ფუმფულა ფუნთუშები შიგთავსით: სასარგებლო და საყვარელი ნამცხვარი მთელი ოჯახისთვის

0
2641

შინ გამომცხვარი ფუნთუშები უგემრიელესი და, რაც მთავარია, ნატურალური ტკბილეულია, რომელიც ნებისმიერ ჩაის სმას უხდება. რა თქმა უნდა, შეიძლება წინასწარ მაღაზიაში წახვიდეთ და ორცხობილები შეიძინოთ, თუმცა, თუნდაც ყველაზე ძვირადღირებული ნაყიდი ნამცხვარი შეედრება არომატულ, ფუმფულა, ჯერ კიდევ თბილ ფუნთუშას, რომელიც სახლში გამოაცხვეთ?

დღეს ჩვენი რედაქცია გაგაცნობთ საფუვრიანი ცომის ფუნთუშების რეცეპტს შიგთავსით. ამ რეცეპტს დამწყები კულინარიც გაუმკლავდება, ხოლო შედეგი სასიამოვნოდ გააოცებს მთელ ოჯახსა და ძვირფას სტუმრებსაც კი.

ბევრი დიასახლისი ერიდება საფუვრიანი ცომის გამოყენებას, თუმცა, აქ არაფერია რთული. სამაგიეროდ, ცომი ფუმფულა და ნაზი გამოვა, შედეგად – ფუნთუშების ჭამა ერთი სიამოვნება იქნება. მთავარია, დაელოდეთ სტუმრებს და ყველაფერი მარტომ არ შთანთქოთ.

ინგრედიენტები

  • 3-4 ჭიქა ფქვილი
  • 1 ჭიქა რძე
  • 50 მლ ზეთი
  • 2 კვერცხი
  • 1 ს.კ. შაქარი
  • 1 ჩ.კ. მარილი
  • 10 გ მშრალი საფუარი
  • ცოტაოდენი ხაჭო შიგთავსისთვის

მომზადება

1. შესაფერის ჭურჭელში ჩაასხით რძე, ზეთი და დაუმატეთ მარილი, შაქარი, 2 კვერცხის ცილა და 1 გული. 1 კვერცხის გული შეინახეთ ფუნთუშებზე წასასმელად. კარგად მოურიეთ.

2. დაუმატეთ ფქვილის ნაწილი და საფუარი. ისევ კარგად მოურიეთ და დაუმატეთ დარჩენილი ფქვილი. ზილეთ ცომი 10 წუთის განმავლობაში, მკვრივი და ელასტიური მასის მიღებამდე.

3 ცომისგან თავისუფალ ჭურჭელს წაუსვით ზეთი და მოათავსეთ მასში ცომი, დაახურეთ პირსახოცი 1 საათით. ამ დროში ცომი ზომაში დაახლოებით ორჯერ მოიმატებს.

4. დაჭყლიტეთ ცომი, ზედმეტი ჰაერი რომ ამოვიდეს. გააკეთეთ ფუნთუშები.

5. რაც შეეხება შიგთავსს, თურქული ფუნთუშებისთვის იღებენ უმარილო, ადგილობრიბვ ხაჭოს – ლორ ფეინირს. თუმცა, სურვილისამებრ, ურთეთ ფუნთუშებს ჩვეულებრივი ხაჭო. ტკბილი ფუნთუშებისთვის ცომს 2-2.5-ჯერ მეტი შაქარი უნდა დაუმატოთ.

6. დააბრტყელეთ მომზადებული ბურთულები, მოათავსეთ მათ გულებში შიგთავსი, შეაწებეთ კიდეები ზემოდან და დაამრგვალეთ.

7. შიგთავსიანი ფუნთუშები მოათავსეთ პერგამენტიან ფორმაზე. დატოვეთ მათ შორის სივრცე, რადგან ცხობისას ფუნთუშები ზომაში მოიმატებს. დაახურეთ პირსახოცი და გააჩერეთ სითბოში კიდევ 15 წუთით.

8. როცა ფუნთუშები ცოტათი წამოიზრდება, წაუსვით 1 ჩ.კ. ზეთთან შერეული კვერცხის გული.

9. აცხვეთ ფუნთუშა 180 გრადუსზე გახურებულ ღუმელში 20-25 წუთით.

თურქული ფუნთუშები ძალიან უხდება აირანსაც და ჩაისაც. მთავარია, ისინი თბილი მიირთვათ – გამოცხობისთანავე დაახურეთ პირსახოცი. გემრიელად მიირთვით!

პასუხის გაცემა

დაწერეთ კომენტარი
გთხოვთ ჩაწერეთ თქვენი სახელი