რატომ არის საშიში კომპიუტერული კისრის სინდრომი და როგორ ავიცილოთ შეუქცევადი პროცესი თავიდან 

2280
რატომ არის საშიში კომპიუტერული კისრის სინდრომი და როგორ ავიცილოთ შეუქცევადი პროცესი თავიდან 
რატომ არის საშიში კომპიუტერული კისრის სინდრომი და როგორ ავიცილოთ შეუქცევადი პროცესი თავიდან 

კომპიუტერთან მუშაობის დროს ბევრი ზის ისე, რომ კორპუსი წინ გადაწეული და თავი გამოწეული აქვთ. ასეთ პოზას ღებულობენ სმარტფონში საათობით ყურების მოყვარულები, ასევე მოზარდები, რომლებიც საათობით დროს გაკვეთილებთან ატარებენ. ექიმები და მეცნიერები განგაშს ტეხენ და ამბობენ, რომ კისრის არეზე დატვირთვა წარმოუდგენლად იზრდება და იწვევს ისეთ ცნებას, როგორიც არის „კომპიუტერული კისერი“ ან „ტექსტური კისერი“.

დღეს შევეცადეთ გაგვერკვია, რა არის კომპიუტერული კისრის სინდრომი და როგორ ავარიდოთ თავი  ჯანმრთელობისთვის დამაზიანებელ ამ შეუქცევად პროცესს. სპოილერი: ამ სტატიის წაკითხვა პოზის რეფლექსურ გასწორებას იწვევს.

რა არის კომპიუტერული კისრის სინდრომი

იმის გამო, რომ ადამიანი მუდმივად კომპიუტერის, მობილურის ან ნოუთბუკისკენ  გადახრას ეჩვევა, რომ დაწერილი კარგად გაარჩიოს და სხეულის ნორმალურ პოზაში დაბრუნება ავიწყდება, ყალიბდება კომპიუტერული კისრის სინდრომი. სინდრომისთვის დამახასიათებელია ზურგის შუა და კისრის კუნთების მოდუნება, ზურგის ზედა კუნთების, მხრების და მკერდის კუნთების დაჭიმულობა. ეს სინდრომი პოზაზე დამღუპველად მოქმედებს: მხრები, კისერი და თავი წინ არის გადახრილი, ხერხემალი იღუნება. გარდა ამისა, კისრის კანი ჩამოწეული ხდება, რამაც შეიძლება ორმაგი ნიკაპის გაჩენა გამოიწვიოს.

სინდრომის თავიდან მოშორებას სირთულის გარეშე მხოლოდ მისი განვითარების საწყის ეტაპზე შეძლებთ, ამიტომ ყურადღება შემდეგ ნიშნებს მიაქციეთ:

  • კისრის ტკივილი და კუნთების შეშუპება
  • ზურგის ზედა ნაწილისა და მხრების ტკივილი
  • გახშირებული თავის ტკივილი და ტკივილი კეფაზე.
  • მხედველობის პრობლემები
  • იმის შეგრძნება, თითქოს კისერი წინ გამოდის.
  • ზურგის გამართვის სურვილი, ამასთან ეს პროცესი დისკომფორტს იწვევს.

ამ სინდრომის შესწავლით ექიმი კენეტ ჰანსრაი არის დაკავებული, რომელიც თვლის, რომ პრობლემას ეპიდერმული ხასიათი აქვს. ადამიანის თავი ჩვეულებრივ მდგომარეობაში დაახლოებით 4-5 კგ-ს იწონის. მაგრამ თავის ხშირად წინ გადახრის შემთხვევაში კისერზე ზეწოლა იზრდება. ჰანსრაის კვლევის მიხედვით, თავის 15 გრადუსით დახრის შემთხვევაში ხერხემალზე 12 კგ მოდის, 30 გრადუსის შემთხვევაში 18 კგ-ს, 45-ის დროს 22, ხოლო 60 გრადუსის შემთხვევაში ზეწოლა 27 კგ-ით იზრდება. (ეს დაახლოებით 8 წლის ბავშვის წონა არის).

