ფეხსაცმელი გარეგნული იმიჯის მნიშვნელოვან კომპონენტს წარმოადგენს, რომელსაც უმეტესობა ჩვენგანი ყურადღებას აქცევს. სწორედ ამიტომ ბევრს უჩნდება კითხვა, თუ ფეხსაცმელს სწორად როგორ მოვუაროთ. დღეს ამ კითხვას პასუხს გავცემთ.
საყვარელმა ფეხსაცმელმა დიდხანს რომ გემსახუროთ, არა მხოლოდ ხარისხი, არამედ მასზე სწორად ზრუნვაც მნიშვნელოვანია. გსურთ გაიგოთ, თუ როგორ გაწმინდოთ ფეხსაცმელი მისი მასალის მიხედვით?
როგორ გავწმინდოთ ფეხსაცმელი სწორად
1.ტყავის ფეხსაცმელი
ამ მასალის ფეხსაცმელი ყველაზე მეტად გარცელებულია, რადგან ტყავი ელასტიურობით და ხანგრძლივი გამოყენებით გამოირჩევა. შედეგად, მფლობელს უჩნდება კითხვა, თუ სწორად როგორ გაწმინდოს.
პირველ რიგში, ზონარი გამოაძვრეთ. ასევე რბილი ჯაგრისით მთელი ზედაპირიდან მტვერი და მიმხმარი ჭუჭყი მოაშორეთ.
მეორე მხრივ, 2 ჭიქა ოთახის ტემპერატურის წყალი თასში ჩაასხით და ნეიტრალური სარეცხი საშუალება (მაგ. თხევადი საპონი) დაუმატეთ. ოდნავ ქსოვილი დაასველეთ და ფეხსაცმელი გაწმინდეთ.
შემდეგ ჩვეულებრივ წყალში დასველებული ქსოვილი აიღეთ და კიდევ ერთხელ ფეხსაცმელი გაწმინდეთ, რომ წინა საშუალების ნარჩენები მოაშოროთ. ამის შემდეგ ბოთები სუფთა, მშრალი ქსოვილით გაამშრალეთ.
და ბოლოს, ფეხსაცმელი ხავერდის ნაჭრით ან რბილი ჯაგრისით გააპრიალეთ. თქვენი საყვარელი ფეხსაცმელი ახალივით იბრწყინებს!
2.ფეხსაცმელი ნუბუკიდან
როცა საქმე ფეხსაცმლის მოვლას ეხება, ნუბუკი ბევრ ეჭვს იწვევს. ერთი მხრივ, ეს ძალიან სასიამოვნო და რბილი მასალაა. მეორე მხრივ, მისი მოვლა ნამდვილი თავის ტკივილია. განსაკუთრებით, თუ საჭირო ინფორმაციას არ ფლობთ.
თავიდანვე გეტყვით, რომ ასეთი ფეხსაცმელი ყოველდღე უნდა გაწმინდოთ. მნიშვნელოვანია: ეს სპეციალური ჯაგრისის საშუალებით და ყოველთვის ერთი მიმართულებით გააკეთეთ. გარდა ამისა, ნაბუკის დამცავი სპრეის გამოყენება არ უგულებელყოთ. ასე ფეხსაცმელი თავდაპირველ ფორმას დიდხანს შეინარჩუნებს.
უფრო ღრმა ლაქების მოსაშორებლად, უბრალოდ დიდი ძალისხმევა გასწიეთ, რომ ზედაპირს ჯაგრისით გაწმენდთ. კიდევ ერთი სასარგებლო საიდუმლო: თუ ფეხსაცმელი ტალახით ამოსვარეთ, არ ინერვიულოთ. უბრალოდ მზეზე დატოვეთ, რომ ლაქა გაშრეს, შემდეგ სუფთა ქსოვილით ან სპეციალური ნობუკის ჯაგრისით გაწმინდეთ.
განსაკუთრებით ღრმად ჩამჯდარ ლაქას ვერ აშორებთ? სცადეთ ჩვეულებრივი ფანქრის საშლელით მოაშოროთ – ეს ხრიკი იშვიათად გიმუხთლებთ. ასევე ნობუკის ქსოვილისთვის სპეციალური საშლელი შეგიძლიათ შეიძინოთ, ჩვეულებრივ ფეხსაცმლის მაღაზიებში იყიდება.
და ბოლოს, თუ ფეხსაცმელი წყლით დაასველეთ და ლაქა დარჩა, უბრალოდ მთელი ზედაპირი სველი ქსოვილით დაასველეთ. შემდეგ ფეხსაცმლის შიგნით დაკუჭული ქაღალდი ან სპეციალური საშუალება ჩადეთ, რომ ფეხსაცმელმა ფორმა არ დაკარგოს და მზეზე გასაშრობად დატოვეთ. როგორც კი გაშრება, ჯაგრისით გაწმინდეთ ისე, როგორც ჩვენ გასწავლეთ.
