროს მიაღწევს.

მეორე მითი: კალციუმის დეფიციტის შევსება აბებით შეუძლებელია. კი, აბები აუმჯობესებს კალციუმის ათვისებას, თუმცა ეს არც იმდენად კარგია, რამდენადაც გეჩვენებათ. თუ ადამიანი კალციუმს ექიმის დანიშნულებითა და შესაფერისი ჩვენებებით არ იღებს, არსებობს რისკი, დეფიციტი სიჭარბედ აქციოთ.

ეს მოვლენა კი თირკმლების ფუნქციონირებას ართულებს. ჭარბი კალციუმი სისხლძარღვების კედლებზე გროვდება, ანელებს სისხლის დინებას. სწორედ ამიტომ, არ მიიღოთ კალციუმის აბები ექიმთან კონსულტაციის გაეშე.

კიდევ ერთი მითი კალციუმის შესახებ ირწუნება, რომ იგი უკეთ აითვისება D ვიტამინთან ერთად. თუმცა, საჭიროა თუ არა ამ ვიტამინის მიღება? ჩვენი ქვეყნის მაცხოვრებლებისთვის საკმარისია მზის სხივები, რომელსაც ვიღებთ წლის განმავლობაში. იგი საკმარისია კალციუმის ათვისებისთვისაც, ამიტომ დამატებით ვიტამინის მიღება საჭირო არაა.

მართალია, კალციუმი უკეთ აითვისება D ვიტამინთან ერთად, თუმცა ამ დანამატის მიღება ნამდვილად არაა სასურველი, რადგან იგი ერთადერთი ვიტამინია,  რომლის ჭარბი მიღებაც სერიოზულ, მწვავე შედეგებს იწვევს.

ყველა ამ მითს შეუძლია ადამიანის ვნება, ამიტომ, სიფრთხილე გმართებთ.

თვითონ კალციუმის დეფიციტი კი მითი არ გახლავთ – ეს რეალური პრობლემაა, რომელიც საკმაოდ ხშირად ჩნდება. მისი, როგორც სხვა დანარჩენი უსიამოვნებების, პროფილაქტიკა გაცილებით მარტივია, ვიდრე მკურნალობა. თუმცა, პროფილაქტიკა არა აბებით, არამედ რაციონის შეცვლით უნდა მოხდეს.

რომელი პროდუქტი შეიცავს ამ მიკროელემენტს? ყველაზე მარტივად ათვისებად კალციუმს შეიცავს – რძე, რძის და რძემჟავის პროდუქტი, ზღვის და მდინარის თევზი. კალციუმის საუკეთესოდ ათვისებისთვის საჭიროა ფოსფორი და მაგნიუმი, რომლებსაც შეიცავს თევზი, პარკოსნები, კაკაო და მარცვლეულის პური.

ასევე, კალციუმის მიღება შეიძლება ლობიოს, ბარდის, ოსპის, ისპანახისა და კომბოსტოს ნებისმიერი სახეობისგან. მას საკმაოდ დიდი რაოდენობით შეიცავს გოგრა, ასკილი და თხილის ნებისმიერი სახეობა.

როგორც ხედავთ, არჩევანი დიდია. ნუ გამოიწვევთ კალციუმის დეფიციტს – შეცვალეთ ცხოვრების წესი და იკვებეთ სწორად თქვენივე ჯანმრთელობისთვის.