ჯანმრთელი ხერხემალი, მოქნილი სახსრები, ბალანსის და წონასწორობის შეგრძნება, ლამაზი დგომა – აი, ნამდვილი საგანძური ნებისმიერი ადამიანისთვის. ჯანმრთელობას ფულით ვერ იყიდით, ხოლო კარგი განწყობის გარეშე ჩვენ არაფერი გვსურს.
ასაკთან ერთად ისეთი ფიზიკური ფორმა და განწყობა გვაქვს, როგორსაც ვიმსახურებთ. ჩემი მეგობრის მაგალითმა კიდევ ერთხელ დამიმტკიცა, თუ რამდენად მნიშვნელოვანია დრო ვარჯიშს დაუთმოთ და ვარჯიში რეგულარულად შეასრულოთ. სინამდვილეში, ამისთვის არც ისეთი ბევრი დრო და ძალისხმევა არის საჭირო, როგორც ვფიქრობთ.
ლამაზი დგომა
თუ ხშირად მოხრილი ხართ და მხრებ ჩამოყრილი დადიხართ, დროთა განმალვობაში ყველაზე იდეალური დგომაც კი ფორმას დაკარგავს. არასწორი დგომის გამო კი მთელი ორგანიზმი იტანჯება, რაც ერთი შეხედვით შეუმჩნეველია.
ცუდი დგომის შედეგი შეიძლება იყოს თავის ტკივილი, სუნთქვის და გულისცემის გახშირება, გულმკერდის ტკივილი. ბოლოს და ბოლოს, ეს ლამაზად და მიმზიდველად არ გამოიყურება.
ჩემ მეგობარ ირინას მოხრილი დგომის გასწორებაში ერთი ვარჯიში დაეხმარა, რომელსაც 2 კვირის განმავლობაში ყოველდღე ნახევარი წუთით ასრულდება. ეფექტი უკვე მე-3 დღეს შესამჩნევი იყო, ამასთან მას მთელი რიგი პოზიტიური ცვლილებები მოყვა.
არწივის პოზა ან გარუდასანა – იოგის კლასიკური ვარჯიშია, რომელსაც მთელი სხეულის სავაჯირშო ნაკრებში ხშირად რთავენ. გარუდასანა ამოცანების მთელ სპექტრს წყვეტს, რომელთაც დამწყები პრაქტიკოსები ხშირად აწყდებიან.
ვარჯიში ბალანსის დაცვის კატეგორიას მიეკუთვნება, ამიტომ ხელს უწყობს ყურადღების კონცენტრაციის განვითარებას. ამ ვარჯიშის შესრულების შემდეგ სამსახურზე, ყოველდღიურ საქმეებზე ფიქრი აღარ შეგაწუხებთ და მნიშვნელოვან მომენტებზე ყურადღების გამახდილებას შეძლებთ, რომლებიც ახლა და აქ ხდება.
ამ ვარჯიშის შესრულების დადებითი ეფექტები: სახსრების (ორივე იდაყვის და მენჯ-ბარძაყის ) უძრაობას აღმოფხვრის, დგომას აუმჯობესებს. წელ-გავის კუთხეში რევმატიზმის, შარდსასქესო სისტემის და სწორი ნაწლავის შესანიშნავ პროფილაქტიკას წარმოადგენს.
არწივის პოზა იდაყვებს ავითარებს, ფეხის კუნთებს აძლიერებს, კრუნჩხვებს თავიდან აგაცილებთ, წონასწორობის გრძნობას და კოორდინაციის უნარს ავითარებს, ვესტიბულარულ აპარატს აძლიერებს და ვარიკოზულ გაფართოებულ ვენებს ეხმარება.
დღეს „ვივიენი“ გიამბობთ, როგორ შეასრულოთ არწივის პოზა (გარუდასანა) სახლის პირობებში. რეგულარული ვარჯიშის შემთხვევაში შედეგს უმოკლეს დროში შეამჩნევთ!
როგორ შევასრულოთ არწივის პოზა
1. მუხლები ოდნავ მოხარეთ, წონა მარცხენა ფეხზე გადაიტანეთ. მარჯვენა ფეხს ხელები მოკიდეთ და მკერდთან ახლოს მიიტანეთ.
2. მარჯვენა თეძო მარცხენას დაადეთ, მარჯვენა ფეხის ტერფი მარცხენა ფეხის კოჭს ან წვივს დაადეთ (ერთ-ორჯერ შემოახვიეთ იმის მიხედვით, თუ მუხლის მომზადება რამდენის საშუალებას გაძლევთ). თითის წვერები ქვემოთ დაწიეთ.
3. მარჯვენა ხელი მარცხენას გადაადეთ, ხელისგულები ერთმანეთს დააჭირეთ. თითის წვერები ზემოთ აწეული გქონდეთ.
4. ჩაიცუცქეთ, მენჯი სწორად შეინარჩუნეთ, იდაყვებით და თითების კიდურებით გაიჭიმეთ.
5. ხელის მხრის ნაწილი იატაკის პარალელურად გქონდეთ, ხოლო ხელი თითები სახიდან მოშორებით, რომ მხრის ნაწილი გაშალოთ. 5 ღრმა სუნთქვის ციკლი შეასრულეთ. ხელები გაშალეთ და შემდეგ მეორე მხარეს შეასრულეთ.
არწივის პოზის შესრულებას ეტაპობრივად რომ შეხედოთ, ამ ვიდეოს უყურეთ. ვიდეოდან ასევე გაიგებთ ლეგენდას იმის შესახებ, თუ რატომ ეწოდება ვარჯიშს გარუდასანა.
ყურადღება მიაქციეთ, გარუდასანას პოზის შესრულება უკუჩვენებულია ადამიანებში, რომელთაც მუხლების სახსრების დაზიანება აქვთ, რადგან მასზე მთელი სხეულის ძლიერი ზეწოლა ხდება. განსაკუთრებით ფრთხილად უნდა შეასრულონ მათ, ვისაც გავა-თეძოს და ხერხემლის წელის ნაწილის პრობლემები აქვთ.
გარუდასანას პოზიდან გამოსვლისას არტერიების და ვენების დაჭერის გამო შეიძლება მსუბუქი თავბრუსხვევა იგრძნოთ. ამის არ შეგეშინდეთ, რადგან ასე სისხლძარღვები ვარჯიშდება და ტონუსი უმჯობესდება.
თუ ჯანმრთელობის შენარჩუნება გსურთ, ამ ვარჯიშის შესრულებას გირჩევთ. დღეში მხოლოდ ნახევარი წუთი და თქვენ არწივივით ჰაერში გაფრენა მოგინდებათ!
თუ სტატია ინფორმაციული იყო, მეგობრებს სოციალურ ქსელში გაუზიარეთ.
