საახალწლო სალათების გარეშე, როგორიცაა ოლივიე, მიმოზა და ქაშაყი შუბაში, საახალწლო მაგიდა რთული წარმოსადგენია. მაგრამ მხოლოდ ტრადიციული სალათების ნაკრებით შემოფარგვლა აუცილებელი არაა. თითოეულ დიასახლისს ხომ სტუმრების რაღაც უჩვეულო და ამასთან მართლაც სადღესასწაულო კერძით გაოცება სურს.
მომავალი წელი რომ კარგად გაატარო, მიწის ყვითელი ღორის სიმბოლოს მიმართ პატივისცემა უნდა გამოხატოთ. განსაკუთრებით სადღესასწაულო სუფრის შედგენის დროს.
პირველ რიგში მაგიდის გაფორმებაზე იფიქრეთ. მასში ყვითელი ფერი უნდა ჭარბობდეს. შეგიძლიათ ყვითელი გადასაფარებელი, ან ყველაზე მარტივი ყვითელი ხელსახოცები, სანთლები შეიძინოთ. ღორის ყველა სურვილი და აკრძალვა უნდა გაითვალისწინოთ.
საინტერესო სალათები ახალ 2019 წელს
ძაღლის წელს ვემშვიდობებით! მიწის ძაღლის მიმართ ყურადღების გამოხატვის ნიშანი მისი გამოსახულების გემრიელი და ლამაზი კერძი გახდება. მრავალფენიანი სალათა საინტერესო ძაღლის სახის ფორმაში თეფშზე პირდაპირ პორციობით იდება.
საახალწლო სალათი „ძაღლუკა“
ინგრედიენტები:
- 3-4 კარტოფილი
- 2 კვერცხი (კარგად მოხარშული)
- ნახევარი ხახვი
- 150 გრ მოხარშული ძეხვი
- 100 გრ კიტრის მარინადი
- 100 გრ მაიონეზი
- 3 ზეთისხილი
- მარილი და წიწაკა გემოვნებით
- ოხრახუში მოსართავად
მომზადება:
1.მოხარშულ და გაგრილებულ კარტოფილს კანი მოაცალეთ. წვრილად გახეხეთ.
2.ფართო თეფშზე საბაზო ნიმუშის ფორმა გააკეთეთ. ამისთვის ცენტრში ვერტიკალური ოვალის ქვემოთ გაფართოებული (მსხლის ფორმის მსგავსად) კარტოფილი მოათავსეთ, გვერდებზე კი ყურის ფორმები გაუკეთეთ. ფორმის გასაკეთებლად ხის ჩხირები გამოიყენეთ – მათი გამოყენებით ფორმების მიღება და ზედმეტის მოშორება მარტივია.
3.მაიონეზი წაუსვით, მარილი და წიწაკა მოაყარეთ.
4.წვრილად დაჭრილი ხახვი მოაყარეთ და მთელ ზედაპირზე თანაბრად გადაანაწილეთ.
5.მოხარშული ძეხვის (ა მოხარშული ხორცის, შებოლილი) ფენა დაადეთ. კვლავ მაიონეზი წაუსვით. მარილი და წიწაკა მოაყარეთ.
6.მაიონეზის ზემოთ ხრაშუნა კიტრის ფენა დაადეთ, პატარა სამზარეულოს ნიჩბით მაიონეზი წაუსვით და მომდევნო ინგრედიენტისთვის, კვერცხისთვის, ოდნავ წებოვანი ზედაპირი შექმენით.
7.ცილა და კვერცხი დააცალკევეთ, ცენტრალური ნაწილი გულით ამოავსეთ, „ყურები“ და „ცხვირ-პირი“ ცილით.
8.ზეთისხილისგან „თვალები“ და „ცხვირი“ გააკეთეთ და ძეხვისგან „წარბები“ და „ენა“.
9.თეფში ოხრახუშის ფოთლებით მორთეთ. სუფრაზე გატანამდე მაცივარში შეინახეთ.
სალათი „ანანასი“
სალათი „ანანასი“ – საახალწლო სუფრის შესანიშნავი გაფორმება იქნება. მისი მომზადება სირთულეს არ წარმოადგენს, ხოლო გასაფორმებლად განსაკუთრებული უნარების ცოდნა აუცილებელი არაა. სალათი ლამაზი, გემო კი უჩვეულოდ პიკანტური გამოვა.
