როგორ უნდა ატაროთ მძიმე ჩანთა, თუ ვერავინ გეხმარებათ

0
1009

სიმძიმეების აწევამ და გადატანამ განწყობის როგორც გაუმჯობესება, ასევე გაუარესება შეიძლება გამოიწვიოს. ზედმეტად მძიმე ტვირთმა შეიძლება ფიზიკურად მოუმზადებელი ადამიანის ზურგი დააზიანოს, თუ მისი აწევის და გადაზიდვის გარკვეულ წესებს არ დაიცავთ.

თუ სპეციალისტების რეკომენდაციებს გაითვალისწინებთ და ორგანიზმზე ტვირთს თანაბრად გადაანაწილებთ, ზურგის კუნთების გაძლიერებას და ხერხემლის სხვადასხვა დაზიანების თავიდან აცილებას შეძლებთ.

სწორედ ამიტომ, „ვივიენმა“ თქვენთვის სიმძიმეების აწევის და გადატანის შესახებ რეკომენდაციები შეაგროვა, რომელიც იმის გაგებაში დაგეხმარებათ, თუ როგორ გააძლიეროთ წელი და ზურგის კუნთები სახლის პირობებში და თავად სიმძიმის გადატანის პროცესი როგორ შეამსუბუქოთ.

სიმძიმეების გადატანა

ჯანდაცვის მსოფლიო ორგანიზაციის სტატისტიკის თანახმად, პლანეტის ყოველ მესამე მოსახლე სიმძიმეების აწევის შემდეგ ტკივილებს განიცდის, რაც ხერხემლის დაავადებაზე მიუთითებს. ამასთან დაკავშირებით, მოსახლეობის ზოგადი შრომისუნარიანობა მნიშვნელოვნად მცირდება. ამასთან სპეციალისტები ირწმუნებიან, რომ ჯანსაღ ხერხემალს 400 კგ წონის ატანა შეუძლია, თუ წონის სწორად გადანაწილება მოხდება.

რეკომენდაციები სიმძიმეების გადატანის შესახებ

თუ სიმძიმის აწევას აპირებთ, ჯერ ჩაიმუხლეთ, ასაწევი ნივთი თქვენსკენ მისწიეთ და ზურგი გამართეთ.

ძალიან ბევრი ადამიანის შეცდომა იმაში მდგომარეობს, რომ სიმძიმის აწევას ფეხების მოხრის გარეშე ცდილობს, ამასთან ზურგს ხრის. ამის გამო წელის არეში, მალთაშუა დისკზე დატვირთვა 10-ჯერ უფრო იზრდება.

ტვირთი სხეულთან მაქსიმალურად ახლოს დაიჭირეთ. სიმძიმის ცენტრის მიზიდვით ზურგის გამართვაზე უფრო ნაკლებ ძალისხმევას გასწევთ.

სიბრტყეზე მძიმე ნივთის გადატანის დროს სჯობს წინ უბიძგოთ და სრიალით წაიღოთ, ვიდრე ხელში აიღოთ.

სიმძიმის გადატანის დროს მკვეთრ მოძრაობებს მოერიდეთ.

ბევრი ფიქრობს, რომ სჯობს ყველა ნაყიდი ნივთი ერთ დიდ ჩემოდანში მოათავსონ, რადგან ერთი თავისუფალი ხელის ქონა უფრო კომფორტულია. თუმცა სიმძიმის ასე გადატანა ხერხემალს აზიანებს. სწორედ ამიტომ, არ იზარმაცოთ და ტვირთი თანაბრად გადაანაწილეთ. ეს მაღაზიაში ნივთების შეძენას და ჩანთით მძიმე ნივთების გადატანას ეხება.

მძიმე ჩანთა ცალი მხარით არ ატაროთ. საუკეთესო ალტერნატივაა კომფორტული ზურგჩანთა ან ჩანთა ბორბლებზე.

გარდა ამისა, მუდმივი ვარჯიში და ზურგის გამაგრება არ დაგავიწყდეთ.  მტკივნეული ხერხემლის საუკეთესო პროფილაქტიკაა ცურვა, სირბილი და ველოსიპედით სიარული. ჩვეულებრივი ფეხით სიარულიც კი უკვე კუნთების გამაგრებას ხელს უწყობს.

ზურგის ვარჯიშები

  1. ზურგით კედელს ისე მიეყრდენით, რომ კედელს გვერდებიც და წელიც ეხებოდეს. ტერფები კედლიდან 30 სმ-ით დააშორეთ, ხელისგულები უკან გასწიეთ. შემდეგ ნელ-ნელა ქვემოთ ჩაიწიეთ, სანამ თეძო იატაკის პარალელურად არ აღმოჩნდება. ამ პოზაში რამდენიმე წამით გაჩერდით, შემდეგ ნელ-ნელა საწყის პოზიციას დაუბრუნდით.
  2. იატაკზე დაწექით, წელი მიაბჯინეთ და ფეხები მოხრილ მდგომარეობაში დააფიქსირეთ. ერთი ფეხი ასწიეთ ისე, რომ იატაკის პარალელურად, ხოლო თითის წვერები დაჭიმული იყოს ამ ფეხით ნელი, წრიული მოძრაობა გააკეთეთ. 10 წამის შემდეგ იგივე მეორე ფეხზე გააკეთეთ.

ასეთი ვარჯიშები რაც შეიძლება ხშირად გააკეთეთ. რა თქმა უნდა, სიმძიმეების გადატანის დროს სხვებისთვის დახმარების თხოვნა არ მოგერიდოთ, თუ ტვირთი თქვენთვის ზედმეტად მძიმეა.

Loading...

პასუხის გაცემა

დაწერეთ კომენტარი
გთხოვთ ჩაწერეთ თქვენი სახელი