3.ქსოვილის ფეხსაცმელი
ძველი კბილის ჯაგრისი არ გადააგდოთ! თქვენ მის გამოყენებას ფეხსაცმლის გასაწმენდად შეძლებთ. აღსანიშნავია, რომ კეტები ჩვეულებრივ უფრო ხშირად ბინძურდება. განსაკუთრებით, თუ თეთრი ფერისაა. თავდაპირველი სახის დასაბრუნებლად, შეგიძლიათ საკვები სოდა წყალს აურიოთ და ამ ნარევით და ჯაგრისით გაწმინდოთ.
გარდა ამისა, მსგავსი ფეხსაცმელი შეგიძლიათ სარეცხ მანქანაში გარეცხოთ, სპეციალურ ცივი წყლის რეჟიმზე. თუ თქვენ ასე აკეთებთ, მაშინ კარგად გააშრეთ. წინააღმდეგ შემთხვევაში შეიძლება ობი ან ლაქა დარჩეს.
ზონრები არ დაგავიწყდეთ.
მათ გასარეცხად ტაშტში 2 ჭიქა წყალი ჩაასხით და 1 ჩ/კ ჭურჭლის სარეცხი საშუალება დაუმატეთ. ერთი საათით დაასველეთ, შემდეგ ჩვეულებრივ გარეცხეთ. ეს ნარევი თავად ფეხსაცმლის გასაწმენდადაც გამოგადგებათ. ნარევი რბილი ჯაგრისის საშუალებით წაუსვით. ამის შემდეგ ცივ, გამდინარე წყალში გარეცხეთ, გაწურეთ და გააშრეთ, შიგნით რაღაც ჩაუდეთ, რომ ფორმა არ დაკარგოს.
4.ბოტასები
მას ჩვეულებრივ ყოველდღე ვიყენებთ. როგორ შეიძლება სისუფთავე დაგავიწყდეთ! მასალის მიხედვით (ჩვეულებრივ რამდენიმე მასალის კომბინაციას წარმოადგენს) მოვლის რამდენიმე მეთოდი არსებობს.
პირველ რიგში, როგორც კეტების შემთხვევაში, ზონრები საპნიან ხსნარში ჩაალბეთ.
მეორე მხრივ, სუფთა ქსოვილი იმავე ხსნარში დაასველეთ და ბოტასის ზედაპირი გაწმინდეთ.
გირჩევთ ჯაგრისი მხოლოდ თეთრი ფერის ზედაპირზე გამოიყენოთ. ეს მათ ძველ ბრწყინვალებას დაუბრუნებს. ბოლო ეტაპი, როგორც ჩვეულებრივ, ფეხსაცმლის მზეზე გაშრობა იქნება.. ფენის გამოყენება ან ბატარეასთან გაშრობა არ ღირს.
5.ლაქის ფეხსაცმელი
რა თქმა უნდა, ასეთი ფეხსაცმელი ხშირად არ აცვიათ. ის უფრო სადღესასწაულო შემთხვევისთვის გამოდგება. მიუხედავად ამისა, ამ მასალას უყურადღებოდ ვერ დავტოვებთ. ლაქის ფეხსაცმელს რომ ბრწყინვალება დაუბრუნოთ, გირჩევთ მინის საწმენდ სითხეში დასველებული ქსოვილით ხშირად გაწმინდოთ.
სინამდვილეში ლაქების მოსაშორებლად ჩვეულებრივი ვაზელინი ან ავეჯის საწმენდი უფრო გამოდგება. ისინი ფეხსაცმელს ბრწყინვალებას დაუბრუნებენ.
იმავე მიზნით შეგიძლიათ 1 ს/კ ძმარი გამოიყენოთ. განსაკუთრებით იმ შემთხვევაში, თუ ფეხსაცმელი ძალიან ჭუჭყიანია. უბრალოდ ქსოვილი დაასველეთ და მსუბუქად გაწმინდეთ. არ დაგავიწყდეთ, რომ ძმარი ძლიერ მჟავას შეიცავს! სპირტი – რთული ლაქის მოშორების სხვა ვარიანტს წარმოადგენს.
ასე რომ, როგორც ხედავთ თითოეულ ფეხსაცმლის მასალას განსაკუთრებული მოვლა სჭირდება. ახლა, როცა უკვე იცით ნებისმიერი ფეხსაცმელი როგორ გაწმინდოთ, თქვენ საყვარელ წყვილს არასდროს დააზიანებთ.