ასე რომ, როცა თავს 60 გრადუსით ხრით, რომ ტელეფონში ფოტოები დაათვალიეროთ, შეგიძლიათ ჩათვალოთ რომ თქვენს კისერზე 8 წლის ბავშვი გაზით.

როგორ დავჯდეთ კომპიუტერთან სწორად

ჯანმრთელობასთან დაკავშირებული უარყოფითი შედეგები თავიდან რომ ავიცილოთ, სამუშაო ადგილის სწორად ორგანიზება უნდა მოახდინოთ.

  • კომპიუტერის მონიტორი ძალიან დაბლა არ უნდა იყოს: ის თქვენს გასწვრივ დააყენეთ.
  • ტექსტის ან სურათის ზომები გაადიდეთ, რომ ეკრანისკენ არ გადაიხაროთ.
  • რეკომენდებულია დასხდეთ ისე, რომ თქვენი ზურგი ფეხთან მიმართებაში 100-135 გრადუსს შეადგენდეს: ასე ხერხემალი ნაკლებად დატვირთულია.
  • თქვენი მხრები და კისერი მოდუნებული უნდა იყოს, ამიტომ თქვენთვის კომფორტული სიმაღლე დააყენეთ.
  • სავარძლის სიმაღლე დაარეგულირეთ ისე, რომ თქვენი მუხლები თეძოების გასწვრივ სიმაღლეზე იყოს.
  • ფეხები ერთმანეთს შეატყუპეთ – ფეხი ფეხზე არ გადაიდოთ.

ვარჯიში პროფილაქტიკისთვის

კომპიუტერული კისრის სინდრომის პროფილაქტიკის მიზნით ყოველდღე ვარჯიში შეასრულეთ, ასევე შესვენების გარეშე კომპიუტერთან დიდხანს ჯდომას მოერიდეთ. რეგულარულად მცირე ვარჯიშები, სეირნობა შეასრულეთ ან უბრალოდ ადექით, რომ გაჭიმვები შეასრულოთ. პროფილაქტიკისთვის შემდეგი ვარჯიშები გამოგადგებათ.

  • თავის წრიული მოძრაობა: გაიმეორეთ 5-ჯერ საათის ისრის მიმართულებით, შემდეგ საწინააღმდეგო მიმართულებით.
  • თავი უკან გადასწიეთ, თითქოს ზურგის დანახვას ცდილობთ. შემდეგ საწყის მდგომარეობას დაუბრუნდით და ნიკაპი მკერდისკენ დახარეთ. 5-ჯერ გაიმეორეთ.
  • თავი მარჯვნივ გაააბრუნეთ, რამდენადაც ეს თქვენთვის შესაძლებელი იქნება. ამ მდგომარეობაში დაფიქსირდით, შემდეგ თავი მეორე მხარეს გააბრუნეთ. 5-10-ჯერ გაიმეორეთ.
  • თავი მხრებისკენ გადახარეთ და ეცადეთ ლოყებით მას შეეხოთ (მხრები ამასთან არ წამოწიოთ). იგრძენით, კუნთები როგორ იჭიმება. ამ მდგომარეობაში 30 წამით გაჩერდით, შემდეგ თავი მეორე მხარეს გადახარეთ. რამდენჯერმე გაიმეორეთ.
  • მხრების და ხელის კუნთების განსატვირთად სხვადასხვა პატარა ვარჯიშები შეასრულეთ „დანა“ და „ხელები ზემოთ-ქვემოთ“.
  • თვალის ტანვარჯიში შეასრულეთ. შეიძლება მოგეჩვენოთ, რომ თვალს კისერთან და კომპიუტერის პოზასთან კავშირი არ აქვს, მაგრამ თვალი სხეულის ნაწილია და ის კომპიუტერთან ყველაზე უფრო ახლოს იხრება. ჩვევად გქონდეთ რომ  ყოველი 30 წამიანი მუშაობის შემდეგ რამდენიმე წამით ეკრანს თვალი მოაშორეთ.
  • კვირაში 2-3-ჯერ ზურგის და კისრის კუნთების გასაძლიერებელი ვარჯიშები შეასრულეთ.

თქვენ პოზას უფრთხილდებით, როცა კომპიუტერთან მუშაობა გიწევთ?