ადამიანთა უმრავლესობა მუშაობს ან რაღაც თავისი საქმითაა დაკავებული. თუმცა, რატომღაც ერთნი დიდ სიმაღლეებს აღწევენ, ხოლო მეორენი მთელი ცხოვრება დაქირავებული მომუშავეა. ასტროლოგები ირწმუნებიან, რომ ყველაფერს ვარსკვლავები წყვეტენ. არსებობს ზოდიაქოს 4 იშანი, რომლებსაც განსაკუთრებული მიზანდასახულობა და ხასიათის ყველა ის თვისება ახასიათებთ, რომლებიც ლიდერებისთვისაა ზედგამოჭრილი.

დღეს ჩვენი რედაქცია მოგიყვებათ, თუ ზოდიაქოს რომელ ნიშნებს უწერიათ ძალაუფლების მოხვეჭა. ამბობენ, რომ სწორედ ისინი, ხშირ შემთხვევაში, იკავებენ მთავარ თანამდებობებს ან იხვეჭენ სახელს.

ლიდერის თვისებები

1. ვერძი

ვერძი ძალიან ჯიუტია და ყოველთვის გააჩნია საკუთარი აზრი. ენერგია და ცხოვრებისეული ძალა მას საკმარისზე მეტი აქვს, ამიტომ, ამ ნიშნის წარმომადგენლებს უყვართ ავანტურა და რისკი. ვერძის ძირითადი უპირატესობა მდგომარეობს მის უნარში, მართოს და არაფრის ეშინოდეს.

თავისი ბუნებით, ვერძი დაბადებით ლიდერია, რომელსაც შეუძლია ბრბოს აყოლიება და გადაწყვეტილების მიღება ყველაზე სტრესულ სიტუაციებში. თუმცა, მაღალი თავდაჯერებულობის გამო, მას ხშირად ჰყავს ბევრი მტერი და მოშურნე.

ცნობილი პიროვნებები: ლეონარდო და ვინჩი, ადოლფ ჰიტლერი, კვენტინ ტარანტინო, ალა პუგაჩოვა, ჩარლზ ჩაპლინი.

2. მორიელი

ამ ნიშნის წარმომადგენელი ძალიან საშიში, ამპარტავანი და მომთხოვნია. მას უყვარს თამაში: მიზნის მისაღწევად ნებისმიერ მეთოდსა და ხერხს მიმართავს. ძალიან ცბიერი და ქარიზმატულია, თუმცა, ამავდროულად, გონიერი და ცივსისხლიანი.

ეს უბრალოდ თვისებების შესანიშნავი ნაკრებია მთავარი პოზიციების დასაკავებლად ადამიანებთან ურთიერთობის საკითხებში. თუმცა, გარდა ამისა, მორიელი შრომისმოყვარეცაა და შეუძლია კარგი ურთიერთობის შენარჩუნება საჭირო ადამიანებთან. სიმტკიცე და მიზანდასახულობა – მორიელთა ყველაზე ძლიერი თვისებებია.

ცნობილი პიროვნებები: ლეონარდო დი კაპრიო, ბილ გეითსი, ჯულია რობერტსი, პაბლო პიკასო.

3. კირჩხიბი

კირჩხიბი ყველას ძალიან მგრძნობიარე და კეთილ ადამიანად მიაჩნია. თუმცა, რეალურად, ეს ძალიან ძლიერი და ამბიციური პიროვნებაა. იგი ყოველთვის ცდილობს ყოველმხრივ განვითარებას. კირჩხიბის გულისხმიერება და ადამიანის ფსიქოლოგიის გაგება ეხმარება მას, აირჩიოს საიმედო და სასარგებლო მეგობრები, რომლებიც, მომავალში, მასვე ეხმარებიან სიმაღლეების მიღწევაში.

ასევე, კირჩხიბი შესანიშნავ მანიპულატორადაც ითვლება. მისი ძლიერი მხარეა თავდაჯერებულობა და პერფექციონიზმი.

ცნობილი პიროვნებები: გაიუს იულიუს კეისარი, ჯორჯო არმანი, ჯორჯ უოკერ ბუში, მაიკ ტაისონი, უელსის პრინცესა დიენა.

4. ლომი

და, რაღა თქმა უნდა, ლომი – ეს ხომ ცხოველთა მეფეა. ამ ნიშნის წარმომადგენლებს ძალაუფლება სისხლში აქვთ, ისინი უკვე ლიდერებად იბადებიან. უყვართ გამორჩევა, სხვებზე უკეთესობა კი მათთვის სასიცოცხლოდ აუცილებელია. ლომი მუდმივად დომინირებს, რადგან ქცევის სხვა მანერას იგი უბრალოდ არ აღიარებს.

ამ ნიშნის წარმომადგენელი ამაყი და ამპარტავანია, თავისი მიზნის მისაღწევად კი სხვებსაც გადააბიჯებს. ძლიერი თვისებებია ქარიზმატულობა და სიმტკიცე.

ცნობილი პიროვნებები: ნაპოლეონ ბონაპარტი, ბენიტო მუსოლინი, არნოლდ შვარცნეგერი, ბარაკ ობამა, კოკო შანელი, ვიტნი ჰიუსტონი.

ეთანხმებით ასეთ დახასიათებებს? იპოვეთ თქვენი თავი სიაში?