5 ვარჯიში, რომლებიც 40 წლის შემდეგ ყველა ქალმა უნდა შეასრულოს

0
1191

ყველამ ვიცით, რომ ორგანიზმისთვის რეგულარული ფიზიკური აქტიურობა ძალიან მნიშვნელოვანი და გარდამავალი ასაკი აქტიურობის შემცირების საბაბს არ წარმოადგენს. სხეულზე ნებისმიერ ასაკში უნდა იზრუნოთ. ზრდასრული ადამიანებისთვის ვარჯიშის ნაკრები, რა თქმა უნდა, ახალგაზრდა ადამიანის ვარჯიშისგან განსხვავებული უნდა იყოს, ამასთან ორგანიზმის ყველა ასაკობრივი ცვლილება გათვალისწინებული უნდა იყოს.

ასაკთან ერთად ორგანიზმში შეუქცევადი ცვლილებები ხდება, რაც დაბერებასთან კავშირშია: გულ-სისხლძარღვთა სისტემის მუშაობა უარესდება, ძვლები უფრო მტვრევადი ხდება, კუნთოვანი მასა მცირდება. ყველაფერი ეს კი ფიზიკური აქტივობის შემცირებას და ორგანიზმის მდგომარეობის გაუარესებას იწვევს. განსაკუთრებით იმ შემთხვევაში, თუ ადრე ადამიანი სპორტით დაკავებული იყო.

დროა თქვენს სხეულს დაეხმაროთ და სიბერის შეფერხებაზე იზრუნოთ. ამისთვის პილატესით დაკავება გამოგადგებათ. რატომ პილატესი? რადგან ასეთი ვარჯიში კუნთების და იოგების დაჭიმვას ხელს უწყობს, კოორდინაციას ამყარებს და სხეულის ფორმის შენარჩუნებას ხელს უწყობს. ამასთან დიდ ძალისხმევას არ მოითხოვს და ნელი ტემპით სრულდება.

გთავაზობთ ვარჯიშების კომპლექსს ზრდასრული ქალებისა და მამაკაცებისთვის, რომლებიც სხეულის ფორმის შენარჩუნებასა და სიბერის შეფერხებაში დაგეხმარებათ.

სახლის პილატესი

როგორც ნებისმიერი ვარჯიშის დროს, პილატესის დროს რეგულარულად შესრულება მნიშვნელოვანია. ვარჯიში ყოველდღე ან კვირაში 3-ჯერ მაინც უნდა შეასრულოთ. ფრთხილად და ზომიერად უნდა შეასრულოთ. ვარჯიშის დროს ტკივილი, დისკომფორტი და თავბრუსხვევა არ უნდა განიცადოთ.

ვარჯიშის შემდეგ სიმსუბუქეს და მხნეობას იგრძნობთ. რეგულარული ვარჯიში ორგანიზმის მდგომარეობის გაუმჯობესებას ხელს შეუწყობს, გულის და სასუნთქი გზების მოქმედებას დაარეგულირებს, სისხლძარღვებს აღადგენს და განწყობას გააუმჯობესებს! მოდით, დავიწყოთ!

5 საუკეთესო ვარჯიში

ვარჯიში 1

მარტივი ვარჯიში, რომლითაც დაწყებაც ღირს. ასე რომ, ზურგზე დაწექით, ფეხები მუხლებში მოხარეთ, რომ ტერფებმა თეძოებთან ერთი ხაზი შექმნას. ახლა ფეხები მუცლისკენ ოდნავ მისწიეთ, ამ მდგომარეობაში გაჩერდით და ნელ-ნელა საწყისს მდგომარეობას დაუბრუნდით. სუნთქვას და ტემპს ყურადღება მიაქციეთ. არ იჩქაროთ, ვარჯიში ნელა შეასრულეთ და ფოკუსირება კუნთების დაჭიმვაზე მიაქციეთ. 10-15-ჯერ გაიმეორეთ.

