გირლიანდის პოზა — აუცილებელი ასანა ქალბატონების სიმხნევისთვის და გაჯანსაღებისთვის.

1096
გირლანდის პოზა შუა ხნის ქალებისთვის აუცილებელია ასანაა, რომელიც განახლების შეგრძნებას მოგანიჭებთ
გირლანდის პოზა შუა ხნის ქალებისთვის აუცილებელია ასანაა, რომელიც განახლების შეგრძნებას მოგანიჭებთ

ჩვენ, ყველა სიწყნარეს და სამყაროსთან, ან საკუთარ თავთან ჰარმონიას ვეძებთ. თუმცა მილიონი ფაქტორი არსებობს, რომლებიც ამის სრულყოფილად გაკეთებაში ხელს გვიშლის: სტრესი, ტკივილი, ცხოვრებისეული სირთულეები, ცუდი ფიქრები და ბევრი სხვა რამ. მხოლოდ მათი მოშორებით ან დროებით ჩახშობით, ჰარმონიას შეიძლება მიაღწიოთ. ამის გაკეთების ბევრი მეთოდი არსებობს, მაგრამ ერთ-ერთი საუკეთესო იოგას პრაქტიკაა.

დღეს გიამბობთ ასანას შესახებ, რომელიც სტრესს, შფოთვას, ასევე ზურგის ტკივილს სამუდამოდ მოგაშორებთ.

იოგა ზურგისთვის

მალასანა, ან გირლანდის პოზა იოგის ერთ-ერთი ასანაა, რომელიც სხეულზე კომპლექსურ ეფექტს ახდენს. ის სტრესის მოშორებაში, ძალების აღდგენასა და განახლებაში დაგეხმარებათ. თუ ასანას რეგულარულად შეასრულებთ, ზურგის ტკივილს მოიშორებთ, ხერხემალს დაჭიმავთ, მუცლის კუნთებს ზემოთ ასწევთ და წონაში დაიკლებთ.

ეს პოზა, როგორც ნებისმიერი სხვა ასანა, სიმშვიდის, თავდაჯერებულობის და მოდუნების შეგრძნებას მოგანიჭებთ. სწორედ ამიტომ სტრესულ სიტუაციებში მისი გამოყენება რეკომენდებულია. მალასანის რეგულარული შესრულების შემთხვევაში ადამიანს წვრილი პრობლემები აღარ შეაწუხებს, ის უფრო მშვიდი და გაწონასწორებული ხდება.

ასევე მალასანა გაგამხნევებთ და ტვინს განაახლებს. ეს ასანა კარგია ქალებისთვის, რადგან მენსტრუაციული დარღვევის მოშორება და ციკლის დარეგულირება შეუძლია. მალასანა სხეულის ასაკობრივ ცვლილებებს, ზედმეტ წონას და მუცლის ქვედა ნაწილში ცხიმოვან დაგროვებას შესანიშნავად უმკლავდება.

ყველაფერთან ერთად გირლანდის პოზა ზურგსა და მუხლებში ართრიტის ტკივილს გააქრობს, ხერხემალს გააძლიერებს და სიმსუბუქეს მოგანიჭებთ. და ეს ყველაფერი მხოლოდ ერთი ვარჯიშის წყალობით.

ნახეთ, როგორ უნდა შეასრულოთ ვარჯიში სწორად.

სწორად დადექით, ფეხები თეძოების სიგანეზე გაშალეთ. შემდეგ წინ ღრმად დაიხარეთ, ფეხის თითები გარეთ გასწიეთ. ამის შემდეგ ნელ-ნელა ჩაჯდომა დაიწყეთ, ფეხები მუხლებში მოღუნეთ. თეძოები მაქსიმალურად იატაკისკენ დასწიეთ, ხოლო ქუსლები იატაკს არ უნდა მოაშოროთ.

ამასთან, მუხლები ფართოდ უნდა გაშალოთ. იდეალურ შემთხვევაში ფეხის თითების დონეზე უნდა იმყოფებოდნენ. ხელები წინ გამოსწიეთ, იდაყვებით მუხლების შიდა ნაწილს დაეყრდენით, ხელისგულები შეაერთეთ. კუდუსუნი ქვემოთ უნდა იყოს მიმართული, ზურგი გასწორებული. თანაბრად და ღრმად ისუნთქეთ.

მნიშვნელოვანია სხეული კარგად შეიგრძნოთ. იდაყვებით მუხლების გაწევა დაიწყეთ, ხოლო მუხლებით წინააღმდეგობა გაუწიეთ. გულმკერდი წინ წამოსწიეთ. ამ ასანაში სუნთქვის 5-10 ციკლი გაჩერდით. შემდეგ ხელები გაითავისუფლეთ, კორპუსი წამოსწიეთ და დაისვენეთ.

თუ ქუსლების იატაკზე გაჩერება გიჭირთ, ფეხების ქვეშ დახვეული პირსახოცი დაიდეთ. თქვენ დაძაბულობა არ უნდა იგრძნოთ, ყველაფერი მსუბუქად და დაძაბულობის გარეშე უნდა შესრულდეს. საწყისი პოზის მიღების შემდეგ, ყოველ ამოსუნთქვაზე ქვემოთ დაწევა სცადეთ.

ამ ვიდეოში, მალასანის პოზის შესახებ უფრო მეტს გაიგებთ და ნახავთ, სწორად როგორ უნდა შეასრულოთ.

ასანას შესრულების შემდეგ ენერგიის მოზღვავებას და სიმსუბუქეს იგრძნობთ. სტრესი, შფოთვა და ტკივილი გაქრება, თუ ვარჯიშს რეგულარულად შეასრულებთ. ერთადერთი უკუჩვენება – ეს მუხლების და ხერხემლის სერიოზული ტრავმაა. თუ უკუჩვენება არ გაქვთ, ვარჯიში არა თუ შეიძლება, არამედ აუცილებელია!

მოგეწონათ სტატია? მის შესახებ მეგობრებს უამბეთ, ან უფრო უკეთესი ეს სტატია გაუზიარეთ!