ინგრედიენტები:
- 600 გრ ახალი ქამა სოკო
- 1 ქილა დამარინადებული ქამა სოკო
- 2 ხახვი
- 400 გრ ლორი
- 1 ქილა დაკონსერვებული ანანასი
- 200 გრ მაიონეზი
- 1 კონა მწვანე ხახვი
- მარილი გემოვნებით
- მცენარეული ზეთი
მომზადება:
1.ახალი ქამა სოკო მცირე ზომის ნაჭრებად დაჭერით. 12 წუთით საშუალო ცეცხლზე შეწვით. მარილი გემოვნებით მოაყარეთ.
2.ხახვი წვრილად დაჭერით და ოქროსფერის მიღებამდე შეწვით.
3.ლორი თხელ ფენებად დაჭერით.
4.ანანასი კუბებად წვრილად დაჭერით.
5.ფართო ოვალის ფორმის თეფშზე სალათის ფენები შემდეგნაირად დააწყვეთ: შემწვარი სოკო, ხახვი, მაიონეზი, ლორი, ანანასი, მაიონეზი, ლორი, მაიონეზი.
6.დამარინადებული სოკო თხელ ფენებად დაჭერით. სალათის ზედა ფენა მწვანე ხახვით და დაწნული სოკოთი (ანანასის ფორმის მსგავსი გააკეთეთ) უნდა გააფორმოთ.
7.მზა კერძი მაცივარში 2 საათით შეინახეთ, სანამ მაგიდაზე გაიტანთ.
დიეტური კიბორჩხალას სალათი
კიბორჩხალას ჩხირების სალათას ბევრი მაიონეზით და კარტოფილით ამზადებს, ასე კი ცხიმიანი და კალორიული გამოდის. გთავაზობთ ჩვენი რეცეპტის გამოყენებას, რომ ნამდვილად დიეტური კერძი მიიღოთ.
ინგრედიენტები:
- 0,5 ავოკადო
- 2-3 კიბორჩხალას ჩხირი (უმჯობესია ნატურალური კიბორჩხალას ხორცი)
- 1 პომიდორი
- 1 ჩ/კ ლიმონის წვენი
- 1 ს/კ ზეითუნის ზეთი
- ნიორი სურვილის მიხედვით
მომზადება:
1.ავოკადოს კანი მოაშორეთ და დააბლენდერეთ. აუცილებლად ფაფას ლიმონის წვენი დაასხით, ასე არ გამუქდება. სურვილის მიხედვით ერთი კბილი (ან ნახევარი მაინც) დაქუცმაცებული ნიორი დაუმატეთ, რომ ავოკადოს გემო უფრო გამოხატული გახდეს.
2.ახლა კი პომიდვრის კონკასე უნდა მოამზადოთ. ამ ფრანგული სახელის მიღმა სინამდვილეში ძალიან მარტივი მოქმედება იმალება, უფრო ზუსტად: პომიდორი გათალეთ და თესლები მოაშორეთ, ფილეს დანით გაჭერით და მცირე ზომის კუბებად დაჭერით.
3.კიბორჩხალას ჩხირები დანით ფრთხილად გაჭერით, რომ გარედან კიბორჩხალას ხორცს ჰგავდეს.
4.ასე რომ, დიეტური სალათისთვის ავოკადოს პიურე, პომიდორი კონკასე და კიბორჩხალას „ხორცი“ მზად არის. სალათი ჭიქაში ფენებად დააწყვეთ – ავოკადო, პომიდორი, კიბორჩხალას ჩხირები.
5.ახლა კი ზეითუნის ზეთისა და ლიმონის წვენისგან მოსართავის გაკეთება დაგრჩათ. ეს ინგრედიენტები ერთმანეთს აურიეთ და სურვილის მიხედვით ოდნავ წიწაკა და მშრალი ქინძი მოაყარეთ. მოსართავი მზადაა.
6.დიეტური კიბორჩხალას სალათი მზადაა! გემრიელად მიირთვით!
