ვარჯიში „ფუტპაკი“. გოგოებო იატაკზე სასწრაფოდ დაწექით და ზაფხულისთვის მოხდენილი ფეხები მოამზადეთ

0
240

იაპონელები სხეულის ფორმის შესანარჩუნებლად უპირატესობას მსუბუქ ფიტნესს ანიჭებენ და ძალოვან ვარჯიშებს იშვიათად ასრულებენ. იაპონელი მწვრთნელი, კეი მაცუი გოგოებს ფეხებისა და დუნდულების ეფექტურ სავარჯიშოს, სახელწოდებით „ფუტპაკს“ ურჩევს.

„ვივიენი“ გიამბობთ, თუ სახლის პირობებში რომელი ვარჯიშები დაგეხმარებათ მოხდენილი ფეხებისა და ბრტყელი მუცლის მოპოვებაში. ამისთვის დღეში მხოლოდ რამდენიმე წუთიანი ვარჯიში დაგჭირდებათ.

ვარჯიში ფეხებისა და დუნდულებისთვის

გაოცდებით, მაგრამ ფეხებისა და დუნდულების გასახდომი ვარჯიში ძილის წინ უნდა შეასრულოთ. ასე კუნთები ძილის დროსაც ტონუსში იქნება. ვარჯიში „ფუტპაკი“ ბევრი ქალის პრობლემური ზონების, დუნდულების შიდა მხრისა და ნაწილობრივი პრესის, დამუშავებაში დაგეხმარებათ.

ვარჯიშის დაწყების წინ მცირე მოთელვა გააკეთეთ, რომ კუნთები გაახუროთ და მყესები არ დააზიანოთ.

მოხდენილი ფეხები და დუნდულები

  1. იატაკზე დაწექით და ფეხები იატაკის პერპენდიკულარულად ასწიეთ. თუ ასეთ მდგომარეობაში ფეხების გაჩერება გიჭირთ, შეგიძლიათ ფეხებით და მენჯებით კედელს მსუბუქად დაეყრდნოთ.
  2. ხელები თავს ქვემოთ შემოიდეთ, ზურგი გამართეთ. მუხლები ოდნავ მოხარეთ.
  3. ფეხები შეაერთეთ ისე, რომ თითის წვერები და ქუსლები შეაერთოთ. ამ მდგომარეობიდან ფეხები გვერდზე ნელ-ნელა გაშალეთ. წონასწორობა შეინარჩუნეთ, ფეხები სინქრონულად გაშალეთ.
  4. ფეხების გაშლის დროს დუნდულების შიდა ნაწილის დაჭიმვას იგრძნობთ, ეს ნორმალურია. თუმცა ეს დისკომფორტს არ უნდა იწვევდეს. ვარჯიში ძალის დატანებით არავითარ შემთხვევაში არ შეასრულოთ.
  5. როცა კუნთების დაჭიმვას იგრძნობთ, სამი ზამბარა მოძრაობა გააკეთეთ, თითქოს ფეხების გვერდზე კიდევ უფრო გაწევას ცდილობთ და ნელ-ნელა ფეხები საწყის მდგომარეობას დაუბრუნეთ. 20-ჯერ გაიმეორეთ.

მწოლარე პოზაში შეგიძლიათ მუცლის პრესსზეც იზრუნოთ. სჯობს პირველი და მეორე ვარჯიში 3-4 წრე გააკეთოთ, მაშინ თქვენს მოხდენილ სხეულს თვალს ვერ მოწყვეტენ.

მოხდენილი ფეხები და ბრტყელი მუცელი

  1. ზურგზე დაწექით, ხელები სხეულის გასწვრივ. ფეხის თითის წვერები დაჭიმეთ.
  2. ფეხები ვერტიკალურად გქონდეთ. ერთი ფეხი იატაკისკენ დაწიეთ, ისე რომ ქუსლით არ შეეხოთ. მეორე ფეხი უმოძრაოდ გქონდეთ.
  3. ზომიერ ტემპში ფეხების მონაცვლეობით მაკრატლის იმიტაცია გააკეთეთ, თუ ვარჯიშის გართულება გსურთ, ფეხები არა სწორი კუთხით, არამედ იატაკთან ოდნავ ახლოს გააჩერეთ. ასე პრესი მაქსიმალურად ჩართული იქნება. ვარჯიშში დუნდულების უკანა ნაწილიც მონაწილეობს. 20-ჯერ გაიმეორეთ.

შედეგი არ დააყოვნებს. უკვე 2 კვირიანი რეგულარული ვარჯიშის შემდეგ შეამჩნევთ, რომ ფეხები და მუცელი უფრო მკვრივი გახდა. ვარჯიშის შეწყვეტა არ ღირს, შედეგი გრძელვადიანი მხოლოდ 3 თვის შემდეგ იქნება, მოთმინება მოიკრიბეთ.

Loading...

პასუხის გაცემა

დაწერეთ კომენტარი
გთხოვთ ჩაწერეთ თქვენი სახელი