ვარჯიში 2

შესანიშნავი ვარჯიში, რომელიც მუცლის კუნთებს გააძლიერებს და ხერხემალს შესანიშნავად გაასწორებს. საწყისი პოზიცია ზურგზე დაწოლილი, ხელები უკან გადაწეული.

ღრმად ჩაისუნთქეთ და ამოსუნთქვაზე პრესი დაჭიმეთ და კორპუსი ზემოთ და წინ გადაწიეთ, კისრით დაიწყეთ. ნელ-ნელა ზურგი ასწიეთ. კორპუსი ასწიეთ და ხელები წინ გქონდეთ, ზურგი მოამრგვალეთ. კვლავ ღრმად ჩაისუნთქეთ. ახლა ასევე ნელა საწყის პოზიციას დაუბრუნდით. ნელ-ნელა იატაკზე დაწექით, თითოეული მალა შეიგრძენით.

საწყის პოზაში ხერხემალი სრულად გაჭიმეთ და გაიწელეთ. ვარჯიში 3-5-ჯერ გაიმეორეთ, შესრულების დროს სუნთქვა არ შეიკავოთ, ყველა მოძრაობა ნელა შეასრულეთ, ეცადეთ კისერი არ დაჭიმოთ.

ვარჯიში 3

ეს ვარჯიში მუცლის, ხელის და ფეხის კუნთებს გააძლიერებს, ასევე მოძრაობის კოორდინაციას გააუმჯობესებს. საწყისი პოზიცია დაწოლილი, ფეხები მოხრილი, ხელები სხეულის გასწვრივ. ღრმად ჩაისუნთქეთ. ამოსუნთქვაზე ფეხები მოხარეთ და მკერდისკენ მისწიეთ. ამ პოზაში გაჩერდით. ჩასუნთქვაზე ხელები ფეხებთან მიიტანეთ და ორივე ფეხის ზემოთ აწევა სცადეთ. ფეხები სწორად უნდა გქონდეთ, მაგრამ თუ არ გამოგდით, თავიდან შეგიძლიათ მოღუნოთ.

ვარჯიში 6-8-ჯერ გაიმეორეთ. სუნთქვას ყურადღება მიაქციეთ, ეცადეთ ხერხემალი დაჭიმოთ, მაგრამ სწრაფი მოძრაობის გარეშე.

ვარჯიში 4

ხერხემალი კვლავ ოდნავ დავტვირთოთ. საწყისი პოზიცია მჯდომარე, ფეხები გადაჯვარედინებული, რაღაც ლოტოსის პოზის მსგავსი, ხელები მუხლებზე. ნელ-ნელა ერთ მხარეს გადაიხარეთ, ამასთან ხელი ასწიეთ და თავს ზემოთ გადაიტანეთ. ასეთ პოზაში ბოლო წერტილში რამდენიმე წამით გაჩერდით და კვლავ საწყის პოზას დაუბრუნდით.

თითოეულ მხარეს 10-15-ჯერ გაიმეორეთ. ძალიან გადახრა აუცილებელი არაა, რომ ხერხემლის დისკომფორტი არ განიცადოთ.

ვარჯიში 5

ვარჯიში მათთვის, ვინც დიდხანს ზის და ზურგის პრობლემა აწუხებს. საწყისი პოზიცია მდგომარე, ფეხები მხრების გასწვრივ, ხელები სხეულის გასწვრივ. ნელ-ნელა წინ დაიხარეთ, ხელები თქვენს წინ დაჭიმეთ, ფეხები ოდნავ მოხარეთ. ამ მდგომარეობაში რამდენიმე წამით გაჩერდით და საწყის პოზას დაუბრუნდით. ზურგი გამართული, ხელები დაჭიმული გქონდეთ.

10-15-ჯერ გააკეთეთ.

არ დაგავიწყდეთ, რომ ვარჯიშის დაწყებამდე კუნთები უნდა გაახუროთ. ამ ვიდეოში შესანიშნავი გოგონა გიამბობთ, თუ ვარჯიში როგორ უნდა შეასრულოთ.

პასუხის გაცემა

დაწერეთ კომენტარი
გთხოვთ ჩაწერეთ თქვენი სახელი