სალათი „სოკოს ველობი“
სალათი „სოკოს ველობი“ – ერთ-ერთი ყველაზე ორიგინალური სალათია, რომელიც ოდესმე მინახავს. სალათი ნებისმიერ სადღესასწაულო სუფრას დაამშვენებს, ეფექტურად და გემრიელად გამოიყურება, რაც მთავარია – გარეგნობაზე ნაკლები გემო არ აქვს. მოკლედ რომ ვთქვათ, შესანიშნავი სალათია – გასასინჯად ღირს!
ინგრედიენტები:
- 2 დამარინადებული კიტრი
- 2 ნადნობი ყველი
- 2 სტაფილო
- 200 გრ ღორის ხორცი
- 1 ქილა კონსერვი ქამა სოკო
- 2 საშუალო ზომის კარტოფილი
- 1 ხახვი
- 3 კვერცხი
- მაიონეზი გემოვნებით
- მარილი და წიწაკა გემოვნებით
- მწვანილი გემოვნებით
მომზადება:
1.ღრმა თასი აიღეთ და მაში დამარინადებული სოკო ჩაყარეთ. სოკოს მწვანილი მოაყარეთ.
2.კერძს ხორცის ფენა დაადეთ.
3.შემდეგ მაიონეზი, გახეხილი სტაფილო და კვლავ მაიონეზი. ამის შემდეგ გახეხილი ყველი და კუბებად დაჭრილი კვერცხი.
4.და ბოლოს, ზემოდან კიდევ ერთი ფენა მაიონეზი და სქლად გახეხილი მოხარშული კარტოფილი. კვლავ მაიონეზი და კუბებად დაჭრილი კიტრის ფენა. ამის შემდეგ სალათს თავსახური დაახურეთ და მაცივარში რამდენიმე საათით შეინახეთ.
5.ახლა მნიშვნელოვანი მომენტი. ძალიან ფრთხილად სალათა თეფშზე უნდა გადმოაბრუნოთ ისე, რომ ქვემოთ მოთავსებული სოკო ზემოთ აღმოჩნდეს. შეგიძლიათ ეს სტუმრების თანდასწრებით გააკეთოთ.
სალათა ვირთევზას ღვიძლით
ვირთევზას ღვიძლი არა მხოლოდ გემრიელი, ასევე ძალიან სასარგებლოა. A ვიტამინის შესანიშნავი წყაროა. ასე უბრალოდ მისი მირთმევა კი სასიამოვნო არაა, ამიტომ შეგიძლიათ სალათის მთავარ ინგრედიენტად გამოიყენოთ.
ინგრედიენტები:
- 1 ქილა კონსერვი „ვირთევზას ღვიძლი“
- 2-3 კარტოფილი
- 1-2 სტაფილო
- 3 კვერცხი
- 3-4 მარილიანი კიტრი
- 50 გრ ყველი
- მწვანე ხახვი გემოვნებით
- სახლის მაიონეზი და წიწაკა გემოვნებით
მომზადება:
1.ღვიძლის კონსერვი გახსენით. ზეთი გადაასხით. ღვიძლი თასში გადაიტანეთ და ჩანგლით კარგად დაჭყლიტეთ.
2.სტაფილო და კარტოფილი მოხარშეთ. კარტოფილი მსხვილ, სტაფილო კი წვრილ სახეხზე გახეხეთ. კვერცხი კარგად მოხარშეთ. ცილა და გული დააცალკევეთ. ცილა მსხვილ, გული კი წვრილ სახეხზე გახეხეთ.
3.მარილიანი კიტრი გათალეთ და მსხვილ სახეხზე გათალეთ, შემდეგ მარილწყალი ოდნავ გადაწურეთ.
4.მწვანე ხახვი წვრილად დაჭერით. ყველი წვრილად გახეხეთ.
5.სამი მინის ლარნაკი მოამზადეთ, როგორც დესერტის ან ნაყინის ჭურჭელი. მასში პორცია სალათის ჩადება ძალიან მოსახერხებელია. თითოეული ჭიქის ძირში გახეხილი კარტოფილი მოათავსეთ. ჩაის კოვზით ან თითით ლამაზად ჩადეთ.
6.დაჭყლეტილი ღვიძლის ფენა დაადეთ. მწვანე ხახვი მოაყარეთ და მაიონეზი მოასხით.
7.მაიონეზს ზემოდან გახეხილი მარილიანი კიტრი მოაყარეთ. ღვიძლის სალათი ძალიან ცხიმიანი და მარილიანი კიტრი ძალიან სასარგებლო იქნება.
8.შემდეგ თანაბარ ფენად გახეხილი კვერცხი ცილა მოაყარეთ ისე, რომ ცილამ მთელი სალათი დაფაროს. ამ ეტაპზე კოვზით ოდნავ დაპრესეთ, ოღონდ არა ძლიერად.
9.შემდეგ გახეხილი სტაფილო და ყველი მოატარეთ. მაიონეზი წაუსვით.
10.ბოლო ეტაპი გახეხილი კვერცხის გული. ზემოდან ზეთისხილით და მწვანილით მორთეთ.
11.მზა სალათა რამდენიმე საათით მაცივარში შეინახეთ, რომ ყველაფერი ერთმანეთში კარგად გაჯდეს.
მიმოზა დაკონსერვებული ღურკანა
ინგრედიენტები:
- 1 ქილა დაკონსერვებული ღურკანა
- 6 კვერცხი
- 1 კარტოფილი
- 1 ხახვი
- 1 სტაფილო
- 150 გრ უცხიმო მაიონეზი
- ახალი მწვანილი
მომზადება:
1.კარტოფილი სტაფილოსთან ერთად მოხარშეთ.
2.კვერცხი კარგად მოხარშეთ. გააგრილეთ მოხარშული პროდუქტები ოთახის ტემპერატურამდე.
3.კარტოფილი და სტაფილო გაასუფთავეთ, შემდეგ მსხვილ სახეხზე გახეხეთ, ან წვრილ კუბებად დაჭერით. ის მეთოდი გამოიყენეთ, რომელიც უფრო მოგწონთ.
4.კვერცხის ცილა და გული დააცალკევეთ და წვრილ სახეხზე გახეხეთ. ხახვი დაჭერით.
5.ღურკანადან წვენი გადაასხით და ჩანგლით დაჭყლიტეთ.
6.ახლა შეგიძლიათ სალათის ფენა გააკეთოთ. თავიდან კარტოფილი, შემდეგ თევზი და ხახვი. ამის შემდეგ სტაფილო, გახეხილი ცილა და გული. ყველა ფენას, ბოლოს გარდა, მაიონეზი კარგად წაუსვით.
7.მზა სალათა მაცივარში 1 საათით გააჩერეთ. შემდეგ კი მწვანილით მორთეთ და სუფრაზე გაიტანეთ.
ოლივიე კრევეტებით და მარილიანი ორაგულით
ინგრედიენტები:
- 4 მოხარშული კარტოფილი
- 200 გრ მოხარშული გასუფთავებული კრევეტი
- 200 გრ მარილიანი ორაგული
- 100 გრ წითელი ხიზილალა
- 2 მოხარშული სტაფილო
- 3 მოხარშული კვერცხი
- 1 ქილა კონსერვი მწვანე ბარდა
- 3 მცირე ზომის ახალი კიტრი
- მარილი და წიწაკა გემოვნებით
მოსართავად:
- 200 გრ ბერძნული იოგურტი
- 0,5 ჩ/ლ დაფქული ტკბილი პაპრიკა
- 1 კბილი დაქუცმაცებული ნიორი
- 2 ს/კ ლიმონის წვენი
- 1 ს/კ ზეითუნის ზეთი
- მარილი გემოვნებით
მომზადება:
1.კარტოფილი, სტაფილო და კიტრი მცირე ზომის კუბებად დაჭერით. კვერცხი გაასუფთავეთ და ასევე კუბებად დაჭერით. ყველა ინგრედიენტი სასალათეში გადაიტანეთ. ბარდა დაუმატეთ.
2.მარილიანი ორაგული კუბებად დაჭერით. თუ კრევეტები საკმაოდ დიდია, ასევე დააქუცმაცეთ, თუ არა გააგრილეთ და ორაგულთან ერთად სხვა ინგრედიენტებს დაუმატეთ. თევზი, ხიზილალა და კრევეტები სასალათეში გადაიტანეთ. მარილი და წიწაკა გემოვნებით მოაყარეთ, შემდეგ აურიეთ.
3.მოსართავი მოამზადეთ. ერთგვაროვანი მასის მისაღებად ბერძნული იოგურტი, ზეითუნის ზეთი, ლიმონის წვენი, ნიორი, პაპრიკა და მარილი აურიეთ. თუ სოუსის მომზადება თუ არ გსურთ, ყოველთვის შეგიძლიათ მაიონეზი გამოიყენოთ. სალათს სოუსი მოასხით და კარგად აურიეთ.
4.სალათი პორციებად გაიტანეთ. სურვილის მიხედვით სალათის ფურცლებით მორთეთ.
ოლივიე ენით და ახალი კიტრით
ინგრედიენტები:
- 5 კარტოფილი
- 1 მოხარშული ძროხის ენა
- 5 მცირე ზომის კიტრი
- 50 გრ კაპარი
- 6 კარგად მოხარშული კვერცხი
- სახლის მაიონეზი ერთი კვერცხის ცილისგან
- 3-4 ს/კ არაჟანი
- 1-2 ს/კ პირშუშხა
- 3-5 კონა კამა
- რამდენიმე ღერი მწვანე ხახვი
- მარილი და წიწაკა გემოვნებით
მომზადება:
1.კარტოფილი მოხარშეთ, გაასუფთავეთ და კუბებად დაჭერით. ჯერ კიდევ თბილ კარტოფილს მაიონეზი მოასხით და კაპარს აურიეთ.
2.კიტრი გათალეთ და ასევე კუბებად დაჭერით. აუცილებლობის შემთხვევაში კიტრის გული მოაშორეთ. კამა წვრილად დაჭერით, რამდენიმე ღერი მოსართავად გადადეთ. მარილი და წიწაკა მოაყარეთ და კამას აურიეთ. ყველაფერი საცერში გადაიტანეთ, თეფში დაადეთ და 10 წუთით გააჩერეთ.
3.ენა გაასუფთავეთ და კუბებად დაჭერით. არაჟანი და პირშუშხა ერთმანეთს აურიეთ და ენას წაუსვით.
4.ყველა ინგრედიენტი ერთმანეთს აურიეთ და სალათი ფორმაში გადაიტანეთ. კუთხეები მწვანე ხახვის ღეროებით მორთეთ. კიტრის ფორმებით და გახეხილი კვერცხით მორთეთ.
სალათი კალმარით და ლორით
ინგრედიენტები:
- 500 გრ კალმარის ფილე
- 300 გრ ლორი
- 240 გრ კიბორჩხალას ჩხირები
- მაიონეზი და მარილი გემოვნებით
მომზადება:
1.კალმარის ფილე მდუღარე წყალში ჩადგით და მაქსიმუმ 3 წუთით ხარშეთ (თუ დიდხანს მოხარშავთ, უფრო მაგარი გახდება). ამის შემდეგ გააგრილეთ და ფენებად დაჭერით.
2.მარილიანი ლორი და კიბორჩხალას ჩხირები დაჭერით.
3.დაჭრილი კიბორჩხალას ჩხირები ლორს და კალმარს აურიეთ. მარილი გემოვნებით მოაყარეთ და მაიონეზი წაუსვით.
4.სალათი ძალიან ნოყიერი გამოვა, ამიტომ შეგიძლიათ ცოტა გახეხილი კომბოსტო დაუმატოთ.
„ახალი“ ოლივიე
რეცეპტი მათთვის, ვინც საახალწლო ტრადიციებს პატივს სცემს, მაგრამ ლამაზის მოსწონს.
ინგრედიენტები:
- 4-5 მოხარშული კარტოფილი
- 1 მცირე ზომის ღორის ენა
- 150 გრ მოხარშული ქათმის ფილე
- 20 მოხარშული კვერცხი
- 1 ქილა კონსერვი „კიბორჩხალას ხორცი’
- 1 ახალი კიტრი
- 3 დამარინადებული კიტრი
- 1 მოხარშული სტაფილო
- 1 ქილა მწვანე ბარდას კონსერვი
- მაიონეზი გემოვნებით
- მწვანილი სურვილის მიხედვით
მომზადება:
1.ხორცი, კვერცხი და ბოსტნეული წვრილად დაჭერით.
2.ბარდა და კიბორჩხალას ხორცი ერთმანეთს აურიეთ.
3.ყველაფერი ერთმანეთს აურიეთ, მარილი მოაყარეთ და მაიონეზი მოასხით!
4.გემრიელად მიირთვით!
